Bu saytda yenilənmələr gedir

"XOCALININ SƏSİ" QƏZETİ
9 İYUL 1991-Cİ İL TARİXDƏN
İŞIQ ÜZÜ GÖRÜR

Keyfiyyət ili təhsilimizə nə verəcəkdir?

        Yaşadığımız müasir dünya  elmi-texniki tərəqqinin kulminasiya dövrü və İnformasiya  Kommunikasiya Texnologiyaları  əsridir. Belə bir dövrdə məktəbdə  təlim-tərbiyə verdiyimiz gənc  nəsli hərtərəfli-Vətənini, torpağını,  xalqını  sevən,  öz  ölkəsinin tarixini, milli adət-ənənələrini  bilən, müasir dünyagörüşlü,  bilikli, savadlı, dünyada gedən  mürəkkəb proseslərdən baş çıxara bilən vətəndaş kimi yetişdirməliyik. Bunlara nail olmaq üçün  2017-2018-ci dərs ilinin Təhsil  Nazirliyi tərəfindən “Təhsildə  keyfiyyət ili” elan olunmasının  müstəsna  əhəmiyyəti  vardır.
        Məlum olduğu kimi 2017-2018-ci dərs ili Təhsil Naziri  cənab Mikayıl Cabbarovun 28  avqust 2017-ci il tarixli 261 nömrəli əmri ilə “Ümumi təhsildə  keyfiyyət ili” elan olunmuşdur. Göstərilən  əmrlə “Təhsildə  keyfiyyət ili” çərçivəsində nəzərdə  tutulan tədbirlərin icrası ilə  bağlı Təhsil Nazirliyinin Fəaliyyət  planı və təşkil ediləcək pedaqoji  mühazirələrin keçirilmə qaydaları təsdiq olunmuşdur. Fəaliyyət  planında göstərilənlərin icrasını  təmin etmək məqsədilə Xocalı  RTŞ-nin  müdiri  Şakir  Əliyevin  14 sentyabr 2017-ci il tarixli  123  nömrəli əmri ilə 5 nəfərdən  ibarət  komissiya yaradılmış və “İl” çərçivəsində rayonun təhsil müəssisələrində həyata keçiriləcək tədbirləri əhatə edən Xocalı RTŞ-nin tədbirlər planı tərtib olunmuşdur. Tədbirlər planına əsasən rayonun məktəblərində son 5 ilin  nəticələri təhlil olunmaqla rayonun zəif nəticə göstə-rən məktəblərindəki vəziyyət müəyyənləşdiriləcək, geriliklərin aradan qaldırılması  istiqamətin-də təsirli addımlar atılacaqdır. Bununla da hər bir məktəbin pedaqoji kollektivi işlədikləri təhsil müəssisəsinin rayon  üzrə yerini müəyyənləşdirərək gerilikləri yaradan səbəbləri  “rəqəmlərin dilindən” eşidəcəklər. “İl” çərçivəsində təhsil işçiləri arasında təşkil olunacaq pedaqoji mühazirələr onların  fəallığının, rəqabətliliyinin artırılmasına gətirib çıxaracaqdır.
        Rayonumuzun təhsil işçiləri  “İl”  çərçivəsində  görüləcək  işləri özündə əks etdirən aşağıdakı  tədbirlər planını diqqətlə öyrənməli, təşəbbüskar olmalı, gerilikləri aradan qaldırmaq istiqamətində müvafiq addımlar atmalıdırlar. Biz  bir təhsil işçisi olaraq  işimizə məsuliyyətlə yanaşmalı,  gələcəyimiz olan şagirdlərimizin hərtərəfli təlim-tərbiyə alması istiqamətində bütün potensialımızı səfərbər etməliyik. Cəbhədə ölkəmizin ərazi bütövlüyünü qoruyan əsgərlərimizin üzərinə düşən məsuliyyətdən çox biz   müəllimlərin - təhsil cəbhəsi əsgərlərinin üzərinə məsuliyyət düşür. Çünki müharibədə düşmən üzərində təkcə topla, tüfənglə yox, ağılla qələbə qazanmaq olar. Bu yolda təhsil cəbhəsinin əsgərlərinə müvəffəqiyyət arzulayırıq.
             Nəcəf HƏSƏNOV,
Xocalı RTŞ-nin aparıcı məsləhətçisi

