04.06.2019-cu il tarixdə Yeni Azərbaycan Partiyası Xocalı rayon təşkilatı Gənclər Birliyinin VII Konfransı keçirildi. Konfransda Yeni Azərbaycan Partiyasının Xocalı rayon təşkilatının sədri Vahid Əliyev, idarə, müəssisə rəhbərləri və rayon gəncləri iştirak etdilər.
Konfrans iştirakçıları ilk olaraq Ümummilli lider Heydər Əliyevin büstü önünə gül dəstələri düzərək xatirəsini ehtiramla yad etdilər.
Konfransda Xocalı rayon İcra Hakimiyyəti Aparatının Sosial-iqtisadi inkişafın təhlili və proqnozlaşdırılması şöbəsinin aparıcı məsləhətçisi Xaliq Əkbərov, Xocalı rayon Gənclər və İdman İdarəsinin baş məsləhətçisi Ramiz Alıyev, Xocalı Rayon Mərkəzi Xəstəxananın kadrlar üzrə müfəttişi Gültəkin Həsənzadə, Xocalı rayon Cəmilli kənd İƏD-si üzrə nümayəndəliyin mühasibi Telman Möhsümov məruzə ilə çıxışlar etdilər. Çıxışlarda bildirildi ki, Ulu öndər Heydər Əliyevin əsas məqsədi yeni nəslin fiziki, mənəvi-psixoloji cəhətdən sağlam yetişməsini, istedadlı gənclərin üzə çıxarılması və onların gələcəyinə töhfə verməsini təmin etmək idi. Əsası Ümummilli lider tərəfindən qoyulmuş dövlət gənclər siyasətinin nəticəsidir ki, bu gün ölkəmizdə idarəetmə bacarığı ilə seçilən intellektual, dünyagörüşlü yeni nəsil yetişib.
Natiqlər qeyd etdilər ki,Ulu öndər Heydər Əliyevin müəyyənləşdirdiyi gənclər siyasəti bu gün Prezident İlham Əliyev tərəfindən uğurla davam etdirilir. Azərbaycanda dövlət gənclər siyasətini daha da inkişaf etdirmək, gənclərin dövlət qulluğunda məsul vəzifələrdə iştirakını təmin etmək, aparıcı qüvvəyə çevirmək və onların sosial-iqtisadi problemlərinin həllini təmin etmək məqsədi ilə ölkə rəhbərliyi bütün lazımi tədbirləri həyata keçirir, önəmli dövlət proqramları qəbul olunur.
Konfransda təşkilatı məsələlərə də baxıldı. YAP Xocalı rayon təşkilatı Gənclər Birliyinin 11 nəfər Şurası və 5 nəfər İdarə Heyəti seçildi. YAP Xocalı rayon təşkilatının aparat rəhbəri Ağayev Əlağa İman oğlu sədr seçildi.
Konfransda partiyaya qəbul olunmuş üzvlərə partiya vəsiqələri təqdim olundu.
About 
0 şərhlər: