Bu saytda yenilənmələr gedir

"XOCALININ SƏSİ" QƏZETİ
9 İYUL 1991-Cİ İL TARİXDƏN
İŞIQ ÜZÜ GÖRÜR

XOCALININ 8 YAŞLI DÜNYA ÇEMPİONU

        “Xocalının səsi” qəzetində rayon sakinlərinin, o cümlədən gənclərin uğurlarını sevinc və fərəh hissi ilə yazıram. Xocalı idmançılarının nailiyyətləri hər birimizi sevindirir. Ayrı-ayrı rayonlarda məskunlaşmış Xocalı idmançılarının uğurları bəzən başqa rayonlarımızın adına yazılır. Xocalı rayon Gənclər və İdman İdarəsinin hesabat arayışlarından və digər mənbələrdən rayon gənclərinin müxtəlif sahələrdə ürəkaçan nailiyyətlərinin xəbərini alır və qəzetimizin səhifələrində işıqlandırırıq. Bununla bərabər, sosial şəbəkələrin fəaliyyətindən istifadə edərək redaksiyamızla əlaqə saxlayan rayon sakinlərini dinləmək, onların arzu və istəklərini, uğurlarını qəzetimizdə işıqlandırmaq bizim borcumuzdur.
        Bir müddət əvvəl redaksiyamızla əlaqə saxlayan Xocalı rayon Cəmilli kənd sakini Abbasov Nəriman sevincini bizimlə bölüşdü. Onun övladının yaşı kiçik olmasına baxmayaraq, böyük nailiyyətlər əldə edərək gələcəyin güclü idmançısı olduğunu sübut etdirir.
        Abbaslı Abbas Nəriman oğlu 12 dekabr 2011-ci ildə Bakıda doğulub. O, 2 ilə yaxındır ki, karatenin Jiyutaido və Kyokişin növü üzrə məşğul olur.
        Abbas Abbaslı 14 fevral 2019-cu ildə İranda keçirilən Jiyutaido üzrə Asiya Çempionatında qızıl medal qazanıb. 04 may 2019-cu il tarixdə Azərbaycanda keçirilən Kyokişin üzrə IV dünya kubok yarışında öz yaşıdları arasında I yerə nail olaraq dünya kubokunun və qızıl medalın sahibi olub. Bu nailiyyətlər cari ilin nailiyyətləridir. Ümumilikdə indiyədək 10 medalla təltif edilib. Onun uğurlar əldə etməsində müəllimi Faiq Xosrovlunun əziyyəti böyükdür. Faiq Xosrovlu dünya kubokunun sahibi, I dan qara kəmər ustasıdır.
        İnanırıq ki, Abbas Abbaslının parlaq uğurları hələ qarşıdadır.
        Abbasın atası söhbət əsnasında Cənab Prezidentimizin idmana göstərdiyi diqqət və qayğıdan da söz açdı. Bildirdi ki, bu diqqət və qayğının nünumənəsidir ki, onun övladı həvəslə yarışlara qatılır, nailiyyətlər əldə edir.
Qalib BƏYMƏMMƏDOĞLU







Paylaşın:

