Bu saytda yenilənmələr gedir

"XOCALININ SƏSİ" QƏZETİ
9 İYUL 1991-Cİ İL TARİXDƏN
İŞIQ ÜZÜ GÖRÜR

Xocalı məktəblisi beynəlxalq yaradıcılıq müsabiqəsində uğur qazanıb

Təhsil Nazirliyi Respublika Uşaq-Gənclər İnkişaf Mərkəzinin təşkilatçılığı ilə “Əziz Şuşa, sən azadsan! Əziz Şuşa, biz qayıtmışıq!” adlı esse, şeir, mahnı, nitq nominasiyaları üzrə keçirilən beynəlxalq yaradıcılıq müsabiqəsində Xocalı rayon Yaloba kənd tam orta məktəbin VI sinif şagirdi Kərəmli Fatimə Kəyan qızı esse nominasiyasında həvəsləndirici yerə layiq görülmüş və sertifikatla mükafatlandırılmışdır.

Fatimə Kərəmlinin müsabiqədə qazandığı uğur həm özünün, təhsil aldığı məktəbin, həm də Xocalı rayon təhsilinin uğurudur. Buna görə də Fatimənin nailiyyətinə hər birimiz sevinərək onu təbrik edir və yeni-yeni uğurlar arzulayırıq.
Paylaşın:

Müzəffər Ali Baş Komandan bayrağımızı Qarabağın qəlbi Şuşada ucaltdı

        Füzuli, Cəbrayıl, Ağdam, Zəngilan və Qubadlıdan sonra, Müzəffər Ali Baş Komandan İlham Əliyev növbəti səfərini Qarabağın tacı, mədəniyyət paytaxtımız Şuşa şəhərinə etdi. Bu həm də Cənab Prezidentimizin regionlara ilk səfəri idi. Şuşanın azad edilməsi böyük hərbi-siyasi hadisə idi, ilk daxili səfərin Şuşaya edilməsi özlüyündə rəmzi əhəmiyyət daşıyırdı. Prezidentin bu səfərinin yanvarın 14-də gerçəkləşməsininin ayrı rəmzi mənasıda var. Düz 39 il əvvəl 1982-ci ilin 14 yanvar tarixində Şuşada Ulu Öndər Heydər Əliyevin təşəbbüsü ilə inşa edilmiş Molla Pənah Vaqifin məqbərəsinin açılışı olmuş, və həmin tədbirdə İlham Əliyevdə iştirak etmişdir. İlham Əliyev son 30 ildə Şuşaya səfər edən ilk Azərbaycan Prezidenti kimi tarixə düşmüşdür. Cənab Preziden Şuşaya bu dəfə qalib sərkərdə kimi gəlmişdir. İlham Əliyevin dediyi kimi: Şuşa ayaqdadır, Şuşa sınmayıb, Şuşa əyilməyib!
Prezident Şuşada hərbiçilər qarşısında çıxış edərkən, o vaxt ki, AXC, Müsavat Cütlüyünün xəyanəti nəticəsində Şuşanın və Qarabağımızın işğal olunduğunu bildirmişdir. Ermənilər 1992-ci ilin mayında Şuşanı işğal edəndən sonra, dırnaqarası əməliyyatı "dağlarda toy" adı qoyaraq təbliğ edirdilər. Lakin ötən il noyabrın 8-də Müzəffər Azərbaycan Ordusu işğalçının cavabını verdi. Cənab Prezidentin dediyi kimi: Onlara elə bir toy tutduq ki, bu dərsi əbədi yadda saxlayacaqlar. Ali Baş Komandan Şuşaya gələrək, Azərbaycan bayrağını Qarabağın qəlbində ucaltdı. Bundan sonra qarşıda duran əsas vəzifə Şuşanın və digər işğaldan azad olunmuş ərazilərimizin tez bir zamanda müasir standartlara uyğun şəkildə bərpa olunmasıdır. Prezidentimizin diqqəti və qayğısı sayəsində tezliklə Qarabağımız yenidən dirçəlib, əvvəlki şöhrətini bərpa edəcəkdir. Biz Azərbaycan Xalqı olaraq bütün qəlbimiz və ruhumuzla buna inanırıq.
   Anar Əbdülov,
​ ​ ​ Xocalı Şəhər 2 saylı tam orta məktəbin tarix müəllimi


Paylaşın:

Şuşanın azad olunması bizim haqq işimiz, tarixi ədalətin bərpasıdır

        İkinci Qarabağ müharibəsində zəfərimizə günəş kimi şəfəq saçan, əsrlərlə unudulmayacaq tarixi hadisələrdən biri də müzəffər Ordumuzun, müdrik və qətiyyətli Ali Baş Komandan Prezident İlham Əliyevin sayəsində illərlə düşmənin əsarətində qalan Şuşa şəhərinin işğaldan azad edilməsidir. 28 il həsrətlə azad olunacağı günü gözləyən Şuşa şəhəri 44 gün çəkən Vətən Müharibəsində 8 Noyabr 2020-ci il tarixdə azadlığa qovuşdu.

        Daim hər bir siyasi qərarının arxasında torpaqlarmızın işğaldan azad olunması məsələsi dayanan Prezident Cənab İlham Əliyevin illərlə amalı xalqın arzusunu və Ata vəsiyyətini yerinə yetirmək kimi böyük bir müqəddəs iş uğrunda mübarizə aparmaq olmuş, bu yolda ölkə rəhbərimiz xalqın milli-maraqlarını hər zaman qorumağı özünə borc bilmişdir.

        Cənab Prezident Şuşa şəhərinə iki dəfə səfər etməsi burada aparılacaq abadlıq işləri ilə yaxından tanış olması, dünyaya səsləndirdiyi fikirləri bir daha hər bir azərbaycanlının qəlbində sevinc doğurdu. Azad olunmuş torpaqlarmıza qayıdacağmız günün yaxında olmasından xəbər verdi, bizdə böyük inam və ümid yaratdı.

Prezident Cənab İlham Əliyev ilk dəfə hələ gənc yaşlarında ikən 38 il bundan əvvəl Ulu Öndər Heydər Əliyevlə birgə Şuşa şəhərində Vaqif poeziya günləri ərəfəsində Şuşada olmuşdur.

        Prezident Cənab İlham Əliyevin Birinci vitse-prezident Mehriban xanım Əliyeva və qızları Leyla xanımla birgə Şuşa şəhərinə Novruz bayramı ərəfəsində İlaxır çərşənbəsində Şuşa şəhərinə 2-ci dəfə səfər etməsi burada görüləcək işlərlə yaxından tanış olması, Novruz tonqalını Cıdır düzündə alovlandıraraq buradan Azərbaycan xalqını Novruz bayramı münasibətilə təbrik etməsi ölkə başçısınn qətiyyətli və prinsipial mövqeyi ilə yadda qaldı. Şuşada bayrağmızın ucaldılması zamanı Ali Baş Komandan İlham Əliyev qeyd etdi ki “Şuşanı qan tökərək azad etmişik, Şuşa uğrunda ciddi döyüşlər gedirdi. Laçın dəhlizi boyunca işğalçıların qalıqları səpələnmişdi, yüzlərlə, bəlkə də minə qədər işğalçı Şuşa döyüşlərində məhv edildi. Hərbiçilərimiz sıldırım qayalardan qalxaraq, dərədən-təpədən, Xocavənd meşələrindən, cığırlarından keçərək yüngül silahlarla Şuşaya gəldilər.Yüngül silahlarla, tapançalarla, süngü-bıçaqla mübarizə apardıq. Amma bizə qarşı burada toplardan, tanklardan istifadə olundu. Amma düşmən bizim gücümüzü gördü və məğlub oldu. Şuşanın azad edilməsi Vətən Müharibəsində xüsusi yerə malik olan hadisədir. Şuşa bizim hədəfimiz idi və biz bu hədəfə doğru gedirdik. Şuşaya qədər azad edilmiş bütün torpaqlarda Azərbaycan Ordusunun yerləşməsi Şuşanın azad olunmasını şərtləndirmişdi”.

        28 ildən sonra Azərbaycan Prezidenti Cənab İlham Əliyev Novruz bayramını qədim şəhərimizdə, Azərbaycanın mədəniyyət paytaxtı Şuşada qeyd etdiyimizi bütün dünyaya çatdıraraq deyib: “Bu tarixi hadisədir. Bu böyük xoşbəxtlikdir. Allah Azərbaycan xalqının dualarını eşitdi. Hər il Novruz bayramı ərəfəsində hamımız yəqin ki, fikirləşirdik, bir-birimizə deyirdik, inşallah, gələn il Novruz bayramını Qarabağda qeyd edək, gələn il Novruz bayramını Şuşada qeyd edək və bu gün gəldi. 28 ildən sonra biz Şuşaya qayıtdıq. Novruz bayramını Cıdır düzündə qeyd edirik, tarixi ədaləti bərpa etmişik”.