Paylaşın:

YAP Xocalı rayon Təşkilatının IX konfransı keçirilib

19.10.2017-ci il tarixdə Yeni Azərbaycan Partiyası Xocalı rayon təşkilatının IX konfransı keçirildi. Konfransda Xocalı rayon İcra Hakimiyyətinin başçısı, YAP Xocalı rayon təşkilatının idarə heyətinin üzvü cənab Şahmar Usubov, millət vəkili cənab Elman Məmmədov və YAP Xocalı rayon təşkilatının sədri, Xocalı rayon İH-nin Sosial-iqtisadi inkişafın təhlili və proqnozlaşdırılması şöbəsinin müdiri cənab Vahid Əliyev və rayon ziyalıları, ərazi ilk partiya təşkilatları tərəfindən seçilən nümayəndələr iştirak etdilər. 
Əvvəlcə konfrans iştirakçıları Goranboy rayon Aşağı Ağcakənd qəsəbəsindəki "Heydər" parkında Azərbaycan xalqının ümummilli lideri, Yeni Azərbaycan Partiyasının qurucusu Heydər Əliyevin büstü önünə dərin ehtiram əlaməti olaraq tər çiçəklər düzdülər, ulu öndərə Allahdan rəhmət dilədilər. 
Xocalı rayon Mədəniyyət evində keçirilən konfransda ilk olaraq Azərbaycan Respublikasının Dövlət Himni səsləndiridi.
Yeni Azərbaycan Partiyasının qurucusu, Azərbaycan xalqının xilaskar oğlu Heydər Əliyevin müqəddəs ruhu bir dəqiqəlik sükutla yad edildi. 
Yeni Azərbaycan Partiyasının Xocalı rayon Təşkilatının sədri Vahid Əliyev konfrans iştirakçılarını salamladı və gündəlikdə duran məsələləri diqqətə çatdırdı. Konfransın gündəliyində duran təşkilatın hesabat dövründə gördüyü işlər haqqında  hesabat məruzəsi, nəzarət-təftiş qrupunun hesabatı və təşkilatı məsələlər müzakirə edildi və gündəlikdə duran məsələlər həllini tapdı.  
Konfransı giriş sözü ilə açan Yeni Azərbaycan Partiyası Xocalı rayon Təşkilatının sədri Vahid Əliyev ulu öndər Heydər Əliyevin həyat və fəaliyyətindən, Yeni Azərbaycan Partiyasının müstəqil Azərbaycanın inkişafına verdiyi töhfələrdən danışdı. Vahid Əliyev bildirdi ki, müasir müstəqil Azərbaycan dövlətinin memarı və qurucusu, xalqımızın ümummilli lideri Heydər Əliyevin siyasi ideyaları əsasında yaranan Yeni Azərbaycan Partiyasının Azərbaycan dövləti və xalqı qarşısında göstərdiyi xidmətləri, o dövrdə, yəni partiyanın yarandığı dövrdə mövcud olan ictimai-siyasi vəziyyətə nəzər salmadan dərk etmək və qiymətləndirmək mümkün deyildir. 1991-ci ilin oktyabr ayının 18-də Azərbaycan dövləti özünün dövlət müstəqilliyini elan etməsinə baxmayaraq, respublikada hərcmərclik, xaos, ayr-ayrı şəxslərə və siyasi vəziyyətə nəzarət tamamilə itirilmişdi. Xalqı öz siyasi ideyaları ətrafında birləşdirə bilən, Respublikamızı düçar edildiyi bəlalardan xilas edə biləcək heç bir siyasi qüvvə mövcud deyildi. Xalqın gələcəyini düşünən ziyalılar respublikamızın düçar olduğu acınacaqlı durumdan xilas edilməsinin yeganə yolunu Heydər Əliyevin şəxsiyyəti ətrafında birləşərək yeni siyasi təşkilatın yaranmasında gördülər. 
         Yeni Azərbaycan Partiyası Azərbaycanda sadəcə olaraq hansısa siyasi bir qüvvə deyil, ümumxalq partiyasıdır. Bunu Azərbaycanı istəyənlər də, istəməyənlər də qəbul edir. Ulu Öndərimiz Heydər Əliyev  demişdir: "Yeni azərbaycan Partiyası dünənin, bu günün və gələcəyin partiyasıdır." 