RESPUBLİKA GÜNÜ MÜNASİBƏTİLƏ ÜMUMRAYON TƏDBİRİ KEÇİRİLDİ

        27 may 2019-cu il tarixdə xocalıların müəvvəqəti məskunlaşdıqları Goranboy rayonunun Aşağı Ağcakənd qəsəbəsində Respublika Günü münasibətilə ümumrayon tədbiri keçirildi.
        Tədbirdə Xocalı rayon İcra Hakimiyyətinin başçısı Şahmar Usubov, hüquq-mühafizə orqanları rəhbərləri, idarə və müəsssiə rəhbərləri və rayon ziyalıları iştirak etdilər. 
Tədbiri giriş sözü ilə açan Xocalı rayon İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri Lamiyə Qarayeva çıxışında bildirdi ki, Azərbaycan xalqı müstəqillik uğrunda çox çətin mübarizədən keçmişdir. Bu mübarizə yolunda minlərlə şəhid vermiş və nəhayət öz istəyinə qovuşmuşdur. Azərbaycan xalqı ilk dəfə XX əsrin əvvəllərində demokratik, unitar dövlət yaratmağa nail olmuşdur. 1918-ci il mayın 28-də Tiflisdə elan olunan və ilk təməlləri atılan Azərbaycan Xalq Cümhuriyyəti müsəlman şərqində ilk demokratik respublika olmaqla yanaşı, həm də xalqımızın yaddaşında ən mühüm hadisə kimi yaddaşlara əks olunmuşdur. Cəmi 23 ay fəaliyyət göstərməsinə baxmayaraq, Azərbaycan Xalq Cümhuriyyəti və onun görkəmli qurucuları dövlətçilik tarixində mühüm ilklərə imza atıblar. O zaman ilk dəfə olaraq Azərbaycan adı coğrafi məfhumdan siyasi məfhuma çevrilmiş, dövlər bayrağımız, gerbimiz, himnimiz elan olunmuşdur. Şərqdə qadınlara ilk dəfə seçki hüququ verildi, Azərbaycan dili dövlət dili elan olundu, Milli Ordumuz yaradıldı, milli valyutamız dövriyyəyə buraxıldı və digər ilklərə imza atıldı. 
Sonra Xocalı rayon Kosalar kənd tam orta məktəbinin tarix müəllimi məruzə ilə çıxış edərək Azərbaycan Xalq Cümhuriyyətinin yaranmasından və fəaliyyətindən danışdı. O bildirdi ki, AXC Hökuməti 1918-ci il mayın 28-dən iyunun 16-dək Tiflisdə, iyunun 16-dan sentyabrın 17-dək Gəncədə, sentyabrın 17-dən 1920-ci il aprelin 28-dək Bakıda fəaliyyət göstərmişdir. Azərbaycan Xalq Cümhuriyyəti Paris Sülh Konfransının qərarına əsasən müstəqil dövlət kimi tanınmışdı. Dünyanın bir çox ölkələri ilə səfirlik və nümayəndəlliklər səviyyəsində diplomatik münasibətlər yaratmış, ikitərəfli və çoxtərəfli müqavilələr, sazişlər bağlamışdı. 
1920-ci il aprel ayının 28-də XI Qırmızı Ordunun Bakıya daxil olması ilə AXC süqut etdi. AXC-nin cəmi 23 ay yaşasa da xalqımızın azadlıq hərəkatı tarixində dərin iz qoydu. AXC sübut etdi ki, ən qəddar müstəmləkə və repressiya rejimləri belə Azərbaycan xalqının azadlıq iddialarını və məüstəqil dövlətçilik ənənələrinin məhv eyməyə qadir deyildir.
        Akif Rüstəmov qeyd etdi ki, Azərbaycan xalqının azadlığının, müstəqil dövlətçiliyinin müqəddəratının həll edildiyi ən ağır günlərdə Ümummilli liderimiz Heydər Əliyevin öz xalqının iradəsinə tabe olaraq, ölkə rəhbərliyinə qayıtdı. Müstəqil Azərbaycan Respublikasını, Azərbaycan xalqını, milli azadlıq hərəkatını, qazanılmış tarixi nailiyyətləri məhv olmaqdan xilas etmək kimi çox çətin və şərəfli bir missiyanı öz üzərinə götürdü. Onun qurub yaratdığı müstəqil Azərbaycan dövləti Cənab Prezident İlham Əliyevin rəhbərliyi ilə dünya birliyində öz layiqli yerini tutmaqda davam edəcək.
        Xocalı rayon İHB-nın Kərkicahan qəsəbə İƏD-si üzrə nümayəndəsi Dərgah Haqverdiyev məruzə ilə çıxışında bildirdi ki, müsəlman Şərqində ilk demokratik respublika olan Azərbaycan Xalq Cümhuriyyəti ölkəmizin çoxəsirlik sosial-iqtisadi, ictimai-siyasi və mədəni inkişafının, xalqımızın milli oyanışı və dirçəlişi proseslərinin məntiqi nəticəsi kimi meydana çıxmışdır. Azərbaycan Xalq Cümhuriyyəti xalqımızın müstəqillik əzmini nümayiş etdirməklə, siyasi şüur səviyyəsinin, intellektual və mədəni potensialının, yüksək istedad və qabiliyyətinin göstəricisi olmaqla, Avropanın demokratik dəyərləri ilə Şərq mədəniyyətinin xüsusiyyətlərini üzvi şəkildə birləşdirən yeni dövlət və cəmiyyət nümunəsi idi.     
         Xalq Cümhuriyyətinin təşəkkül tapmasında və fəaliyyət göstərməsində Cümhuriyyətə rəhbərlik etmiş şəxslərin - Məmməd Əmin Rəsulzadənin, Əlimərdan bəy Topçubaşovun, Fətəli xan Xoyskinin, Həsən bəy Ağayevin, Nəsib bəy Yusifbəylinin, Səməd bəy Mehmandarovun, Əliağa Şıxlinskinin və digər görkəmli şəxsiyyətlərin böyük xidmətləri olmuşdur. 
        71 il sonra öz dövlət müstəqilliyini yenidən bərpa edən xalqımız yeni tarixi şəraitdə Ümummilli lider Heydər Əliyevin rəhbərliyi altında Azərbaycan Demokratik Respublikasının ənənələrini əsas tutaraq, müstəqil Azərbaycan dövlətini yaratdı və o dövrdən fərqli olaraq, mürəkkəb vəziyyətdə öz müstəqilliyini və suverenliyini qorumağı və möhkəmləndirməyi bacardı. Respublikamızda dövlət müstəqilliyinin bütün atributları bərqərar edilməklə, dövlətçiliyin qorunması istiqamətində qətiyyətli addımlar atıldı.1995-ci ildə müstəqil Azərbaycanın ilk Konstitusiyası qəbul olundu və ölkədə davamlı ictimai-siyasi sabitlik bərpa edildi. 
        Bu gün möhtərəm Prezidentimiz İlham Əliyevin rəhbərliyi altında Azərbaycan Respublikasında demokratik, hüquqi, dünyəvi dövlət, vətəndaş cəmiyyəti quruculuğu prosesi uğurla davam etdirilir. Bu sahədə qazanılmış nailiyyətlər qürur doğurur və qəlblərimizi fərəh hissi ilə doldurur.
        Yekun olaraq çıxış edən Xocalı rayon İcra Hakimiyyətinin başçısı Şahmar Usubov müstəqilliyimiz uğrunda canlarını fəda edən insanların daim hörmətlə anıldığını vurğuladı. Qeyd etdi ki, 1920-ci il 28 aprel işğalından sonra Azərbaycan Demokratik Respublikasının qurucuları, ictimai-siyasi xadimləri və görkəmli ziyalıları mühacirətə getmək məcburiyyəti qarşısında qaldı. Onlar mühacir həyatlarında Sovet imperiyasına qarşı mübarizəni davam etdirdilər. 
        Şahmar Usubov dedi ki, Prezident İlham Əliyev tərəfindən 2018-ci il ölkəmizdə "Azərbaycan Xalq Cümhuriyyəti İli" elan olunmuşdur. Dövlətimizin başçısı tərəfindən 2018-ci ilin “Azərbaycan Xalq Cümhuriyyəti İli” elan edilməsi Prezident səviyyəsində dövlətçilik tariximizə verilən yüksək dəyərin göstəricisidir. 
        İndi Azərbaycan müstəqil dövlətdir. Azərbaycan müstəqilliyinin ilk illərində çətinliklərlə üzləşsə də, hal-hazırda ölkəmizdə sabitlikdir. Bütün sahələrdə inkişaf gedir. Azərbaycan apardığı siyasət bütün dünyaya nümunədir. Son zamanlar Cənab Prezidentimizin sosial sahədə imzaladığı Sərəncamlar hər kəsin ürəyincədir. 
        Rayonumuzun rəhbəri çıxşının sonunda Azərbaycan xalqına əmin-amanlıq, xoş günlər arzuladı. 
        Sonda Xocalı rayon Kosalar, Yaloba və Əli Kərima adına Başkənd kənd tam orta məktəbinin şagirdlərinin hazırladığı Azərbaycan Xalq Cümhuriyyətinin yaranmasını və süqutunu əks etdirən “Bir kərə yüksələn bayraq bir daha enməz!” adlı səhnəcik nümayiş etdirildi. 
