        Əlbəttə, bu əlamətdar hadisə hər bir azərbaycanlının qəlbində qürur doğurdu. Şuşa şəhərinin azad olunması, Novruz tonqalının Cıdır düzündə alovlanması, buradan Prezident İlham Əliyevin dünyaya səslənməsi, qətiyyətli çıxışı bir daha onu deməyə əsas verir ki, bir zamanlar tapdanmış tarixi ədalət bu gün bərpa olundu, bu gündən sonra Şuşa şəhərində azərbaycanlılar əbədi yaşayacaqdır.

Prezident İlham Əliyevin qeyd etdiyi kimi, biz döyüş meydanında da, informasiya məkanında da, siyasi müstəvidə də qələbə qazandıq.

        Dövlətimizin Başçısı birmənalı olaraq bildirdi ki, Şuşa şəhərinin azad edilməsi Azərbaycanın haqq işidir və Qarabağ Azərbaycandır! Şuşa Azərbaycandır! Şuşa azaddır!

        Şuşada əbədi olaraq biz yaşayacağıq!

Nizami Əliyev,

Xocalı rayonundan məcburi köçkün

Paylaşın:

Ölkə başçısının Şuşada Novruz tonqalı qalaması möhtəşəm bir mənzərə idi

 

        27 sentyabr 2020-ci il tarixdə başlayan, 44 gün davam edən, Azərbaycan ordusunun möhtəşəm qələbəsi ilə başa çatan, 30 illik həsrətə son qoyan Vətən müharibəsindən qısa müddət keçməsinə baxmayaraq, artıq işğaldan azad edilmiş torpaqlarda quruculuq işləri geniş vüsət almışdır. Torpaqlar işğaldan azad ediləndən dərhal sonra Azərbaycan Respublikasının Prezidenti cənab İlham Əliyev bəyan etdi ki, biz tezliklə işğaldan azad edilmiş ərazilərdə quruculuq işlərinə başlayacağıq və bu haqda dövlət qurumlarına müvafiq göstərişlər verdi. Qısa zaman kəsiyində həyata keçirilən müxtəlif bərpa işləri vəziyyətin nə dərəcədə ciddi olduğunu gözlərimiz önündə sərgiləyir. Ölkə başçısının vurğuladığı kimi bütün işlər paralel şəkildə həyata keçirilir. Belə ki, həm ərazilərin minalardan təmizlənməsi, həm də infrastruktur layihələrinin icrasının eyni vaxtda yerınə yetirilməsi bunun  parlaq sübutudur.                                                           

         Martın 16-da ölkə Başçısı cənab İlham Əliyev, birinci Xanım Mehriban Əliyeva və qızları Leyla xanım Əliyeva Şuşa şəhərinə səfər etmişlər. Torpaqlar işğaldan azad edildikdən sonrakı qısa zamanda Azərbaycan Respublikasının Prezidenti cənab İlham Əliyevin Şuşa şəhərinə ikinci dəfə səfər etməsi bu şəhərin ölkəmiz üçün nə qədər böyük strateji əhəmiyyətə malik olduğuna bir işarədir. Bu səfərin xalqımızın müqəddəs bayramlarından biri olan Novruz bayramı ərəfəsində baş verməsi daha böyük əhəmiyyət kəsb edirdi. Ölkə başçısının 30 illik ayrılıqdan sonra Azərbaycanın qədim yaşayış məskəni, mədəniyyət mərkəzi Şuşada öz ailə üzvləri ilə Novruz tonqalı qalaması daha da möhtəşəm bir mənzərə idi. Bu an qədim Oğuz igidlərinin düşmən üzərində qələbədən sonra dağ başında tonqal qalayıb bayram etmələrini xatırladırdı.                                         

         Düşmən bütün işğal altında olan əraziləri vəhşicəsinə darmadağın etdiyi kimi, Şuşada da bütün tarixi abidələri məhv etmiş, tanınmaz vəziyyətə salmışdır. Prezident vurğuladı ki, vaxtilə açılışını Ümummilli lider Heydər Əliyevin etdiyi Molla Pənah Vaqifin məqbərəsidə qoyulmuş mərmər daşları da mənfur düşmən oğurlayıb aparmışdır. Məqbərə tanınmaz hala salınmışdır. Lakin bütün bunlara baxmayaraq artıq məqbərədə təmir-bərpa işlərinə başlabılmışdır. Təmir-bərpa işlərini Mehriban xanımın rəhbərliyi altında Heydər Əliyev Fondu həyata keçirir. Eyni zamanda cənab İlham Əliyev onu da əlavə etdi ki, tezliklə düşmən vəhşiliyinin qurbanı olmuş Rəsm qalereyasının, Xalça muzeyinin, Şuşa şəhərinin əsasını qoymuş Pənahəli xanın sarayının, digər tarixi abidələrin bərpasına başlanılacaqdır. O həm də məşhur "Qarabağ" otelinin də təmir edilib bu qədim şəhəri ziyarət edəcək turistlərin ixtiyarına veriləcəyini bəyan etdi.                      Azərbaycan Respublikasının Prezidenti, Ali Baş Komandan cənab İlham Əliyevin rəhbərliyi altında müzəffər Azərbaycan ordusu Cıdır düzündə Yallı gedən Paşinyana, Şuşanı separatçı rejimin "paytaxtı" elan etməyə hazırlaşan erməni ünsürlərə öz yerini göstərdi, Şuşanın əsil sahiblərinin kim olduğunu öz qəhrəmanlıqları ilə sübut etdi. Cənab Prezidentin təbirincə desək, mənfur düşmənin bütün Qarabağ xəyalları cəhənnəmə getdi, gorbagor oldu.                    Azərbaycan Respublikasının Prezidenti cənab İlham Əliyevin işğaldan azad edilmiş Azərbaycan ərazilərinə mütəmadi səfərləri onu göstərir ki, bu yerlərdə quruculuq işləri daha da geniş vüsətlə davam edəcək, həmin yerlərin sahibləri tez bir zamanda öz ata yurdlarına dönəcəklər. Bu işlərin həyata keçirilməsinə inam böyükdür və xalqımız öz Prezidentinin daim dəstəkçisidir.                                                    Ələddin Əhmədov,                                Xocalı rayon ziyalısı

Paylaşın:

Prezidentimizin işğaldan azad olunmuş torpaqlarımıza hər səfəri bir tarixdir

Ali Baş Komandan xalqa üz tutub,
Müqəddəs savaşdan xəbərlər verir.
Onun hər sözündə qətiyyət, qürur,
Sənin haqqın idi bu Zəfər! deyir.

Cənab Prezidentimiz İlham Əliyev hər zaman çıxışında deyirdi: Xalqımız işğalla barışmayacaq, öz ərazisində ikinci erməni dövlətinin yaradılmasına icazə verməyəcək. Vaxt gələcək biz öz doğma, dədə-baba torpaqlarımıza geri dönəcəyik. Sözünün, imzası qədər dəyəri olan dövlətimizin başçısı hər zaman olduğu kimi, öz xalqına verdiyi sözü tutdu və xalqının ümidlərini doğrultdu. Bizi bu günlərə gətirən yol rahat yox, çətinliklərlə, sınaqlarla dolu olub. "Nəyi, nə vaxt, necə etmək lazımdır, mən bilirəm" deyərək bütün prezidentliyi dövründə torpaqların azad olunmasını ən ümdə vəzifə olaraq gördü. 30 ildən sonra Ali Baş Komandanın rəhbərliyi ilə Müzəffər Ordumuz dastan yazdı, torpaqlarımızı işğaldan azad etdi, öz ata vəsiyyətini yerinə yetirdi. Cənab Prezidentimiz özünün iradəsi nəticəsində azad etdiyi torpaqlara səfərlər edir.
Daha bir Səfər, daha bir Zəfər, daha bir Qələbə!
Qalib Ali Baş Komandan və ölkənin birinci xanımı, Birinci vitse-prezident Mehriban Əliyeva və qızları Leyla Əliyeva işğaldan azad olunmuş Füzulimizə, Xocavəndimizə növbəti tarixi səfərlərini ediblər. Səfər zamanı Füzuli-Hadrut avtomobil yolunun təməli qoyuldu, Hadrut qəsəbəsində dövlət bayrağımız dalğalandırıldı, Hadrut-Cəbrayıl-Şükürbəyli avtomobil yolunun təməli qoyuldu, Hünərli kəndində tarixi Alban kilsəsi ziyarət edildi, tarixi Tuğ və məşhur Azıx mağarasının yerləşdiyi Azıx kəndinə baş çəkildi.
Prezidentimizin bu səfərlərinin hər biri bir tarix, hər biri bir qələbə müjdəsidir. Hər bir səfər o torpaqlara can verir, şəhidlərin ruhunu şad edir, eyni zamanda düşmənə gözdağı verir.
Düşmən və ona dəstək olmağa çalışan hər bir dövlət bilməlidir ki, biz üçrəngli, ay-uyduzlu bayrağımızı bu torpaqlara əbədi olaraq sancmışıq və dədə-baba torpaqlarımızda əbədi yaşayacayıq. Biz ora qayıdacağımız günləri səbirsizliklə gözləyirik.
Qarabağ Azərbaycandır!
Can Azərbaycan!
Nazim Qədirov,
Xocalı rayon Əhməd Cavadov adına Cəmilli kənd tam orta məktəbin müəllimi
Paylaşın:

Ümummilli lider Heydər Əliyevin apardığı müdrik siyasət nəticəsində dövlət çevrilişinin, vətəndaş müharibəsinin qarşısı alındı

Mart hadisələrindən bu il 26 il ötür. Həmin vaxt Azərbaycanda hakimiyyətin silahla devrilməsinə cəhd göstərildi. Azərbaycanın müasir siyasi sabitliyinin keçdiyi yolda yolda mart hadisələrinin xüsusi yeri var.