         Bu gün əldə olunan uğurları sadalamaqla qurtarmaq mümkün deyil. Xocalıdan olan məcburi köçkünlərin 43%-dən çoxu yeni mənzillərlə, fərdi yaşayış evləri ilə təmin olunub. 250 mindən artıq məcburi köçkün məcburi köçkün üçün 100-ə yaxın şəhərciklər salınıb, qəsəbələr tikilib.
Vahid Əliyev təşkilatın hesabat məruzəsində bildirdi ki, partiyanın rayon təşkilatının qərərgahı 2003-cü ildən Goranboy rayon Aşağı Ağcakənd qəsəbəsində yerləşən Xocalı rayon İcra Hakimiyyəti Başçısı Aparatının inzibati binasında sahəsi 30 kv m olan 2 otaqda təşkil olunmuşdur. YAP Xocalı rayon Təşkilatı Yeni Azərbaycan Partiyasının Nizamnamə və Proqramına, YAP Mərkəzi Aparatının tapşırıq və tövsiyələrinə, partiyanın rayon təşkilatının illik İş Planına uyğun olaraq fəaliyyət göstərir. VIII konfransdan indiyədək keçən dövrdə 119 nəfər partiya sıralarınna qəbul edilmişdir ki, onların da əksəriyyətini gənclər təşkil edir. Hal-hazırda partiyanın rayon təşkilatının uçotunda olan partiya üzvlərinin sayı 787 nəfər, o cümlədən qadınlar 350 nəfər, gənclər 260 nəfərdir. YAP Xocalı rayon Təşkilatı 15 ərazi ilk təşkilatı özündə birləşdirir. 
Sonra nəzarət-təftiş qrupunun sədri Əliniyaz Nəcəfovun hesabat məruzəsi dinlənildi. Əliniyaz Nəcəfov qeyd etdi ki, nəzarət-təftiş qrupunun işçiləri hesabat dövründə rayon təşkilatının üzvləri, Partiya fəalları ilə birlikdə mütəmadi olaraq ərazi ilk partiyalarında olmuş, burada partiya üzvlərinin nizamnamə tələblərinə əməl etmələrini, üzvlük haqlarının vaxtlı-vaxtında ödəmələrinin fəaliyyəti yoxlanılmışdır. Partiyanın rayon təşkilatına toplanmış vəsait YAP Mərkəzi Aparatının təsdiq etdiyi təlimata uyğun olaraq xərclənir və hər ayın sonunda Mərkəzi Aparata maliyyə hesabatı təqdim edilir. 
YAP Xocalı rayon Təşkilatı Qadınlar şurasının sədri Məlahət Quliyeva vurğuladı ki, Ulu Öndər Azərbaycanda qadın hərəkatına, qadınların ictimai-siyasi həyatda fəal iştirakına böyük önəm verirdi. Bu siyasət həm də xalqımızın gələcəyinə qayğının, uzaqgörənliyin bir nümunəsidir və bu gün Prezident İlham Əliyev tərəfindən uğurla davam etdirilir.
        Hazırda 700 minə yaxın üzvü olan Yeni Azərbaycan Partiyasının sıralarında qadınlar təxminən 50 faiz təşkil edir. Təsadüfi deyil ki, bu gün cəmiyyəti idarə edən səlahiyyətli şəxslər arasında qadınların sayı ildən-ilə artır.
        Azərbaycan qadını bu gün dünya qadınları hərəkatının ön cərgəsində ağlı, zəkası, istedadı, ləyaqəti ilə təmsil olunur. Qadınların nəcib və xeyirxah məqsədlər naminə sistemli tədbirlərinin genişlənməsində, onların Yeni Azərbaycan Partiyasının sıralarında sıx birləşməsində ölkənin birinci xanımı Mehriban Əliyevanın yorulmaz fəaliyyətinin xüsusi rolu var.
Xocalı rayon Təhsil şöbəsinin aparıcı məsləhətçisi Nəcəf Həsənov məruzə ilə çıxış edərək bildirdi ki, Yeni Azərbaycan Partiyasının sıraları gündən-günə genişlənir. Bu Partiyanın ətrafında intellektual səviyyəli, Vətənini, torpağını sevən gənclər toplaşır. Son konfransdan indiyədək qədər ki, vəziyyət bizə deməyə əsas verir ki, bu tendensiya bizim rayonda da çox böyükdür. 