Paylaşın:

Xocalı rayon İcra Hakimiyyəti başçısı yanında növbəti şura iclası keçirildi

        15 may 2019-cu il tarixdə Xocalı rayon İcra Hakimiyyəti başçısı yanında Şura iclası keçirildi. Şura iclasında Prezident Administrasiyasının məsul işçisi cənab Ağa-Əli Əhmədov, Xocalı rayon İcra Hakimiyyətinin başçısı cənab Şahmar Usubov, şura üzvləri, idarə, müəssisə rəhbərləri və rayon ziyalıları iştirak etdilər. Şura iclasında Xocalı Dövlət Aqrar İnkişaf Mərkəzinin direktoru Habil Rzaquliyevin və Xocalı Rayon Mərkəzi Xəstəxananın baş həkimi Aqil Məmmədovun arayışları dinlənildi.  
        Əvvəlcə avtomobil qəzasında faciəli şəkildə dünyasını dəyişən Xocalı Rayon İcra Hakimiyyəti Aparatının baş mütəxəssisi, sürücü Əliyev Rauf İsmayıl oğlunun ruhu bir dəqiqəlik sükutla yad edildi. 
        Xocalı rayon İcra Hakimiyyətinin başçısı Şahmar Usubov məruzə ilə çıxış edərək aprelin 30-da Azərbaycan Respublikasının Prezidenti İlham Əliyevin sədrliyi ilə Nazirlər Kabinetinin 2019-cu ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunan iclasında Cənab Prezidentimizin giriş və yekun nitqindən tezislər söylədi və 2019-cu ilin I rübündə rayonumuzda görülmüş işlərlə bağlı məlumat verdi. Rayonumuzun rəhbəri bildirdi ki, Xocalı rayonu üzrə ümumi əhalinin sayı hal-hazırda 16232 nəfər, 4359 ailədir. Bu ailələrdən 2024 ailə Azərbaycan Respublikası Prezidentinin 2004-cü il 1 iyul tarixli 298 saylı Sərəncamı ilə təsdiq  edilmiş “Qaçqınların və məcburi köçkünlərin yaşayış şəraitinin yaxşılaşdırılması və  məşğulluğunun  artırılması  üzrə  Dövlət  Proqramı”na və bu Proqrama 2007 və 2011-ci illərdə edilmiş Əlavələrə uyğun olaraq respublikanın müxtəlif şəhər və rayonlarında  fərdi yaşayış evi və ya mənzillərlə təmin edilmiş, rayondan olan  2335 məcburi köçkün ailəsinin isə gələcəkdə yeni mənzillə təmin  edilməsi nəzərdə tutulmuşdur. 
Xocalı rayonundan olan məcburi köçkünlər üçün Goranboy rayonu ərazisində inşa edilmiş qəsəbələrdə məskunlaşmış məcburi köçkünlərin baramaçılığın inkişafına cəlb edilməsi məqsədilə 2016-cı  ildən etibarən  Aşağı -Ağcakənd qəsəbəsində 2018-ci ilə qədər 25500 ədəd tut tingi bağ şəklində əkilərək hazır vəziyyətə gətirilmişdir. Respublikamızda baramaçılığın inkişaf etdirilməsi ilə əlaqədar ölkə Prezidentinin tapşırığına əsasən  2018-ci ildə  Xocalı rayonundan olan 2 məcburi köçkün ailəsi tərəfindən 500 kiloqram  barama   istehsalına qarşı 637  kiloqram barama istehsal edilərək “Şəki İpək” ASC-nə təhvil verilmişdir. 2019-cu il üçün hərəsi 19 qram olan 37 ədəd barama qutusu əhaliyə verilmiş və 1500 kq barama istehsalı qarşıya məqsəd qoyulmuşdur.
2018-ci il ərzində 45 nəfər daimi işlə təmin olunmuşdur. 2018-ci il ərzində 186 nəfər işaxtarana, 51 nəfər orta məktəblərin yuxarı sinif  şagirdlərinə peşəyönümü məsləhəti verilmişdir.
    Azərbaycan Respublikası Prezidenti cənab İlham Əliyevin “Əhalinin Özünüməşğulluğu”nun təmin olunması sahəsində əlavə tədbirlər haqqında 7 aprel 2016-cı il tarixli sərəncamının həyata keçirilməsi məqsədi ilə 2018-ci ildə aztəminatlı ailələr arasından həssas qurupa aid olan 58 nəfəri seçilərək təlimlərə cəlb olunmuşdur. 