İnsan pisliyi də özü özünə edir, yaxşılığı da. Rövşən Cavadov dövlətlə dövlətçilik etmək iddiasına düşdü. Bu iddia onu da məhv etdi, onunla birlikdə neçə-neçə azərbaycanlı balasını da...
Rövşən Cavadov Qarabağ savaşında xidmətləri olan döyüsçü idi. Görünür bəzi qüvvələr Rövşənin get-gedə artan nüfuzundan istifadə edərək onu hakimiyyətə gəlməsi üçün təxribata sürüklədilər.
Yaxşı yadımdadır, evimizdə bayrama hazırlaşdığımız bir vaxtda şəhərdə şiddətli döyüş getdiyi və həmin döyüşdə Rövşən Cavadovun öldürüldüyünü eşitdim.
Ondan bir neçə gün qabaq dövlət televiziyasında kiminə maraqlı, kiminə maraqsız görünən bir xəbər oxunmuşdu. Söhbət Qazaxda OMON-la bağlı baş vermiş bir insidentdən gedirdi. Ertəsi gün Daxili İşlər Naziri OMON-un buraxılması və onun üzvlərinin 3 gün ərzində silahı təhvil verməsi barədə əmr imzaladı. Amma bu əmrə elə birinci tabe olmaq istəməyən nazir müavini Rövşən Cavadov idi. 1995-ci ilin həmin gününü mən şəxsən qana bulanmış Novruz təmtarağı kimi xatırlayıram.
Heydər Əliyev Azərbaycan Respublikasının Prezidenti olaraq dəfələrlə bu mövzuda Rövşən Cavadovla danışığa cəhd etdiyini bildirdi. Hətta bu danışıqların müsbət nəticə verəcəyinə inandığı bir vaxtda çevrilişə cəhd xəbərini aldı. Bəli, nə qədər acınacaqlı olsa da, o günlər qardaş öz qardaşının qanını tökdü.
Cavadovların hakimiyyəti ələ keçirtməyə cəhdi birbaşa dövlət çevrilisi idi. Bu cəhd vətəndaş müharibəsi demək idi.
O həmin günlərdə OMON-un bazasında jurnalistlərə açıqlama verərək bildirdi ki, biz hakimiyyətə gələcəyik. Azərbaycan xalqı bizə qoşulsun. Əlbəttə, bu açıqlamadan qan iyi gəlirdi. Buna heç bir dövlət imkan verməzdi.
Ümummilli lider Heydər Əliyevin apardığı müdrik siyasət nəticəsində dövlət çevrilişinin, ölkədə vətəndaş müharibəsinin qarşısı alındı. Azərbaycanın müstəqilliyi qorunub saxlanıldı.
Heydər Əliyevin dahiliyi budur.
Bu gün də Heydər Əliyevin bu siyasətini onun davamçısı Cənab İlham Əliyev həyata keçirir. 44 günlük II Qarabağ müharibəsində Ali Baş Komandanın düzgün siyasəti nəticəsində Şanlı Azərbaycan Ordusu tarix yazdı. 30 ilə yaxın işğalda olan ərazilərimiz azad olundu.
Bu ilki Novruz bayramı yaddaşlardan silinməyəcək. Cənab Prezident Novruz tonqalını Azərbaycanın mədəniyyət paytaxtı Şuşada alovlandırdı. Bu tarixi hadisədir. İşğaldan azad olunmuş torpaqlarda təmir-bərpa və quruculuq işləri aparılır. Hamımız o torpaqlara tezliklə qayıdacağımız günü səbirsizliklə gözləyirik.
Fikriimi Oğuz elinin ağsaqqalı Dədə Qorqudun sözləri ilə bitirirəm: Torpağı qorumursansa, onu əkib becərməyə dəyməz. Torpağı əkib becərmirsənsə, onu qorumağa dəyməz.
Reyhan Əliyeva,
Xocalı rayon Əhməd Cavadov adına Cəmilli kənd tam orta məktəbin müəllimi
Paylaşın:

Azərbaycan xalqının ümummilli lideri Heydər Əliyev

         Bu gün müstəqilliyimizin bərpası və qorunub saxlanılması, torpaqlarımızın bütövlüyü uğrunda atılan mühüm addımlar, dövlətimiz tərəfindən aparılan uğurlu islahatlar, əhalinin güzəranının yaxşılaşmasına xidmət edən uğurlu amillərdəndir. Dövlətçiliyimizin azadlığı və müstəqilliyinin qorunub saxlanılması və inkişaf etməsi bir sıra çətin yollar hesabına başa gəldi.

         Bu yolda xalqımızın bir çox ləyaqətli övladları ölkəmizin müstəqilliyi, onun yenidən itirilməməsi uğrunda öz canılarını qurban verdilər. Müstəqilliyimizin əldən verilməsi xarici deyil, daxildən də canfəşanlıq edənlər az deyildi. Bir tərəfdən erməni daşnaqların işğalçı, təcavüzkar siyasəti digər tərəfdən dövlətçiliyimizi parçalamaya cəhd göstərən xarici qüvvələrin planları ilə onlara qoşulan, dedikləri ilə oturub duran yerli cinayətkarların özbaşınalığı müstəqilliyimizi ciddi təhlükə qarşısında qoyurdu. Bu olaylarla əlaqədar Ulu Öndər Heydər Əliyiev 1995-ci il martın 15-də Azərbaycan dövlət televiziya və radiosu ilə xalqa müraciət etdi. Tarixi müraciətində Vətənimizə, müstəqilliyimi qarşı olan təzyiqlərin təkcə ayrı–ayrı dairələrin təzyiqi olmadığını vurğulamışdı. Təəssüf ki, Azərbaycanın öz içərisindən çıxan adamların, vəzifə hərislərinin dövlət müstəqilliyimizə zərbə vurmaq cəhdləridir. Ulu Öndər bu cəhdlərin qarşısını vaxtında öz müdriklüyü, uzaqgörənliyi və qətiyyəti ilə almağa nail oldu. 1995-ci il mart hadisələrinin törədilməsində qanlı olayın vətəndaşların narahatçılığına səbəb olmasında Cavadov qardaşlarının və onların xarici, daxili havadarları xüsusi canfəşanlıq göstərirdilər. Onlar xüsusi təyinatlı Polis dəstələrindən istifadə edərək öz çirkin, məkirli çevriliş xislətini reallaşdırmağa cəht göstərirdilər. Lakin onların bu bəd, çirkin, xəyanətkar əməlləri baş tutmadı. Ulu Öndər Heydər Əliyev uğurlu və uzaqgörən siyasəti sayəsində dövlətimiz sülh və əminamanlıq şəraitində inkişaf edir.