Sonra söz cənab Şahmar Usubova verildi. Şahmar Usubov çıxışında müstəqilliyimizin ilk illərində ölkədə baş verən böhranlardan, xaosdan danışdı. Rayon rəhbəri bildirdi ki, ölkədəki qarışıqlıqdan istifadə edilərək onlarla partiya yaradıldı. Yaradılan partiyaların çoxu xarici qüvvələrin dəstəyi əsasında yaradılmışdı və xarici dövlətlərə xidmət edirlər. Dövlətimizi içəridən parçalayan həmin siyasi partiyalar Azərbaycanın Sovet hakimiyyəti vaxtından qalmış əmlakını dağıtmaqla məşğul idilər. Düşmən mövqeyində durmuş partiyaların dağıdıcılığı erməni təcavüzkarlarından daha çox dövlətimizə təsir edirdi. Məqsəd siyasi baxışlarla ölkəmizi bölmək idi. Xalqın təkidi ilə hakimiyyətə qayıdan ulu öndər Heydər Əliyev az müddətdə ölkədə hökm sürən hərcmərcliyin qarşısını aldı, ölkəni parçlanmaqdan xilas etdi, vətəndaş müharibəsi təhlükəsini aradan qaldırdı. Yeni Azərbaycan Partiyası xalqı öz ətrafında yığaraq həmrəyliyimizi, dövlətçiliyimizi bərqərar etdi.  
YAP Xocalı rayon Təşkilatı 1995-ci ilin mart ayının 10-da yaradıldı. Xocalıların bir amalı, bir yolu var: Heydər Əliyev yolu. Biz Cənab Prezident İlham Əliyevin ətrafında sıx birləşmişik, onun yürütdüyü siyasi xətti dəstəkləyirik. Bütün seçkilərdə xocalılar hakimiyyətin tərəfdarı olduğunu nümayiş etdiriblər. 
  Daha sonra millət vəkili Elman Məmmədov çıxış edərək qeyd etdi ki, xocalılar heç bir zaman müxalif yola düşməyiblər. Xocalılar yolu dövlətçilik yoludur, dövlətə sədaqət yoludur. 1991-ci ilin sentyabr ayının 30-da Naxçıvanın Ali Məclisinin növbədənkənar sessiyasında çıxışımda, 1992-ci ilin fevralında Şükür Bəşirovun mitinqdə cəsarətlə xalqı bu bəladan ancaq Heydər Əliyev xilas edə bilər deməsi ilə biz öz mövqeyimizi bildirmişik. Yeni Azərbaycan partiyası dünyadakı siyasi partiyalar arasında həm üzvlərinin sayına görə, həm də partiyaçıların cəmiyyətə tutduğu yüksək mövqeyə görə ən güclü partiyalar sırasındadır. İqtidara müxalif olmaq olar, ancaq siyasi hakimiyyətə gəlmək üçün dövlətçilik əleyhinə danışırsansa, millətinin, xalqının əleyhinə danışırsansa, dövlətinin sütunlarının laxladılmasına çalışırsansa, dövlətin kənardan bir zərbə alanda sevinirsənsə, sən artıq müxalifət deyilsən, sən düşmənsən. Sən bu millətin, xalqın, müstəqilliyin düşmənisən. Təəssüf ki, belə müxalif qüvvələr var. Onlar düşmən olan qüvvələr tərəfindən idarə edilir. Biz belə hallara qarşı mübarizə aparmalıyıq. Bizi həzm etməyən, inkişafımızı qəbul etməyən dövlətlər, beynəlxalq təşkilatlar var. Onlar güclərini birləşdirib Azərbaycanda olan bu daxili stabilliyi pozmağa çalışırlar, ölkəmizin inkişafını dayandırmağa, Azərbaycan torpaqlarının işğal altında qalmasını davam etdirməyə çalışırlar. Azərbaycanı Suriya, İraq, Misir kimi görmək istəyirlər. 
        Gündənlikdə duran 3-cü məsələ - təşkilatı məsələ müzakirə edildi. Konfrans iştirakçıları  təşkilatın sədrliyinə Vahid Əliyevi yenidən sədr seçdi. 21 nəfər şura tərkibinin, 9 nəfər idarə heyətinin, 3 nəfər nəzarət-təftiş qrupunun üzvü səsə qoyularaq seçildi. Sədr müavinləri idarə heyətinin üzvü tərəfindən səsə qoyuldu və namizədlər qəbul edildi. 
Yekunda konfransın qərar layihəsi oxundu və qərar yekdilliklə qəbul edildi. 
Konfrans xoş ovqatla sona çatdı. 





