BU SAYT XOCALI RAYON İCRA HAKİMİYYƏTİNİN "XOCALININ SƏSİ" QƏZETİNİN ƏSASINDA YARADILMIŞDIR

10 Kasım 2020 Salı

Xocalıların Böyük Zəfər sevinci

Posted at  11/10/2020  |  in  

 


     Cənab Ali Baş Komandan, Prezident İlham Əliyevin xoş müjdəsi xocalıları da sevindirir, duyğulandırır. Böyük Zəfər müjdəsini eşidən xocalılar axşam saatlarından bayram şənliyi keçirirlər. Qələbə münasibətilə Goranboy rayonunun Aşağı Ağcakənd qəsəbəsində kompakt şəkildə müvəqqəti məskunlaşan xocalılar avtoyürüş təşkil etdilər. Tədbir iştirakçıları əvvəlcə qəsəbədə ucaldılmış Xocalı soyqırımı abidəsini ziyarət edərək abidə önünə qərənfillər düzdülər. Şəhidlərimizin əziz ruhu yad olundu. Müzəffər Azərbaycan Ordusu Xocalı soyqırımında cinayətlər törətmiş erməni quldurlarını məhv etdi, torpaqlarımızı yağı tapdağından təmizlədi. Bu gün şəhidlərimizin ruhları da rahatlıq tapır.

        Sonra avtoyürüş Şanlı Azərbaycan və Türkiyə Bayraqları ilə qəsəbənin girəcəyindəki Bayraq Meydanına qədər davam etdi. Yol boyu səsləndirilən şüarlara qəsəbə sakinləri də qoşuldular. Bayraq Meydanında şəhidlərimizə ucaldılmış xatirə lövhəsi önündə çıxışlar oldu. Xocalı rayon İcra Hakimiyyəti başçısının müavini Lamiyə Qarayeva, Xocalı Publik Hüquqi şəxsin direktoru Aqil Məmmədov, Xocalı RTŞ-nin müdiri Şakir Əliyev, rayon ağsaqqalı Şükür Bəşirov çıxış edərək öz sevinc hislərini bölüşdülər, ölkə başçısı Cənab İlham Əliyevə, Rəşadətli Ordumuza minnətdarlıqlarını bildirdilər. Qeyd edildi ki, bu şanlı gün Ulu öndərimiz Heydər Əliyevin siyasi varisi, Prezident İlham Əliyevin uzaqgörən, qətiyyətli siyasəti nəticəsində, Azərbaycan Ordusunun hünəri sayəsində mümkün olmuşdur. Azərbaycan dövlətini güclü edən xalqımızın həmrəyliyi və ölkə başçısı ətrafında sıx birləşməyimizdir. Müstəqil Azərbaycan bundan sonra daha da güclənəcək, çiçəklənəcəkdir.


Share this post

About Naveed Iqbal

Nulla sagittis convallis arcu. Sed sed nunc. Curabitur consequat. Quisque metus enim venenatis fermentum mollis. Duis vulputate elit in elit. Follow him on Google+.

0 şərhlər:

About-Privacy Policy-Contact us
Copyright © 2015 "Xocalının səsi" qəzetinin saytı. Xocalının səsi by ..
Qalib müəllim .
back to top