Solmaz Hüseynova,

Xocalı rayon ziyalısı

Paylaşın:

Müstəqil dövlətçiliyimizin qarantı sayılan Ümummilli Lider Heydər Əliyev

        1993-cü il oktyabrın üçündə Azərbaycan xalqı Ümummilli Lider Heydər Əliyevi alternativ əsasla səs çoxluğu ilə Azərbaycan Respublikasının Prezidenti seçdi. Bundan sonra dövlət müstəqilliyimizi möhkəmləndirmək və inkişafı naminə çox böyük işlər həyata keçirildi. Əvvəlki iqtidarın ordu quruculuğu ilə demək olar ki, məğul olmaması nəticəsində hərbi hissələr siyasiləşmiş müxtəlif qüvvələrin təsiri altına düşmüşdür. Ölkədə olan ictimai-siyasi sabitliyi pozmaq, xalq iqtidar birliyinin qarşısını almaq, hakimimiyyətə silah-güc yolu ilə gəlməyə çalışan bəzi pozucu qüvvələr 1995-ci ilin Martında yenidən dövlət çevrilişi etməyə cəhd göstərdilər. Mart ayının 13-də Xüsusi Təyinatlı Polis Dəstəsi əməkdaşları Ağstafa və Qazax rayonlarında dövlət idarələrini ələ keçirdilər. Bakı da isə Rpvşən Cavadov prezidentin və Ali Sovet sədrinin istefası tələbi ilə  çıxış etdi. 8-ci kilometr qəsəbəsində məskən salan qiyamçılar iqtidarın silahları könüllü təhvil vermək tələbinə məhəl qoymayıb hökümət idarələrini və Prezident Sarayını ələ keçirmək üçün şəhər istiqamətində hücuma cəhd etdilər. Hökümət qüvvələrinin çevik əməliyyatları nəticəsində onların qarşısı alındı. Azərbaycanı siyasi böhrandan çıxarmağa və dövlətçiliyimizi məhv olmaqdan xilas etməyə qadir olan yeganə şəxsiyyət, böyük siyasətçi və dövlət xadimi Heydər Əliyev idi. Xalqımızın Ümummilli Lider Heydər Əliyevin ətrafında sıx birləşərək onu dəstəkləməsi, inam və etimad göstərməsi işıqlı gələcəyin yalnız onunla mümkünlüyünün mövcudluğu öz növbəsində dövlət çevrilişinə yönələn cəhdin  qarşısının alınmasında mühüm rol oynadı. Ölkə Prezidenti, Ali Baş Komandan İlham Əliyev daxili və xarici siyasət sahəsində Heydər Əliyev kursunu inamla davam etdirərək Azərbaycanın ictimai, siyasi, sosial-iqtisadi və mədəni inkişafında yeni bir mərhələnin başlanğıcını qoydu. Azərbaycanda hüquqi dövlət quruculuğu və vətəndaş cəmiyyətinin yaradılması istiqamətində mühüm addımlar atdı. 27 sentyabr 2020-ci il tarixdən başlayaraq Ali Baş Komandan İlham Əliyev komandanlığı altında aparılan 44 günlük əks-hücum əməliyyatları nəticəsində torpaqlarımız işğaldan azad edildi, ərazi bütövlüyümüz təmin edildi. Artıq dünyada yeni bir reallıq yarandı. Ölkə Prezidenti Cənab İlham Əliyev Azərbaycanı Cənubi Qafqazın lider dövlətinə çevirməyə nail oldu. Xalqın inam və etimadını doğrultdu.

Akif Rüstəmov,

Xocalı rayon ziyalısı

Paylaşın:

Şuşaya aparan “Zəfər Yolu" qürur yolumuzdur!

        30 il müddətində düşmən tapdağında olan torpaqlarımızı azad etmək, o gözəl yerlərə bir daha qayıtmaq Ölkə başçısından sadə vətəndaşa qədər hər kəsin ən böyük arzusu olub. 44 günlük müharibənin nəticəsi Azərbaycan xalqına bu sevinci yenidən yaşatdı. İllərlə əsirlikdə olan torpaqlarımız Ölkə başçısının düzgün siyasəti və müzəffər ordumuzun qüdrəti sayəsində düşməndən azad olundu. Azərbaycan dövləti dünya dövlətlərinə haqlı olduğunu bir daha sübut etdi. 

        Azərbaycan Respublikası Prezidenti İlham Əliyevin və xanımı Mehriban Əliyevanın işğaldan azad olunmuş ərazilərimizə tez-tez səfər etmələri, bu ərazilərdə artıq başlanmış bərpa işləri ilə mütəmadi olaraq maraqlanmaları, tezliklə azad olunmuş şəhər və kəndlərimizin yenidən canlanacağından xəbər verir. 

        Ölkə başçısı İlham Əliyev, Birinci xanım Mehriban Əliyeva və qızları Leyla Əliyeva martın 15-də Füzuli və Xocavənd rayonlarında oldular. Əvvəlcə Prezident İlham Əliyev Füzuli-Hadrut avtomobil yolunun təməlini qoydu. Uzunluğu 13 kilometr olan bu yol başlanğıcını Zəfər yolundan götürür və 4 hərəkət zolaqlı olacaq. Yol boyunca yeni körpülər inşa ediləcək. 

        Sonra Ölkə başçısı və ailə üzvləri Xocavənd rayonunda və Xocavənd rayonun Edilli, Ağbulaq kəndlərində oldular. 

        Prezident İlham Əliyev  Hadrut-Cəbrayıl-Şükürbəyli yolunun təməlini qoydu. 

        Sonra Azərbaycanın qədim kəndləri olan Tuğ kəndinə və Azıx kəndinə gəldilər. Tuğ kəndində dağıdılmış məktəb binası və evlərlə yaxından tanış oldular. 

        Martın 16-da Prezident İlham Əliyev, Birinci xanım Mehriban Əliyeva və qızları Leyla Əliyeva Şuşa şəhərində oldular. Prezident Vaqifin məqbərəsində tezliklə bərpa işlərinin başlanacağını və məqbərənin əvvəlki görkəminin qayıdacağını qeyd etdi. Molla Pənah Vaqifin muzey-məqbərə kompleksinin, Karvansaray tarix-memarlıq kompleksinin, Şuşa Dövlət Rəsm Qalereyasının binasının, Qarabağ mehmanxanasının və Şuşada olan bulaqların yenidən bərpası üçün tapşırıqlar verdi. 

        Daha sonra Prezident və ailə üzvləri Şuşanın Daşaltı kəndinə gəldilər. Müzəffər ordumuz Daşaltı kəndinin sıldırım qayalarından qalxaraq Şuşaya daxıl olmuşdular.

        Artıq bu yerlərin hər biri Azərbaycanın ayrılmaz tərkib hissəsidir. Bundan sonra Azərbaycan xalqı bu torpaqlarda əbədi yaşayacaq.

        Allah Prezidentimizi, xalqımızı və cəsur ordumuzu qorusun!

       Allah Şəhidlərimizə rəhmət eləsin! 

Vəsilə Quliyeva,

Xocalı rayonundan məcburi köçkün

Paylaşın:

1995-ci il Dövlət çevrilişi cəhdinin qarşısı müdriklik və qətiyyətlə alındı

        1995-ci ilin mart hadisələrindən 26 il keçir. Hər il ölkəmizə Novruz bayramı qədəm qoyanda o illərin acı hadisələri bir anlıq da olsa göz önünə gəlir, hakimiyyəti silahlı yolla ələ almaq istəyənlərin xəyanətkar əməlləri yada düşür. Dərhal da düşünürük: “Nə yaxşı ki, həmin dövrdə ölkəyə dövlət idarəçiliyində zəngin təcrübəsi olan Heydər Əliyev kimi, böyük tarixi şəxsiyyət rəhbərlik edirdi. Onun uzaqgörənliyi və qabiliyyəti xəyanətin qarşısını aldı, dövlət çevrilişi baş tutmadı, müstəqilliyimiz daha da möhkəmləndirildi, əbədi oldu.”

     Ümumilli Lider Heydər Əliyevin xalqın təkidli tələbi ilə hakimiyyətə yenidə gəlişindən sonra müstəqil Azərbaycanın tədricən beynəlxalq aləmdə mövqelərini möhkəmləndirilməsi hakimiyyəti ələ keçirmək istəyən bəzi qüvvələrin qısqanclığına səbəb olmuşdu. 1994-cü ilin sentyabrında “Əsrin müqaviləsi” imzalandıqdan sonra ölkəmizin dünya miqyasındakı nüfuzu daha da artdı. Azərbaycan üçün həyati əhəmiyyəti olan bu müqavilə həm Respublikanın daxilində sabitliyin bərqərar olunmasında, həm də xarici siyasətdə uğurların əldə edilməsində müstəsna rol oynadı. Bu inkişafı gözügötürməyən qüvvələr həmin ilin oktyabrında dövlət çevrilişi etməyə cəhd göstərsələr də, son anda Ümumilli Lider H. Əliyev qətiyyəti qarşısında təslim oldular. Sən demə, bu xəyanətkar qüvvələr pusquda dayanıb yeni bir məqam gözləyirmiş. Onların birinci xəyanətkarlığı ifşa edildikdən sonra həmin qüvvələr bundan nəticə çıxarmaq əvəzinə növbəti xəyanətkarlıq barədə düşünürmüşlər. Onlara, xüsusilə də bu antidövlət kampaniyasında fəallıq göstərən Xüsusi Təyinatlı Polis dəstəsinə rəhbərlik edən Mahir və Rövşən Cavadov qardaşları 1995-ci ilin martında yenidən öz çirkin niyyətlərini həyata keçirməyə başladılar. 1995-ci ilin mart hadisələrinin qarşısı qətiyyətlə alındıqdan sonra Xalqa bir daha bəyan oldu ki, Ümumilli Lider H. Əliyev kimi, bir şəxsiyyəti hakimiyyətə gətirməklə həm öz gələcəyini, həm də Azərbaycanı xilas edib. Bundan sonra Azərbaycanın müstəqilliyini daha da möhkəmləndirildi və əbədi oldu. 