Azərbaycan Respublikası Prezidenti cənab İlham Əliyevin “Əhalinin Özünüməşğulluğu”nun təmin olunması sahəsində əlavə tədbirlər haqqında 7 aprel 2016-cı il tarixli sərəncamının həyata keçirilməsi məqsədi ilə 2018-ci ildə aztəminatlı ailələr arasından həssas qurupa aid olan 58 nəfəri seçilərək təlimlərə cəlb olunmuşdur. 
       Cəlb olunanların hər biri məcburi köçkündür. Onlardan 54 nəfərinin biznes planı  Dövlət  Məşğulluq  Xidmətinin  nümayəndələrindən təşkil edilmiş komissiya tərəfindən müsbət qiymətləndirilmişdir. Bunlardan 1 nəfəri şirniyyat sexi, 1 nəfəri avtomobil təmiri sexi, bir nəfəri dərziçilikdi, digərləri heyvandarlıq təsərrüfatına üstünlük vermişdilər və həmin şəxslərdən 47 nəfəri  2019-ci ilin yanvar ayında  biznes planlarına uyğun olaraq aktivlərlə təmin olunmuşdur.
        2019-cu ilin I-rübü ərzində 4 nəfəri daimi işlə təmin olunmuşdur. 2019-cu ilin I-rübü ərzində 61 nəfər işaxtarana, 51 nəfər orta məktəblərin yuxarı sinif  şagirdlərinə peşəyönümü məsləhəti verilmişdir.
        2019 –cu ildə Aşağı Ağcakənd qəsəbəsində 150 nəfər işçinin çalışacağı xalça sexi sakinlərimizin istifadəsinə veriləcəkdir. Yuxarıda qeyd etdiyim kimi işləmək istəyən amma toxumağı bacarmayan insanlar üçün mərkəz tərəfindən kurs təşkil ediləcək və onlara kursa gəldikləri müddətdə aylıq 180 manat təhsil təqaüdü veriləcək. İşləmək arzusunda olan şəxslərdən 80 nəfərinin müraciəti qeydiyyata alınmışdır və bu proses davam etdirilir.
2019-cu ilin I-rübü ərzində aztəminatlı ailələr arasından həssas qrupa aid olan 15 nəfər seçilərək “ Özünüməşğulluğu”nun təlimlərə cəlb olunmuşdur. 
        2019 –cu il birinci rübü ərzində DOST iş mərkəzi tərəfindən ölkə üzrə 35000 nəfər vətandaş ictimai işlərə cəlb olunmuşdur ki, buda əhalinin rifah halının yaxşılaşdırılmasına öz töhfəsini vermişdir. Bu il  Xocalı rayonunda da bu qəbildən olan 32 yeni iş yerinin açılması nəzərdə tutulub ki, buda rayon əhalisinin az təminatlı ailələrinin işlə təmin olunmasına böyük köməklik olacaqdır.
Sonra Xocalı Dövlət Aqrar İnkişaf Mərkəzinin direktoru Habil Rzaquliyev məruzə ilə çıxışında kənd təsərrüfatı sahəsində rayonumuzda görülən işləri diqqətə çatdırdı. Habil Rzaquliyev bildirdi ki, Azərbaycan Respublikası regionlarının 2019 – 2023 – cü illərdə sosial iqtisadi inkişafı Dövlət Proqramının icrası təmin etmək məqsədi ilə Xocalı rayonunda da müəyyən işlər görülmüşdür. Belə ki, rayon əhalisi işğal altında olduğuna baxmayaraq rayondan olan məcburi köçkünlərin kənd rayonlarının ərazisində və o cümlədən rayondan olan məcburi köçkünlər üçün inşaa edilmiş qəsəbələrdə məskunlaşmış əhalinin kənd təsərrüfatı ilə məşğul olmalarını təmin etmək məqsədi ilə rayon İcra Hakimiyyəti başda olmaqla inzibati ərazi vahidləri üzrə icra nümayəndələri ilə birlikdə ardıcıl işlər həyata keçirilmişdir.Aqrar sektorda mövcud vəziyyətə dair rayon İcra hakimiyyəti başçısına mütəmadi məlumatlar verilir.