Paylaşın:

Rayonumuzda ilin doqquz ayında görülən işlərə və qarşıda duran vəzifələrə həsr olunan hesabat iclası keçirilib

17.10.2017-ci il tarixdə Xocalı rayon İcra Hakimiyyətinin başçısı cənab Şahmar Usubovun rayonda ilin doqquz ayında görülən işlərə  və qarşıda duran vəzifələrə həsr olunmuş həsr olunmuş hesabat iclası keçirilib.
Hesabat iclasında Xocalı rayon İH-nin başçısı cənab Şahmar Usubov, müəssisə, idarə rəhbərləri və rayon ziyalıları iştirak ediblər.
Şahmar Usubov Nazirlər Kabinetinin 2017-cı ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclasında Prezident İlham Əliyevin giriş və yekun nitqini hesabat iştirakçılarına çatdırıb. Ölkədə gedən hərtərəfli və sürətli inkişafı Xocalı rayonunun inkişafı və əhalinin rifah halının artması ilə əlaqələndirib. Rayon rəhbəri bildirib ki, məşğulluğun artırılması üçün Dövlət Proqramları və layihələr öz bəhrəsini verməkdədir. Ölkədə bütün sahələr inkişaf edir. Aşağı Ağcakənd qəsəbəsi ərazisində 5000 ədəd tut ağacı tingi əkilmişdir. Əkilən tinglərə lazımi qulluq edilmişdir və gələn il üçün artıq 500 kq barama istehsalı nəzərdə tutulub.
Təhsil şöbəsinin müdiri Şakir Əliyev məruzə ilə çıxışında ölkə təhsilində aparılan islahatlardan, rayonun təhsildə qazandığı nailiyyətlərindən söhbət açıb. Bildirib ki, Prezidentimizin qaçqın və məcburi  köçkünlərə, təhsil sahəsinə diqqəti və qayğısı  sayəsində  rayonumuzda olan 12 tam orta məktəbin 9-u müasir tipli binalarda fəaliyyət göstərir.  Xocalı rayonu üzrə 2017-ci ildə 102 məzundan 48 nəfəri ali məktəblərə qəbul olmuşlar. Onlardan 7 nəfəri 500-dən yuxarı, 3 nəfəri isə 600-dən yuxarı bal toplamışdır. Şagirdlərimizin hamısı 100 % pulsuz dərsliklərlə təmin olunmuşlar.
Xocalı rayon Məşğulluq Mərkəzinin direktoru Nicat Ələsgərov qeyd etdi ki, 2017-ci ilin 9 ayı ərzində vətəndaşlar tərəfindən mərkəzə 80 nəfər müraciət etmişdir, onlardan 53 nəfəri işaxtaran kimi qeydiyyata alınmışdır. 2017-ci ilin 9 ayı ərzində mərkəzə daxil olmuş boş (vakant) iş yerlərinə, 29 nəfər işaxtarana göndəriş vərəqi verilmişdir. Olnardan 15 nəfəri daimi işlə təmin olunmuşdur. Özünüməşğulluğunun təmin olunması sahəsində əlavə tədbirlər haqqında 7 aprel 2016-cı il tarixli sərəncamının həyata keçirilməsi məqsədi ilə tələb olunan şərtlər əsasında rayon əhalisi arasından 9 nəfəri seçilərək təlimlərə cəlb olunmuşdur. Onlardan 6 nəfərinin biznes planı Beynəlxalq Əmək Təşkilatının və Dövlət Məşğulluq Xidmətinin  nümayəndələrindən təşkil edilmiş komissiya tərəfindən müsbət qiymətləndirilmişdir. Həmin şəxslərin biznes planlarına uyğun olaraq 3 nəfərinin hər birinə 1 baş yanı balalı inək, 1 baş boğaz düyə, 1 baş düyə, 2 nəfərinin hər birinə kökəltmə üçün 4 baş dana, 1 nəfərinə isə 18 baş yanı balalı qoyun verilmişdir.
"54 №li Yol İstismarı" MMC-nin  baş mühəndisi Nizami Əmiraslanov idarənin gördüyü işlərdən məlumat verib. Nizami Əmiraslanov bildirib ki, Cənab Prezidentimiz 2017-ci ilin "40 yol" layihəsinin icrası üçün Sərəncam vermişdir. Sərəncam əsasında yüzlərlə kəndi birləşdirən 40 kənd yolunun tikilməsi nəzərdə tutulmuşdur. Bu layihəyə əsasən, iki yolun tikintisi - uzunluğu 29, 5km olan Goranboy -Tərtər avtomobil yolu, uzunluğu 25,3 kilometr olan Quzanlı-İmamqulubəyli-Orta Qərvənd-Xındırıstan avtomobil yolunun tikintisi bizim idarəyə həvalə edilmişdir. Bununla bərabər, 35 min nəfər əhalinin yaşadığı 18 yaşayış məntəqəsini birləşdirən yenidən qurulan Goranboy - Yuxarı Ağcakənd yolunda yekun işlər aparılır.
Xocalı rayon İcra Hakimiyyətinin başçısı cənab Şahmar Usubov məruzələrə münasibət bildirib və hesabat iclasının sonunda rayonun idarə və müəssisə rəhbərlərinə tapşırıqlar verib.