      Bu günkü Zəfərlərimizin də təməli məhz həmin tarixi hadisələrin imtahanlarından üzüağ çıxmağımızdan keçib gəlir. Məhz bu tarixi keçmişdən ibrət dərsi alaraq Dövlətimizin, Prezidentimizin ətrafında həmişə sıx birləşməyi bacarmalı, yeni uğurların qazanılması üçün yalan vədlərə, başqa dövlətlərə xidmət göstərən “milləti müdafiə edənlərə” inanmamalıyıq.

Kamil Məhərrəmov,

Xocalı rayon sakini

Paylaşın:

Qarabağ qısa müddətdə bərpa ediləcək

      Müzəffər Ali Baş Komandanımız doğma Qarabağımıza qalib sərkərdə kimi qədəm qoydu. Cənab Prezidentimizin mütamadi olaraq işğaldan azad edilmiş rayonlara səfər etməsi dövlət başçısının bu məsələlərə nə dərəcədə həssas yanaşdığının sübutudur.

     Dövlət başçımızın işğaldan azad edilmiş bütün şəhər və rayonların baş planlarının hazırlanması barədə tapşırıqları və qeydləri onun bu ərazilərə və bu Vətən torpaqlarında yaşayacaq vətəndaşlarımıza  diqqət və qayğısının təcəssümüdür. Cənab Prezidentimiz bu səfəri zamanı daha bir yeni yolun - Füzuli-Hadrut avtomobil yolunun inşasının təməlini qoydu və bu ərazilərin həm Vətən müharibəsi dövründə, həm də gələcəkdə əhəmiyyətini xüsusi olaraq, qalib bir hərbçi-komandan, dahi bir strateq kimi vurğuladı. Qeyd etdi ki, bir neçə avtomobil yollarının layihəsi icra edilməkdədir.  Füzulidən –Şuşaya Zəfər Yolu çəkilir. Həyatımızda yeni bir dövr başlayır, quruculuq, inkişaf dövrü başlayır. Bu bizim hamımızı sevindirir.

    Cənab Prezident səfəri zamanı bunu da qeyd edib ki, baxmayaraq ki, müharibədən cəmi 4 ay vaxt keçib, böyük quruculuq işlərinə start verilib və mərhələlərlə bu işlərin görülməsinə artıq başlanılıb.

    Biz Azərbaycan vətəndaşı olaraq əminik ki, necə ki düşməni qısa müddət ərzində torpaqlarımızdan qovduq-cəmi 44 gün ərzində, dədə-baba torpaqlarımız olan Qarabağ da qısa müddətdə bərpa ediləcək və 30 il əvvəl doğma torpaqlarından didərgin düşən insanlar yaxın gələcəkdə Böyük Qayıdışla öz ata-baba yurdlarına, ev-eşiklərinə geri dönəcəklər. O yurd yerləri yenə də əvvəlkindən daha gözəl olacaq, cənnətə çevriləcək, ən əsası Şanlı Azərbaycan dövlətinin inkişafında öz yeraltı və yerüstü sərvətləri ilə, ağıllı-savadlı, mədəni insanları ilə, qurub-yaradan insanları ilə yaxından iştirak edəcək, bu yolda böyük dəstək verəcək.

    Biz bu günləri bizlərə yaşadan Müzəffər Ali Baş Komandanımıza, qələbədən-qələbəyə şücaətlə addımlayan Şanlı Ordumuza, bu yerləri qanları ilə təkrar olaraq Vətənə - müqəddəs and yerimizə çevirən Şəhidlərimizə minnətdarıq. Ulu Yaradan Prezidentimizi, Ordumuzu, Dövlətimizi, Xalqımızı qorusun. Şəhidlərimizə isə Allahdan rəhmət diləyir, ruhları qarşısında hər zaman baş əyirik! 

Şəhriyar Məmmədov, 

Xocalı rayonundan məcburi köçkün

Paylaşın:

Novruz bayramı tonqalı bütün işğaldan azad olunmuş torpaqlarımızda alovlanacaq

        Ali​ Baş​ Komandan, Prezident​ ​ Cənab​ İlham​ Əliyevin​ rəhbərliyi​ altında Azərbaycan​ Ordusu​ ​ 44​ günlük​ Vətən​ müharibəsində​ düşmənə​ ağır​ zərbə​ vuraraq​ torpaqlarmızdan​ qovdu. Çox​ şükür​ ki,​ Vətənin​ cəsur​ oğulları​ və​ Ali​ Baş​ Komandan​ İlham​ Əliyevin​ qətiyyəti​ sayəsində ​həsrət sona​ yetdi,​ ​torpaqlarmızdan​ düşmən​ ​ tamamilə​ təmizləndi, öz​ ​ qələbəmizi​ qürurla​ qeyd​ etdik. Prezident​ Cənab​ İlham​ Əliyev​ vədinə​ sadiq​ qalaraq​ Ata​ Nəsihətini​ yerinə​ yetirdi, indi​ Ulu​ Öndər​ Heydər​ Əliyevin​ və​ Qarabağ​ nisgili​ ilə​ öz​ haqq​ dünyasına​ qovuşan​ insanların, bütün Şəhidlərimizin​ ruhu​ şaddır. Prezident​ İlham​ Əliyev​ hər​ birimizin​ çox​ gözəl​ yadında​ ​ qalan​ bir​ qələbə​ xəbərini​ ​ Şəhidlər​ Xiyabanına​ gələrək​ belə​ ​ demişdir​ “Əziz​ Şuşa​ sən​ azadsan!”,​ bu​ xəbər​ hər​ bir​ Azərbaycanlının​ qəlbində​ böyük​ ​ sevinc​ və​ qürur​ doğurmuşdur. Qeyd​ edim​ ki,​ Prezident​ İlham​ Əliyev​ ilk​ dəfə​ yanvarın​ 15​-də​ Şuşa​ şəhərinə​ səfər​ edib,​ burada​ icra​ ediləcək​ lahiyələrlə​ bağlı​ ​ tapşırıq​ və​ tövsiyyələrini​ ​ verib, həmçinin​ bir​ sıra​ vacib​ mesajlar​ və​ bəyanatlar​ səsləndirib. Dövlət​ ​ ​ başçısı​ bu səfərində​ açıq​ bəyan​ edib​ ki,​ Şuşa​ tarixən​ Azərbaycan​ şəhəri​ olub​ və​ bundan​ sonra​ azərbaycanlılar​ bu​ şəhərdə​ əbədi​ olaraq​ yaşayacaqlar. Öz​ gözəlliyi​ və​ cazibədarlığı​ ​zəngin​ mədəniyyət​ mərkəzimiz​ olan​ musiqi​ beşiyimiz​ sayılan​ Şuşa​ şəhərini​ ​28​ il​ ərzində​ erməni​ ​ vandalları​ vəhşicəsinə​ dağıntıya​ məruz​ qoyaraq,​ şəhərin​ maddi-mədəniyyət​ nümunələrini​ ​ dağıtaraq​ milli-mənəvi​ dəyərlərmizi​ zəngin​ sərvətimizi​ ​ tamamilə​ talamışdır.