        Xocalı rayon əhalisi kompakt şəkildə Goranboy rayonunda məskunlaşdığı üçün bitkiçiliyin, heyvandarlığın, arıçılığın və baramaçılığın inkişafı sahəsində müəyyən işlərin görülməsi məqsədə uyğun hesab edilir. Belə ki, baramaçılığın inkişaf etdirilməsi üçün Goranboy rayon Aşağı Ağcakənd qəsəbəsində 2016 -cı ildən etibarən 2018-ci ilə qədər 25500 ədəd tut tingi bağ şəkilində əkilərək hazır vəziyyətə gətirilmişdir. Respublikamızda baramaçılığın inkişaf etdirilməsi ilə əlaqədar ölkə Prezidentinin tapşırıqlarına əsasən 2018-ci ildə Xocalı rayonundan olan 2 məcburi köçkün ailəsi tərəfindən 500 kiloqram barama istehsalına qarşı 637 kiloqram barama istehsal edilərək “Şəki İpək” ASC-nə təhvil verilmişdir. 2019-cu ildə isə 1500 kiloqram barama istehsalı qarşıya məqsəd qoyulmuşdur. Qax rayonu Damazlıq İpəkçilik Stansiyasından 703 qram ipək qurdu gətirilərək rayondan olan on ailəyə saxlamaqları üçün paylanılmışdır. Rayon əhalisinin kompakt şəkildə məskunlaşdığı ərzilərdə fındıq bağlarının salınması, şəkər çuğunduru və kartofçuluğun inkişaf etdirilməsi nəzərdə tutulmuşdur. Hal – hazırda rayon əhalisinə Goranboy rayon Aşağı Ağcakənd qəsəbəsində verilmiş pay torpaqlarda 2 hektar ərazidə fındıq bağı salınmışdır.
Cənab Prezidentin Sərəncamının və Nazirlər Kabinetinin 400 nömrəli  Qərarının icrası  ilə əlaqədar olaraq Xocalı Dövlət Aqrar  İnkişaf  Mərkəzi  tərəfindən  Xocalı  rayonundan  arıçılıqla məşğul olan hüquqi və fiziki şəxslərin arıçılıq  təsərrüfatlarına baxış keçirilmiş və 115 nəfər vətəndaşa ümumilikdə  30480  manat məbləğində  subsidiya verilmişdir. 2019-cu ilin birinci rübündə Xocalı rayonundan 2018 – ci ildə subsidiya almayan 5 inzibati ərazisi üzrə 31 nəfər arıçılıqla məşğul olan fiziki və hüquqi şəxslərə saxladıqları 766 arı ailəsinə (pətəyə) görə dövlət büdcəsinin vəsaiti hesabına hər arı ailəsinə (pətəyə) 10 (on) manat olmaqla cəmi 7660 manat məbləğində subsidiyanın verilməsi ilə əlaqədar hazırlanmış sənədlər təsdiq edilərək Respublika Komissiyasına təqdim olunmuşdur. 2019 – cu ilin birinci rübündə Xocalı rayonundan olan 94 nəfər arıçılıqla məşğul olan hüquqi və fiziki şəxslər tərəfindən Dövlət Aqrar İnkişaf Mərkəzinə subsidiya almaları üçün ərizə ilə müraciətlər olmuşdur. Daxil olan müraciətlər əsasında tərəfimizdən monitorinqlər aparılmış və 2201 arı ailəsi qeydiyata götürülmüşdür. 
        Hal – hazırda rayonumuzun  balansında  4125 hektar daimi təhkim olunmuş I – II otrub torpaq sahəsi vardır. Həmin torpaq sahələrindən 3000,0 hektarı taxılçılığın inkişafı üçün fiziki və hüquqi şəxslərə uzunmüddətli icarəyə verilmişdir. 2018 – ci ildə rayonun hüquqi və fiziki şəxsləri tərəfindən 2785.8 hektar taxıl sahəsi əkilmişdir,  məhsuldarlıq 20 sentiner olaraq 5571.6 ton məhsul toplanmışdır. 2019 – cu ilin məhsulu üçün rayondan olan hüquqi və fiziki şəxslər tərəfindən  2755 hektar buğda və 155 hektar sahədə isə arpa bitkiləri əkilmişdir. Aqrotexniki qaydalara uyğun olaraq bir dəfə yemləmə şəklində taxıl sahələrinə ammonium nitrat gübrəsinin verilməsi işi həyata keçirilmişdir. Rayon ərazisində taxıl əkin sahələrində zərərverici və xəstəliklər, alaq otlarına qarşı mübarizə tədbirlərinin vaxtında və keyfiyyətli aparılması üçün Xocalı DAİM-də yaradılmış monitorinq qrupu tərəfindən 2755 hektar payızlıq taxıl sahələrində siçanabənzər gəmiricilərə qarşı fitosanitar müşahidələr aparılmış və müşahidə zamanı 1115 hektar sahədə adi siçanın sirayətlənməsi müəyyən edilmiş  və kimyəvi mübarizə tədbirləri həyata keçirilmişdir. 