Paylaşın:

Meşəlinin vətənpərvər, ziyalı övladı

        Meşəli kəndi Xocalının ən dilbər guşələrindən biridir. Bu yurdun insanları qonaqpərvər, mehriban, zəhmətkeş, etibarlı insanlardır. Meşəlinin igid övladları düşmənlə layiqli mübarizə aparmışdır. Kənd 28 nəfər şəhid verib. Öz yurd-yuvalarından didərgin düşən Meşəli kənd sakinləri doğma dədə-baba torpaqlarının həsrətilə yaşayırlar. Hal-hazırda kənd sakinləri Goranboy rayonunun Meşəli kəndində salınmış yeni qəsəbədə məskunlaşıb. Xocalı rayon Meşəli kənd tam orta məktəbi də artıq 10 ilə yaxndır ki, öz fəaliyyətini burada uğurla davam etdirir. Bu məktəbin pedaqoqları hər il savadlı, vətənpərvər məzunlar hazırlayırlar.
  Məktəbə 28 ildir ki, Alışov Alış Musa oğlu rəhbərlik edir. Alış Alışov 1950-ci ilin oktyabr ayının 15-də Meşəlidə dünyaya göz açmışdır. 37 illik pedaqoji stajı var. Sadəliyi, yüksək idarəçilik qabiliyyəti ilə seçilən Alış müəllim rəhbərlik etdiyi məktəbin uğur qazanması üçün bütün bacarığından istifadə edir. Məktəbə daxil olarkən məsuliyyətli iş rejiminin olduğu hiss olunur. Əlbəttə, müəssisə rəhbəri yaxşı olarsa, özü işinə məsuliyyətlə yanaşarsa, bu xüsusiyyətlər əhatəsində olan işçilərə də sirayət etmiş olar. Köçkünlük şəraitində yaşadığımız üçün gələcək nəsillərə doğma yurd yerlərimiz, Milli Qəhrəmanlarımız, şəhidlərimiz haqqında məlumatlar çatdırmaq, vətənpərvərlik ruhunda tərbiyə etmək çox vacib məsələdir. Meşəli məktəbinin dəhlizində və divarlarında şagirdlərin vətənpərvərlik mövzusunda hazırladıqları rəsm əsərləri, Meşəli şəhidlərinin siyahısı, Milli Qəhrəmanlarımız haqqında guşələr, stendlər vurulmuşdur. Şagirdlərin məktəbə gəlişi davamiyyətlidir. 2016-2017-ci dərs ilində Meşəli məktəbinin əlaçı şagirdlərinin sayı 24 olub. Ali məktəbə qəbulun nəticəsinə görə Meşəli kənd tam orta məktəbi fərqlənmişdir. Rayon üzrə ən yüksək balı, məhz bu məktəbin məzunu Həsənov Qərib Vaqif oğlu toplamışdır. O, 652 balla Bakı Dövlət Universitetinin hüquq fakultəsinə daxil olmuşdur. Hazırda Meşəli kənd tam orta məktəbində işləyən kadrların 80 faizi məktəbin öz məzunlarıdır.