        Prezident​ ​ İlham​ Əliyev,​ birinci​ xanım​ Mehriban​ Əliyeva​ və​  qızları​ Leyla​ Əliyeva martın​ 16​-da​  növbəti​ dəfə​ Şuşa​ şəhərində​ olublar. Prezident​ İlham​ Əliyev​ Şuşa​ şəhərinə​ səfəri​ zamanı​ ​ qeyd​ etdiyi​ kimi​ “Şuşa​ şəhəri​ ​ dünyanın​ ən​ gözəl​ şəhərinə​ ​ çevriləcəkdir. Biz​ Şuşanı​ yenidən​ dirçəldəcəyik​!”​ deməsi​ bir​ daha​ ​ şəhərin​ yenidən​ bərpasına​ artıq​ ​ başlanılmışdır. Hazırda​ Heydər​ Əliyev​ Fondunun prezidenti Mehriban​ Əliyevanın​ rəhbərliyi​ ilə​ Vaqifin​ muzey-məqbərə​ ​ kompleksi​ ​Fondun​ hesabına​ ​ və​ ​ yeni​ lahiyə​ əsasında​ pərpa​ ediləcək. Prezident​ İlham​ Əliyevində​ bildirdiyi​ kimi​ Vaqifin​ ​ məqbərəsi​ əvvəlki​ görkəmi​ bərpa​ ​ ediləcək,​ önündə​ isə​ Vaqifin​ büstü​ qoyulacaq.​ ​

        Ölkə​ Başçısı​ arxivdən​ əldə​ etdiyi​ 38​ il​ bundan​ öncə​ Şuşada​ ​ Ulu​ Öndər​ Heydər​ Əliyevlə​ birgə​ olarkən​ çəkilmiş​ fotoları​ ​ ​ nümayiş​ etdirərək​ erməni​ vandallarının​ öz​ gözəlliyi​ ilə​ Şuşaya​ gələn​ hər​ kəsi​ heyran​ qoyan​ şəhəri​ bəbərba vəziyyətə​ ​ ​ salan​ erməni vandallarını​ ​ vəhşiliyini​ qeyd​ etdi​ və​ bildirdi​ ki,​ ​ vəhşi​ düşmən​ şəhəri​ tamamilə​ ​ dağıdıb​ viran​ edilmişdir.Tezliklə​ Şuşada​ Ağa​ Gövhər​ Ağa​ və​ Yuxarı​ Gövhər​ Ağa​ məscidlərinin​ tarixi​ görkəminin​ bərpasına​ ​ başlanılacaqdır. Şuşanın​ işğalı​ dövründə​ dağıntıya​ məruz​ qalan​ abidələrdən​ biri​ də​ Qarabağ​ ​ xanlığının​ banisi​ Pənahəli​ xanın​ sarayıdır. Həmçinin​ öz​ bulaqları​ ilə​ məhşur​ olmuş​ şəhərin​ bulaqların​ əvvəlki​ fəaliyyəti​ ​ bərpa​ ediləcəkdir. Şəhərin​ ən​ məşhur bulaqlarından​ biri​ Natavan​ bulağıdır. Bu​ bulaqda​ ​ ​ Heydər​ Əliyev​ Fondunun​ vəsaiti​ hesabına​ və​ yeni​ lahiyə​ əsasında​ ​ bərpa​ ediləcəkdir.

        Erməni​ ​vandalizminin​ ağır​ ​ nəticələrini​ özündə​ əks​ etdirən​ tarixi​ abidələrdən​ biri​ də​ ​ Şuşa​ şəhərinin​ mərkəzi meydanında​ ​ yerləşən,​ XIX​ əsrə​ aid​ ​ Karvansaray​ ​tarix-memarlıq​ ​ kompleksidir. Bu​ abidənin​ bərpasına​ artıq​ başlanılmışdır.

        Bu​ abidələrlə ​yanaşı, ən​ çox​ dağıntıya​ məruz​ qalan ​ abidələrdən​ biri də​ Şuşa​ Dövlət​ Rəsm​ Qalereyasının​ binasıdır. Tikili​ yenidən​ bərpa​ olunaraq​ ​ tezliklə​ istifadəyə​ veriləcəkdir.

       Füsunkar​ təbiəti​ zəngin​ mədəniyyəti​ ilə​ seçilən​ Şuşa​ şəhərində​ turizmin​ inkişafı​ ​ üçün​ ılveriçli​ ​ imkanların​ olduğunu​ qeyd​ edən​ Prezident​ İlham​ Əliyev​ burada​ səfərdə​ olarkən​ bildirdi​ ki,​ ən​ müasir​ otellər​ ​ Şuşada​ ​ turistlər​ üçün​ fəaliyyət​ göstərəcəkdir.

        Vaxtı​ ilə​ ötən​ əsrin​ əvvəllərində​ inşa​ edilmiş​ “Qarabağ”​ mehmanxanası​ tamamilə​ yararsız​ hala​ salınmış​ erməni​ vandalları​ buranı​ otel​ kimi​ ​ istifadəyə​ vermişdi. Tezliklə​ ​ dünyanın​ ən​ gözəl​ şəhərlərindən​ birinə​ çevriləcək. Şuşa​ həm də​ xarici​ ​ turistlərin​ diqqətini​ cəlb​ edəcəkdir. Hazırda Qarabağ​ ​ xalçalarının​ toxunduğu​ ​ Şuşa​ Xalça​ Muzeyi​ ​bərpa​ edilir. Məhz​ Prezident​ Cənab​ İlham​ Əliyev​ ​ işğaldan​ azad​ edilmiş​ Şuşaya​ səfəri​ zamanı​ Xocavənd​ rayonunda​ olarkən​ Prezident​ İlham​ Əliyev​ Xocavənddə​ keçmiş​ Harut​ rayonuna,​ qədim​ yaşayış​ məskəni​ olan​ Tuğ,​ Azıx,​ eləcədə​ Edilli, Düdükçü​ ​ kəndlərinə​ səfər​ edərək​ bu​ torpaqların​ qədim​ Azərbaycanlılara​ məxsus​ olduğunu​ bildirmiş​, həmçinin​ qeyd​ Prezident​ İlham​ Əliyev​ qeyd​ etmişdir​ ki, ”Şuşa​ əməliyyatının​ uğurlu​ keçirilməsi​ üçün​ Harutun​ azad​ edilməsi​ önəmli​ idi”.

        “Biz​ gələcəyə​ nikbin​ baxırıq​ “​ deməsi​ ilə​ hər​ bir Azərbaycanlının​ qəlbində​ ​ qürur​ hissi​ ​ doğuran​ xalqın​ arzusunu​ ​ yerinə​ yetirən​ vətənin​ xilaskar​ oğlu​ Prezident​ Cənab​ İlham​ Əliyevin​ sayəsində​ Qarabağ​ yenidən​ dirçəlir,​ bu​ dirçəliş​ ​ tezliklə​ ​ böyük​ qaydışla​ ​ əvəzlənərək​ doğma​ sakinlər​ ​ öz​ yurd​ yerlərinə,​ Vətənlərinə​ qovuşacaqdı. İndi​ Qarabağın​ hər​ şəhəri​ hər​ kəndi​ ​ öz​ doğma​ ​ sahiblərinin​ yolunu​ gözləyir. Tanrıya​ çox​ şükür​ ki,​ bundan​ sonra​ Prezident​ Cənab​ İlham​ Əliyevin​ sayəsində​ işğaldan​ azad​ olunmuş​ torpaqlarmızda​  

        Novruz​ tonqalları​ yanacaq​ hər​ kəs​ öz​ yurd​ yerində​ şad-xürrəm​ yaşayacaq​ və​ əbədi​ olaraq​ ​ bu​ torpaqlarda​ üçrəngli​ ay​ ulduzlu​ ​ bayrağımız​ dalğalanacaq. Qarabağı​ bizə​ qaytardığı​ üçün​ Prezidentimiz​ İlham​ Əliyevə​ Azərbaycan​ Ordusuna​ ​ mminəttdarıq. Vətən​ uğrunda​ Şəhid​ olmuş​ oğullarımızın​ ruhu​ qarşısında​ baş​ əyirik.

Paylaşın:

Dövlətimizə qarşı düşünülmüş təxribatçı cəhdlər hər zaman məğlubiyyətə düçar olmuşdur

        Ümummilli lider Heydər Əliyevin 1993-cü ildə xalqın tələb və təkidi ilə hakimiyyətə gəlişi nəticəsində ölkədə baş verən xaotik vəziyyət aradan qalxdı, vətəndaş qırğının qarşısı alındı. Erməni təcavüzkarlığının vüsət aldığı vaxtda, ölkə daxilində də xain qüvvələr daim təxribatçı hərəkətlərini davam etdirirdi. Belə bir çətin şəraitdə xalqın xilaskar oğlu Ulu Öndər Heydər Əliyev öz xalqının dəstəyinə inanaraq hakimiyyətə qayıdaraq müstəqil Azərbaycan dövlətinə qarşı təxribat niyyətinə düşənlərə qarşı tədbirlər gördü. 