            2019 - cu ilin yazlıq bitkiləri üçün 84 hektar kartof, 32 hektar tərəvəz, 27 hektar sahədə isə günəbaxan bitkisi əkilmişdir. 2019 - cu ilin birinci rübündə  iri buynuzlu mal – qaranın baş sayı 2800 baş, o cümlədən 1265 baş ana inək, xırda buynuzlu 12500 baş, bütün növlərdən olan quşların sayı 9500 baş, arı ailəsinin sayı isə 5945 olmuşdur.
2019-cu ilin birinci rübündə  ət istehsalı 60.7 ton, süd istehsalı  296.4 ton, yumurta istehsalı 21 min ədəd olmuşdur.
        Xocalı rayon Mərkəzi Xəstəxanın baş həkimi Aqil Məmmədov çıxışında rayonumuzda icbari tibbi sığorta haqqında keçirilən maarifləndirmə tədbirləri haqqında məlumat verdi. Aqil Məmmədov qeyd etdi ki, hər bir sahədə olduğu kimi səhiyyə sahəsində də, istər kadr islahatları, istərsə də  əhalinin sağlamlığının qorunması üçün lazım olan islahatlar uğurla davam etdirilir. Ölkəmizdə icbari tibbi sığortanın tətbiqinə başlanması və pilot layihə kimi Ağdaş,Mingəçevir və Yevlax şəhərlərində yüksək nailiyyət əldə olunması  deyilənlərin bariz nümunəsidir. İcbari tibbi sığortanın tənzimlənməsi məqsədi ilə 20 dekabr 2018- ci il tarixdə tibbi sığorta haqqında qanuna bir sıra dəyişikliklər edilmişdir. Qanuna edilmiş dəyişikliyə əsasən icbari tibbi sığorta üzrə xidmətlərin baza və əlavə hissələrdən ibarət olan xidmətlər zərfi çərçivəsində göstərilməsi nəzərdə tutulur. Xidmətlər zərfinin baza hissəsi ilkin səhiyyə xidmətinin, habelə  təcili və təxirə salınmaz tibbi yardım xidmətlərini əhatə edir. Sözü gedən qanunun 15-10.1.1- ci maddəsinə əsasən xidmətlər zərfinin baza hissəsi üzrə sığorta haqqı 29 manat təşkil etməklə, dövlət büdcəsi tərəfindən maliyyələşdirilməsi nəzərdə tutulur. Qanunun 15-2 – ci maddəsindən  göründüyü kimi, xidmətlər  zərfinin baza hissəsinə münasibətdə Azərbaycan Respublikasının vətəndaşları, Azərbaycan Respublikasında daimi və ya müvəqqəti yaşayan əcnəbilər və vətəndaşlığı olmayan şəxslər sığorta olunan hesab edilir və bu isə o deməkdir ki, sadalanmış şəxslər baza hissəsində nəzərdə tutulmuş xidmətlərə dövlət büdcəsi hesabına təmin olunurlar. Cənab başçının tapşırığına uyğun olaraq, Başçının müavini, İctimai- siyasi və Humanitar məsələlər şöbəsinin müdiri Lamiyə xanım Qarayevanın təşkilatçılığı ilə xəstəxanada tibb işçilərinin və yerli icra nümayəndələrinin rəhbərləri ilə birlikdə təbliğat və maarifləndirmmə yönümlü tədbir keçirildi. Tədbirlər Planına uyğun olaraq icbari tibbi sığorta haqqında maarifləndirmə tədbirləri regionlarda əhali arasında mütamadi olaraq aparılacaqdır.
        Yekun olaraq çıxış edən iclasında Prezident Administrasiyasının məsul işçisi cənab Ağa-Əli Əhmədov Prezident İlham Əliyevin sədrliyi ilə Nazirlər Kabinetinin 2019-cu ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunan iclasında Cənab Prezidentimizin giriş və yekun nitqindən tezislər söylədi, rayonumuzda görülən işlərə münasibət bildirdi. Şura iclasının gündəliyinə daxil edilmiş məsələlər ilə bağlı görülən işlər və qarşıya qoyulmuş vəzifələrin icrasını təmin etmək məqsədi ilə aidiyyəti idarə və təşkilat rəhbərlərinə müvafiq tapşırıq və tövsiyələrini verdi.