  Meşəli kənd tam orta məktəbinin şagirdləri müsabiqə və yarışların rayon və respublika mərhələlərində fəal iştirak edirlər. 2016-2017-ci tədris ilində məktəbin XI şagirdi Həsənov Qərib Vaqif oğlu "Ədəbiyyat biliciləri" müsabiqəsinin rayon mərhələsində II yeri tutmuşdur. Məktəbin VIII sinif şagirdi Əzimov İlham Teymur oğlu fənn müsabiqəsinin respublika mərhələsində fəal iştirak etmişdir. X sinif şagirdi Nurməmmədova Vəfa Tahir qızı Ulu Öndərə həsr olunmuş "Ən yaxşı təqdimat" müsabiqəsinin rayon mərhələsində III yerə layiq görülmüşdür.
  Alış Alışov 1988-1992-ci illlərdə Meşəli kəndinin erməni terrorçularından müdafiə olunması üçün kənd özünümüdafiə batalyonunun təşklində, dinc əhalinin qorunmasında fəallıq göstərmişdir. Alış müəllim başl leytenant rütbəsi ilə özünümüdafiə batalyonu komandirinin müavini vəzifəsində döyüşmüş və yaralanmışdır. O, direktorluq fəaliyyəti dövründə məktəbin təlim-tərbiyə işini günün tələbləri səviyyəsində qurmuş, müəllim, valideyn və şagirdlər arasında böyük hörmət və nüfuz qazanmış, rayonun ictimai işlərində yaxından iştirak etmişdir. Məktəb direktorunun səmərəli fəaliyyəti yüksək qiymətləndirilmiş və ölkə Prezidenti İlham Əliyevin 30 sentyabr 2014-cü il tarixli Sərəncamı ilə o,"Tərəqqi" medalına layiq görülmüşdür. Rəhbərlik etdiyi məktəbin uğurlarına görə Xocalı rayon Təhsil şöbəsi tərəfindən Fəxri Fərmanlarla təltif edilmişdir.
  Alış müəllimi doğum günü münasibətilə təbrik edirik, ona uzun ömür, möhkəm cansağlığı, bundan sonrakı fəaliyyətində də uğurlar qazanmağını arzulayırıq. Zəhmətkeş, təvazökar bu insanla Meşəlidən söz açarkən tez-tez doğma yurdunun yuxusuna gəldiyini və hər gün o yerlərin həsrəti ilə alışıb-yandığını söyləyir. Alış müəllimə Meşəlinin füsunkar təbiətini yenidən görməyini, şəffaf bulaqlarından içməyini və o torpaqlarda həzin səsi ilə nəğmələr oxumağını Allah bir daha nəsib etsin. Amin!
Qalib BƏYMƏMMƏDOĞLU 

Paylaşın:

"Narkomaniyaya yox deyək" devizi altında kross turniri keçirildi

        10.10.2017-ci il tarixdə xocalıların müvəqqəti məskunlaşdığı Goranboy rayon Aşağı Ağcakənd qəsəbəsində "Narkomaniyaya yox deyək" devizi altında yeniyetmələr arasında kross turniri keçirilmişdir. Xocalı rayon Gənclər və İdman idarəsinin təşkilatçılığı ilə təşkil edilən kross turnirinə Goranboy rayonu ərazində məskunlaşan 50-yə yaxın xocalılı yeniyetmə cəlb olunmuşdur.
        Turnirdən əvvəl və sonra Xocalı rayon Gənclər və İdman idarəsinin rəisi Elməddin Bağırov və idarənin baş məsləhətçisi Ramiz Alıyev iştirakçılara narkomaniyanın ağır bəlalarından söhbət açmış, maarifləndirici məlumatlar vermişlər. Yeniyetmələrə zərərli vərdişlərdən kənar olmaları tövsiyə edilmişdir.
        Turnirdə I yeri Rəcəbov Rəcəb Məzahir oğlu, II yeri Mehdiyev Qismət Yaşar oğlu, III yeri isə Rəcəbli Rəşad Əli oğlu tutmuşdur. Turnirdə fərqlənən iştirakçılara Xocalı rayon Gənclər və İdman idarəsi tərəfindən Fəxri Fərman və hədiyyələr verilmişdir.
        Xocalı rayon Gənclər və İdman idarəsi yeniyetmələrin turnirə cəlb olunmasında köməkliyinə görə rayonun təhsil şöbəsinin işçilərinə, yarış zamanı iştirakçıların sağlamlığının qorunmasına hazır olan Xocalı RMX-nin tibb işçilərinə, iştirakçıların təhlükəsizliyini təmin etdikləri üçün rayonun polis şöbəsinin əməkdaşlarına minnətdarlıq edir.

     
Paylaşın:

Cudoçumuz respublika mərhələsinə vəsiqə qazanıb

        Yeniyetmə və gənclərdən ibarət Xocalı rayon komandası 02-04 oktyabr 2017-ci il tarixlərində Ağdam rayonunun Quzanlı qəsəbəsində fəaliyyət göstərən Ağdam Olimpiya İdman Kompleksində keçirilən cudo idman növü üzrə Aran Qarabağ region birinciliyində iştirak etmişdir. Ümumilikdə Xocalı, Yevlax, Ağdam, Ağcabədi, Göyçay, Goranboy, Zərdab, Ucar, Naftalan, Beyləqan, Laçın rayonlarından 200-dən çox yeniyetmə cudoçu mübarizə aparıb. Komandamızın üzvü Nəbiyev Rəfayıl Qafqaz oğlu 2002-2004-cü il təvəllüdlü cudoçular arasında uğurlu nəticə göstərərək zona ikincisi olmuş və Respublika finalına vəsiqə qazanmışdır. Yarışın sonunda o Azərbaycan Cudo Federasıyası tərəfindən gümüş medal, Fəxri Fərman və cudo kimanosu ilə təltif edilmişdir. Rəfayılın gənc müəllimi Xocalı şəhər sakini Tanrıverdiyev Vüsal Elçin oğlu az müdddətdir onunla məşğul olsa da, uğura gedən yolda ən böyük dəstəkçisidir. Qeyd edək ki, Rəfayıl Xocalı şəhər 1 saylı tam orta məktəbin IX sinif şagirddir.
        Xocalı idmançıları adətən məskunlaşdığı rayonların komandasının tərkibində yarışdıqları üçün onların qazandıqları nailiyyətlər həmin rayonların adına sayılmışdır. Çox sevindirici haldır ki, Xocalı rayon Gənclər və İdman idarəsi rayonumuzda idmanın inkişafı üçün lazım olan bütün imkanlardan istifadə edir. İdarənin dəstəyi ilə Goranboy rayonu ərazisində xocalılar üçün salınmış Yeni Yaşayış massivində yarışdan əvvəl idmançılar zal və döşəklə təmin edilmişdir. Bu o deməkdir ki, qəsəbədə cudo və digər idman növlərində dərs alan idmançılarımız yarışlarda öz rayonumuzu təmsil edə biləcəklər.
        Xocalı gəncləri idmanda qazandığı uğurlarla bizləri sevindirir və qürurlandırır. Bizim uğurlu nailiyyətlərimiz hələ qarşıdadır.





Paylaşın:

Ən çox oxunan

Blog Arşivi