Hörmətli “Xocalının səsi” qəzetinin kollektivi !Sizi qəzetin 300-cü nömrəsinin işıqüzü görməsi münasibəti ilə səmimi qəlbdən təbrik edirəm. “Xocalının səsi” qəzeti çətin və mürəkkəb bir yol keçmişdir. Dağlıq Qarabağda erməni separatçılarının baş qaldırdığı ilk dövrlərdə və sonralar “Xocalının səsi” xalqımızın haqq səsinin ictimaiyyətə çatdırılmasında mühüm rol oynamışdır. Qəzet baş verən hadisələri işıqlandırmaqla yanaşı, həm də o dövrün tarixini yazıb desək yanılmarıq. Qarabağda baş verən faciələr bu qəzetin kollektivinin gözü qarşısında yaşanıb. Əminik ki, gələcək də “Xocalının səsi” qəzetində dərc olunan materiallar tarixçilər üçün əvəzsiz mənbə olacaqdır. Taleyinə köçkünlük həyatı düşən qəzet Xocalı faciəsindən sonra müxtəlif vaxtlarda Bərdə, Tərtər, Quba, Bakı, Gəncə şəhərlərində fəaliyyətini davam etdirmişdir. Bu amil qəzet kollektivinin fədakarlığının sübutudur. “Xocalının səsi” qəzetinə uğurlar diləyirəm. Arzu edirəm ki, qəzetiniz növbəti yubiley nəşrlərini Xocalı şəhərində dərc etdirsin. Xalqımızın ümummilli lideri Heydər Əliyevin layiqli davamçısı möhtərəm Prezidentimiz İlham Əliyevin yürütdüyü müdrik siyasət nəticəsində həmin günün o qədər də uzaqda olmadığına hamımız inanırıq.
Tural Gəncəliyev
“Azərbaycan Respublikası
Dağlıq Qarabağ Bölgəsinin Azərbaycanlı İcması”
İctimai Birliyinin İdarə Heyətinin sədri
Tags
Ümumi hadisələr