BU SAYT XOCALI RAYON İCRA HAKİMİYYƏTİNİN "XOCALININ SƏSİ" QƏZETİNİN ƏSASINDA YARADILMIŞDIR

7 Eylül 2016 Çarşamba

XOCALI RAYON TƏHSİL İŞÇİLƏRİNİN ƏNƏNƏVİ SENTYABR KONFRANSI KEÇİRİLDİ

Posted at  9/07/2016  |  in  Ümumi hadisələr


         07.09.2016-cı il tarixdə Xocalı rayon Mədəniyyət evində  təhsil işçilərinin ənənəvi sentyabr konfransı keçirildi. Tədbirdə Xocalı rayon İH-nin başçısı cənab Şahmar Usubov, Azərbaycan Respublikası Təhsil Nazirliyinin nümayəndəsi  cənab İlham Cavadov, rayon müəssisə, idarə rəhbərləri və təhsil işçiləri iştirak etdilər.
         Əvvəlcə tədbir iştirakçıları ümumilli liderimiz Heydər Əliyevin əziz xatirəsini yad etdilər, ulu öndərimizin büstü önünə ehtiram əlaməti olaraq tər çiçəklər düzdülər.
         Tədbir Azərbaycan Respublikasının Dövlət Himninin sədası altında başlandı. Konfransı aparmaq üçün sədr və katiblər seçildi. Konfaransı aparmaq üçün söz sədr seçilən rayonumuzun başçısı cənab Şahmar Usubova verildi. Şahmar Usubov gündəlikdə duran məsələ ilə bağlı sözü məruzəçi Xocalı rayon Təhsil Şöbəsinin müdiri Şakir Əliyevə verdi. Şakir Əliyev "2015-2016-cı dərs ilinin yekunları və qarşıda duran vəzifələr" mövzusunda geniş məruzə ilə çıxış etdi.
         Sonra məruzə ətrafında çıxış etmək üçün söz ardıcıl olaraq Xocalı rayon Kosalar kənd tam orta məktəbinin direktoru Rafiq Quliyevə, Xocalı şəhər 4 saylı tam orta məktəbin direktoru Hökümə Quliyevaya, Xocalı şəhər 1 saylı tam orta məktəbin dərs hissə müdiri Aydın Həsənova verildi. Çıxış edən natiqlər çalışdıqları təhsil ocaqlarının fəaliyyəti və qazandıqları uğurlar haqqında məlumatlar verdilər. Qeyd etdilər ki, baş vermiş çatışmazlıq hallarını aradan qaldıracağıq və fəaliyyətimizi günün tələblərinə uyğun aparacağıq.
         Daha sonra söz yüksək balla ali məktəbə qəbul olan Xocalı şəhər 4 saylı tam orta məktəbin məzunu Bəhramlı İradə Fəxri qızına, Kosalar kənd tam orta məktəbin məzunu  Məhərrəmov Sadiq Yaşar oğluna verildi. Tələbə adını qazanan məzunlar onlara daim kömək olan müəllimlərinə, valideynlərinə, rayonumuzun təhsili ilə hər zaman yaxından maraqlanan Cənab Şahmar Usubova minnətdarlıqlarını bildirdilər. Onlar söz verdilər ki, ali məktəb həyatında da yaxşı təhsil alacaq və rayonumuzun adını uca tutacaqlar.
         Rayonumuzun təhsili haqqında Azərbaycan Respublikası Təhsil Nazirliyinin nümayəndəsi cənab İlham Cavadov çıxış edərək təkliflərini və iradlarını bildirdi. O qeyd etdi ki, məktəblərdə tibbi və psixoloji xidmətə üstünlük verilməlidir. Müəllimlər dərslərini təhsil strategiyası əsasında qurmalıdırlar. İlham Cavadov yeni tədris ili münasibətilə rayonumuzun bütün təhsil işçilərini təbrik etdi və uğurlar arzuladı.
         Xocalı rayon İcra Hakimiyyətinin başçısı cənab Şahmar Usubov çıxışında bildirdi ki, məktəblərimiz bütün imkanlarla təmin edilir. Hər təhsil ocağı yaradılan şərait qarşısında yaxşı nəticələr verməlidir. Müəllimlər öz fəaliyyətinə daim diqqət yetirməli, məsuliyyətli və vicdanlı olmalıdırlar. Bununla yanaşı, direktor müavinləri və digər təhsil işçiləri də öz vəzifələrini layiqli yerinə yetirməlidirlər. Taleyüklü rayonumuzun təhsili ürəkaçan səviyyədə olmalıdr. Rayonumuzun savadlı və məsuliyyətli müəllimləri çoxdur. Təhsil işçiləri say etibarı ilə ən böyük kollektivdir. Onlar hər zaman dövlətə və dövlətçilik prinsiplərinə sadiq olublar. Qarşıda keçiriləcək referendum seçkilərində də rayonumuzun ziyalı təbəqəsi fəal iştirak edəcəklər. Bütün təhsil işçilərini təbrik edirəm. Onlara möhkəm cansağlığı, ailə səadəti və müvəffəqiyyətlər arzu edirəm.
         Rayonumuzun qabaqcıl təhsil işçiləri və yüksək balla ali məktəbə qəbul olan məzunlar mükafatlandırıldı.
         Sonra konfransın qərar layihəsi oxumaq üçün söz Xocalı RTŞ-nin metodisti Aliyə Abışovaya verildi. Qərar layihəsi oxunduqdan sonra səsə qoyuldu və yekdilliklə qəbul edildi.
         Xocalı RTŞ-nin məsləhətçisi Nəcəf Həsənov Azərbaycan Respublikasının Prezidenti möhtərəm Cənab İlham Əliyevə ünvanlanmış müraciəti konfrans iştirakçıları qarşısında məruzə etdi.
         Ənənəvi sentyabr konfransı xoş ovqatla başa çatdı.
         



























Share this post

About Naveed Iqbal

Nulla sagittis convallis arcu. Sed sed nunc. Curabitur consequat. Quisque metus enim venenatis fermentum mollis. Duis vulputate elit in elit. Follow him on Google+.

0 şərhlər:

Əlaqə

Redaksiyamızın ünvanı:
Gəncə şəhəri, Yeni qəsəbə - 2
Tel: (070 - 222 - 26 - 48; (050) 678 - 10 - 44
E - mail: xocalininsesi@gmail.com
About-Privacy Policy-Contact us
Copyright © 2015 "Xocalının səsi" qəzetinin saytı. Xocalının səsi by ..
Qalib müəllim .
back to top