 








Paylaşın:

Xocalı rayon İcra Hakimiyyətində vətəndaş qəbulu keçirildi

        Vətəndaş amilinin ön planda tutulduğu Xocalı rayonunda hər bir sakin tərəfindən qaldırılan məsələyə diqqətlə yanaşılır. Onları narahat edən qayğılar yerindəcə araşdırılır və həll olunması üçün konkret işlər görülür. Ölkə başçısının siyasətinin əsasını təşkil edən vətəndaş amilinin ön planda olması xocalılar tərəfindən də yüksək qiymətləndirilir. Vətəndaşlara olan qayğının nəticəsidir ki, onlar çəkinmədən öz müraciətlərini edir, ürək sözlərini çatdıra bilirlər.

        14 may 2019-cu il tarixdə xocalıların kompakt şəkildə müvəqqəti məskunlaşdıqları Goranboy rayonunun Aşağı Ağcakənd qəsəbəsində Azərbaycan Respublikası Prezident Administrasiyasının məsul işçisi cənab Ağa-Əli Əhmədov, Qaçqınların və Məcburi Köçkünlərin İşləri üzrə Dövlət Komitəsi sədrinin müavini cənab Fuad Hüseynov, Xocalı rayon İcra Hakimiyyətinin başçısı cənab Şahmar Usubov tərəfindən vətəndaşların qəbulu keçirildi.

        Xocalı rayon İcra Hakimiyyətinin akt zalında keçirilən qəbulda fərdi qaydada ümumilikdə 38 nəfərin müraciəti dinlənildi. 

        Müraciətlər əsasən, evlə təmin olunma, işlə təminat, məcburi köçkün vəsiqəsinin verilməsi, vahid aylıq müavinətin bərpası, 11 min manat kompensasiya alacaq şəhid ailələrinin siyahısına salınmaq, kommunal xidmətlər ilə bağlı cərimələrin silinməsi və digər məsələləri əhatə edirdi. Qəbulda həmçinin, Goranboy rayon ərazisində salınmış Yeni yaşayış massivində xeyir-şər evinin tikilməsi, Aşağı Ağcakənddə qəsəbədaxili küçələrin işıqlandırılması, Yuxarı Ağcakənddə qəsəbədaxili yolların asfaltlaşdırılması və qəsəbəyə marşurut xəttinin təşkili, Meşəli qəsəbəsinə çəkilən suvarma su xəttinin bərpası, qəsəbədaxili küçələrin şebellənməsi, Börü qəsəbəsində bir neçə qəzalı vəziyyətdə olan evlərin bərpası, qəsəbəyə internet xəttinin çəkilməsi, qəsəbədaxili küçələrin işıqlandırılması, uşaq bağçasının açılması və digər camaatı narahat edən ümumi məsələlər də diqqətə çatıdırldı.

       Vətəndaşlar tərəfindən qaldırılan məsələlərin həlli ilə əlaqədar sakinlərə qaydalarla bağlı izahat verildi. Bir sıra müraciətlər yerindəcə həllini tapdı. Araşdırılması tələb edilən məsələlər isə aidiyyəti qurumlara göndərilməsi üçün nəzarətə götürüldü.













































   
Paylaşın:

Ən çox oxunan

Blog Arşivi