BU SAYT XOCALI RAYON İCRA HAKİMİYYƏTİNİN "XOCALININ SƏSİ" QƏZETİNİN ƏSASINDA YARADILMIŞDIR

4 Aralık 2019 Çarşamba

Prezident Administrasiyasının və "Dövlətqaçqınkom"un məsul işçisi vətəndaşların müraciətlərini dinlədi

Posted at  12/04/2019  |  in  

        Dekabrın 4-də xocalıların kompakt şəkildə müvəqqəti məskunlaşdıqları Goranboy rayonunun Aşağı Ağcakənd qəsəbəsində Prezident Cənab İlham Əliyevin əhalinin problemlərinin yerində öyrənilməsi, həll edilməsi, vətəndaş-məmur münasibətlərində şəffaflığın təmin edilməsi barədə tapşırıqlarına uyğun olaraq,  Azərbaycan Respublikası Prezident Administrasiyasının məsul işçisi cənab Ağa-Əli Əhmədov, Qaçqınların və Məcburi Köçkünlərin İşləri üzrə Dövlət Komitəsi sədrinin müavini cənab Fuad Hüseynov və Xocalı rayon İcra Hakimiyyətinin başçısı cənab Şahmar Usubov tərəfindən vətəndaşların növbəti qəbulu keçirildi.

        Xocalı rayon İcra Hakimiyyətinin akt zalında keçirilən qəbulda fərdi qaydada ümumilikdə 54 nəfərin müraciəti dinlənildi. 

        Müraciətlərdə evlə təmin olunma, işlə təminat, vahid aylıq müavinətin bərpası, qəzalı evlərin bərpasına köməklik göstərilməsi və digər şəxsi məsələlərlə yanaşı, Aşağı Ağcakənd qəsəbəsində yaşadığı ünvanın küçəsində zibil qutularının qoyulması, Börü qəsəbəsində internet xətmətinin təşkili, Gəncə şəhəri ərazisində salınmış 600 ailəlik qəsəbəyə əlavə içməli su xəttinin çəkilməsi, kanalizasiya şəbəkəsinin qurulması və digər ümumi məsələlər də oldu.  

        Vətəndaşlar tərəfindən qaldırılan məsələlərin həlli ilə əlaqədar sakinlərə qaydalarla bağlı izahat verildi. Bir sıra müraciətlər yerindəcə həllini tapdı. Araşdırılması tələb edilən məsələlər isə aidiyyəti qurumlara göndərilməsi üçün nəzarətə götürüldü.

        Vətəndaşlar hər zaman onlara göstərilən diqqət və qayğıya görə Azərbaycan Respublikasının Prezidenti Cənab İlham Əliyevə minnətdarlıqlarını bildirdilər.

















Share this post

About Naveed Iqbal

Nulla sagittis convallis arcu. Sed sed nunc. Curabitur consequat. Quisque metus enim venenatis fermentum mollis. Duis vulputate elit in elit. Follow him on Google+.

0 şərhlər:

Əlaqə

Redaksiyamızın ünvanı:
Gəncə şəhəri, Yeni qəsəbə - 2
Tel: (070 - 222 - 26 - 48; (050) 678 - 10 - 44
E - mail: xocalininsesi@gmail.com
About-Privacy Policy-Contact us
Copyright © 2015 "Xocalının səsi" qəzetinin saytı. Xocalının səsi by ..
Qalib müəllim .
back to top