        1994-1995-ci illərdə Rövşən və Mahir Cavadovlar çirkin bir yol seçərək Ölkə Prezidentinə qarşı terror aktı hazırlamağa göstəriş almış və onlar cinayətkar əməllərə əl atmışlar. Həmin tarixdə çirkin fəaliyyətlərə Xətai rayon prokuroru vəzifəsində çalışan Mahir Cavadov və Daxili İşlər Nazirliyi nəzdində Xüsusi Təyinatlı Polis Dəstəsinə rəhbərlik edən, eyni zamanda, nazir müavini vəzifəsini daşıyan Rövşən Cavadov qardaşları rəhbərlik edirdilər. Silah gücünə hakimiyyətə gəlməyə cəhd edən bu təxribatçı insanların günahsız insanların qanını tökmək yolunu seçməsi onların mənfur niyyətlərini göstərirdi. 1994-cü ilin oktyabr hadisələrindən sonra Ümummilli lider tərəfindən əfv edilən Rövşən Cavadov 1995-ci ilin martında çirkin əməllərini davam etdirdi. Xaricdən düşmən qüvvələrdən və daxildəki, AXCP-Müsavat cütlüyünün dəstəyindən yararlanan Rövşən Cavadov pul hesabına düşünülmüş bir şəkildə dövlətçiliyimizə qarşı təhlükə yaratmaqdan əl çəkmədi. O zaman müdrik siyasətçi Ulu öndər cinayətkar dəstəyə müraciət edərək bu əməllərindən, cinayətkar niyyətlərindən əl çəkmələrini, bu yoldan çəkinmələrini tövsiyyə etdi. Bildirdi ki, tökdüyünüz qanlar, etdiyiniz cinayətlərə son qoymağın vaxtı gəlib çatıb: "Ümumiyyətlə dəstəyə və Rövşən Cavadova deyirəm; Bu cinayətkar əməllərinizdən əl çəkin, təslim olun! Silahlar bu gün təhvil verilməli, oradan çıxıb hərə öz yerinə getməli, təslim olmalıdır. Dövlətlə dövlətçilik etmək olmaz. 

     Xalqımız bir daha Ulu öndər Heydər Əliyev siyasətini dəstəklədiyini bəyan edərək onun ətrafında sıx birləşdiyini nümayiş etdirdi. Tarixi şəxsiyyət Heydər Əliyevin müdrikliyi sayəsində dövlət çevrilişi cəhdinin qarşısı alındı. Ulu öndər Heydər Əliyevin dövlət idarəçiliyindəki zəngin təcrübəsi, xalqına, Vətəninə, millətinə olan sonsuz məhəbbəti, qətiyyəti, uzaqgörənliyi sayəsində Azərbaycanda ictimai-siyasi sabitlik qorunub saxlanıldı.

     Bu gün Prezident İlham Əliyev Ulu öndərin siyasi xəttinə uğurla davam etdirir. Onun həyata keçirdiyi elmi əsaslara söykənən xarici və daxili siyasət nəticəsində respublikamız Cənubi Qafqaz regionunun lider dövlətinə, güc mərkəzinə çevrildi. 

Rahilə Əliyeva,

Xocalı rayon ziyalısı

Paylaşın:

Xalqın xilaskar lideri

         Hər bir xalqın tarixində onun xilaskarı və müdafiəçisi olmuşdur. Lakin Azərbaycan xalqının qismətində nadir şəxsiyyətlər sırasında birinci olan Heydər Əliyev düşmüşdür. O, elə bir şəxsiyyət olmuşdur ki, dünyanın sülhsevər xalqları da onun ağıllı məsləhətlərindən bəhrələnmişdir. Bədnam ermənilərin Mixail Qarbaçov vasitəsi ilə Heydər Əliyevin keçmiş Sovetlər İttifaqının siyasi bürosundan istefasına nail olmaları təkcə Azərbaycan xalqının deyil, həm də o vaxtkı İttifaq respublikalarının bir çoxunun xalqları üçün itki oldu. Lakin Ulu Öndər bütün haqsızlıqlara sinə gərərək​ 1990-cı il 20 yanvar hadisələrinə qarşı haqq səsini qaldırdı. Sovet İttifaqının saxlanması üçün keçirilən referendumun Naxçıvanda baykod etməklə xalqı haqqa səsə verməyə çağırdı. 1995-ci ildə Azərbaycan xalqı xarici kəşfiyyat orqanlarının vasitəsilə Cavadov qardaşları tərəfindən qardaş qırğınının qarşısını aldı. Xaricdən Azərbaycanın daxilinə nüfuz edib onu parçalamaq, varlığına son qoymaq istəyən qüvvələr yanıldıqlarıını hiss edib geriyə çəkildi. Bu Heydər Əliyev və xalq birliyinin nümunəsi idi.

Çinarə Mirzəyeva,

Xocalı şəhər 1 saylı tam orta məktəbin müəllimi 

Paylaşın:

Dünyanı erməni faşizmindən xilas edən siyasi lider

        Azərbaycan dövlətçiliyinin yox olmaq təhlükəsindən xilas edən Ümummilli lider Heydər Əliyev 2003-cü ildə “mən İlhama özüm kimi inanıram” deyəndə əlbəttə yanılmamışdır. Həmin ildən prezident seçilən İlham Əliyev istər xarici, istər ölkə daxili səfərlərində Azərbaycan xalqının sülhsevər xalq olduğunu vurğulamışdır. Lakin işğalda olan torpaqların bir qarışını da güzəştə getməyəcəyik demişdir. Xalqın maddi rifah halının yüksəldilməsi, ordu quruculuğuna önəm verməsi torpaqlarımızın işğaldan azad edilməsi​ ilə nəticələndi. Ermənilərin dünyada riyakarlığını təsdiqləyən Prezident İlham Əliyev Gürcüstana Cavxetiyada, Rusiyaya Şimali Qafqazda erməni faşizmindən ehtiyatlı olmağı xatırlatdı.

         Cənab Prezident Birinci vitse-prezident və Heydər Əliyev Fondunun prezidenti Mehriban xanım Əliyeva ilə birlikdə Füzuli və Xocavənd rayonlarına səfər etdi. Bu səfər mart ayının 15-də baş tutmuşdur. Səfər zamanı onlar qədim yaşayış məskəni olan Azıx mağarasında, qədim Alban məbədində, Tuğ kəndində olan yaşayış evləri və məktəbdə erməni vandallarının​ vəhşi izlərini media vasitəsilə dünya ictimaiyyətinin diqqətinə çatdırmışdır. Müzəffər Ali Baş Komandan İlham Əliyev səfər çərçivəsinə Şuşa şəhərini də ziyarət etdi.​ Cənab Prezident başda olmaqla səfər iştirakçıları​ Şuşanın və başqa ərazilərin tez bir zamanda bərpa olunacağını qeyd etdilər. Şuşanın, Daşaltının, Hadrutun və başqa yaşayış məntəqələrinin təbiətinə heyran olan Ali Baş Komandan Bakıya qayıdarkən sanki bu gözəllikdən ayrılmaq istəmirdi. Bu şərəfli və məsuliyyətli, zəfər dolu işlərdə Ali Baş Komandana uğurlar diləyirik.

Nəcəf Həsənov,

Xocalı şəhər sakini

Paylaşın:

Vətən Müharibəsi şəhidi Elnur Məmmədovun ailəsi ziyarət edildi

      Xocalı rayon İcra Hakimiyyətinin başçısı Şahmar Usubovun müvafiq sərəncamına əsasən, qazi və şəhid ailələri mütəmadi olaraq ziyarət edilir, onların problemləri ilə maraqlanılır. 

        Bu gün Vətən Müharibəsi şəhidi, "Vətən uğrunda" və "Kəlbəcərin azad olunmasına görə" medalları ilə təltif edilmiş Elnur Məmmədovun Gəncə şəhəri ərazisində salınmış 600 ailəlik qəsəbədə məskunlaşmış ailəsi, Xocalı rayon İcra Hakimiyyəti yanında İctimai Şuranın sədri Qalib Quliyev və Xocalı rayon Kosalar kənd tam orta məktəbi kollektivinin bir qrup üzvü tərəfindən ziyarət edildi. Görüş zamanı şəhidimizin ailə üzvlərinə başsağlığı verildi. Bildirildi ki, torpaqlarımızın ərazi bütövlüyü uğrunda canlarından keçən bütün şəhidlərimizin ruhu xalqımız üçün əzizdir. Onların ailə üzvlərinə dəstək olmaq, köməklik göstərmək hər birimizin borcudur. 

        Qeyd edək ki, şəhidimizin bizlərə yadigar qalan övladları - Vahid və Yusif Xocalı rayon Kosalar kənd tam orta məktəbində təhsil alırlar. Onların təhsilinə məktəb rəhbərliyi tərəfindən daim diqqət və qayğı göstərilir.




Paylaşın:

YAP-ın VII qurultayı ölkəmizin ictimai-siyasi həyatında önəmli hadisədir

        Mart ayının 5-də Yeni Azərbaycan Partiyasının VII qurultayı keçirilib. Qurultayın
açılışında Vətən müharibəsi şəhidlərinin xatirəsi 1 dəqiqəlik sükutla yad olundu. Allah bütün şəhidlərimizə rəhmət eləsin! Sonra dövlətimizin başçısı, Yeni Azərbaycan Partiyasının Sədri İlham Əliyev qurultayda çıxış etdi. Prezident İlham Əliyev bildirdi ki, partiyamızın VI qurultayından üç il ötür. Bu illər ölkəmiz üçün, bölgəmiz üçün həlledici illər olmuşdur. Üç il ərzində ölkə həyatında bir çox önəmli hadisələr baş vermişdir. Təbii ki, onların arasında ən önəmlisi ərazi bütövlüyümüzün bərpa edilməsi, Vətən müharibəsində parlaq Qələbənin qazanılmasıdır. Azərbaycan öz ərazi bütövlüyünü bərpa etdi, tarixi ədaləti bərpa etdi, işğalçıları əzəli torpaqlarımızdan qovdu və beləliklə, tarixi ədalət bərpa olundu. Bizim şanlı Qələbəmiz qürur mənbəyimizdir. Bu gün bizim Qələbəmiz dünyanın aparıcı ölkələrinin aparıcı ali məktəblərində öyrənilir. Azərbaycan xalqı birlik, həmrəylik göstərdi. Azərbaycan Ordusu rəşadət, qəhrəmanlıq, peşəkarlıq göstərdi. Bütün xalqımız bir yumruq kimi birləşib, düşmənə sarsıdıcı zərbələr vurub öz tarixi torpaqlarını işğalçılardan azad etmişdir. Prezident İlham Əliyev 17 ildə qarşıya qoyulan məqsədlərdən və bu məqsədlərə necə nail olunduğu haqda danışdı.Sonra Yeni Azərbaycan Partiyasının ötən dövr ərzində gördüyü işlər, qazanılmış uğurlar və qarşıda duran vəzifələrlə bağlı qurultay nümayəndələrinin çıxışları dinlənildi. Yeni Azərbaycan Partiyasının adı ulu öndər Heydər Əliyevin adı ilə bağlıdır. Partiya Heydər Əliyevin ətrafında yaradılmışdır, onun siyasi təcrübəsi, bilikləri, xalq qarşısında göstərdiyi xidmətlər, Naxçıvanda çalışdığı dövrdə göstərdiyi əsl vətənpərvərlik və öz xalqına olan sadiqlik Azərbaycanın mütərəqqi insanlarını onun ətrafında birləşdirdi. Yeni Azərbaycan Partiyasının yaradılması zərurət idi. O vaxt, cəsarətli, qorxmaz insanlar açıq-aydın görürdülər ki, təzə-təzə müstəqilliyə qovuşmuş gənc ölkəmiz böyük fəlakətlə üz-üzədir və artıq ölkədə gedən proseslər idarəolunmaz xarakter almışdır. Hərbi məğlubiyyət, eyni zamanda, daxili böhranla tamamlanır. Ölkə daxilində gedən xoşagəlməz proseslər, siyasi çəkişmələr, hakimiyyət uğrunda mübarizə ölkəmizin müstəqil yaşamasını sual altına qoymuşdur. O günləri, o ayları təsəvvür etmək üçün, bu gün Ermənistanda baş verən hadisələrə nəzər yetirmək kifayətdir. Digər önəmli amil Heydər Əliyevin Naxçıvan dövrü ilə bağlıdır. Çünki o vaxt Naxçıvan həm Ermənistanın hücumlarına məruz qalırdı, eyni zamanda, o vaxtkı Azərbaycan rəhbərliyinin əsassız hücumlarına, təqiblərinə məruz qalırdı. Faktiki olaraq blokada şəraitindəki respublika işıqsız, qazsız, susuz, heç bir maddi imkanı olmadan yaşayırdı və Heydər Əliyev amili burada əsas rol oynayırdı. Ermənilər nə qədər cəhd etsələr də, Naxçıvanda öz istəklərinə nail ola bilmədilər. Halbuki Qarabağdan sonra onların növbəti hücum hədəfi Naxçıvan idi. Faktiki olaraq 1992-ci ilin noyabr ayı gənc ölkəmizin həyatında yeni bir mərhələyə yol açdı. Prezidentimizin də dediyi kimi biz bu tarixi yaxşı bilməliyik. O tarixi yaşamayanlar isə bunu öyrənməlidirlər. Mən demişəm, bizim dərsliklərdə bu tarixlə bağlı geniş məlumat verilməlidir. O tarixin canlı şahidləri öz xatirələrini bölüşməlidirlər ki, bu tarix əbədi yaşasın. Qurultayda yekun olaraq təşkilati məsələlər müzakirə edildi. Qəbul edilmiş qərar əsasında Yeni Azərbaycan Partiyasının 40 nəfər tərkibdə İdarə Heyəti, 13 nəfərdən ibarət Təftiş Komissiyası və yeni qurum olaraq YAP-ın Veteranlar Şurasının 35 nəfərlik tərkibi təsdiqləndi. Bu qurultay həm də YAP sədrinin I müavini postunun yaradılması ilə yadda qaldı. YAP sədrinin I müavini postuna Prezident İlham Əliyevin əmri ilə Azərbaycanın I vitse-prezidenti Mehriban Əliyeva təyin olundu. Qurultayda həmçinin, Azərbaycan Xalq Demokratik Partiyasının, Azərbaycan Kəndli Partiyasının, Milli Qurtuluş Partiyasının, Azərbaycan Yurddaş Partiyasının, Azərbaycan Milli Hərəkat Partiyasının və Azərbaycan Demokratik Sahibkarlıq Partiyasının Yeni Azərbaycan Partiyasına birləşmək haqqında müraciətləri qəbul edildi.

        Yeni Azərbaycan Partiyasının VII qurultayının əhəmiyyətindən bəhs edərkən onu da qeyd etmək lazımdır ki, YAP daxili struktur etibarilə yeni keyfiyyət dəyişikliyinə nail oldu və siyasi təşkilat olaraq daha da gücləndi. Eyni zamanda, partiyamız ölkənin gələcəyi baxımdan yeni prioritet məqsəd və vəzifələri müəyyənləşdirmiş oldu, monolit siyasi güc kimi ölkənin perspektiv inkişafında mühüm rol oynayacağını nümayiş etdirdi.

Əminə Əliyeva,

Xocalı rayon ziyalısı 


Paylaşın:

Azərbaycanı zülmətdən qurtaran Ümummilli lider Heydər Əliyev

       
        Xalq cəbhəsi Müsavat hakimiyyəti dövründə respublikada siyasi və iqtisadi böhran dərinləşmişdir. Mövcud iqtisadi əlaqələr qırılmışdır. Müəssisələrin istehsal gücü azalmışdır. Milli gəlirin 1/3-i müharibə xərclərinə sərf olunurdu. Ən məhsuldar torpaqlarımız düşmən əlinə keçmişdir. Müharibə iqtisadiyyata ciddi ziyan vururdu. Yeni idarəçilik mexanizmi işləmirdi. İqtisadiyyatda soyğunçuluq baş alıb gedirdi. Sərvətlərimiz talanır, xaricə satılan mallar əvəzinə alınan valyuta çox vaxt xarici banklarda şəxsi hesablara köçürülürdü. İşsizlik sürətlə artırdı. Buraxılan nöqsanlar hər şeydən əvvəl hakimiyyət orqanlarının düzgün qurulmayan kadr siyasəti ilə bağlı idi. Təcrübəsiz idarəetmə, səriştəsi olmayan adamların hakimiyyətə gəlməsi Azərbaycan xalqına baha başa gəldi. AXC - Müsavat hakimiyyəti xarici siyasətdə də ciddi qüsurlara yol verdi. Böyük dövlətlərin iqtisadi və siyasi maraqlarına əsaslanan dünya siyasətini düzgün qiymətləndirmədi. Hakimiyyət dairələri Ümummilli lider Heydər Əliyevin zəngin təcrübəsindən və mahir siyasətçi potensialından faydalanmaq əvəzinə onun artan nüfuzundan xoflanaraq Naxçıvanda çevriliş etməyə və Xalq  cəbhəsini hakimiyyətə gətirməyə cəhd etdilər. 1993-cü ilin iyununda ölkəmizin dövlət müstəqilliyi təhlükə qarşısında qaldı. Ümummilli lider Heydər Əliyev öz məsləhətləri ilə xalqı yaxınlaşmaqda olan daha böyük fəlakətlərdən qurtarmaq üçün iqtidara yol göstərməyə çalışırdı. Lakin dövlət rəhbərləri bu məsləhətlərə məhəl qoymur, səriştəsiz siyasətləri ilə ölkəni parçalayaraq vətəndaş müharibəsi həddinə çıxarırdılar. İqtisadiyyatımızın zəifliyi, ordumuzun döyüş qabiliyyətinə malik olmayan və müdafiə taktikası seçməyə məcbur olan özünü müdafiə batalyonları erməni silahlı qüvvələri hücumlarının qarşısını ala bilmədiyi üçün torpaqlarımız işğal edilir, ölkəmizin idarəçiliyi isə iflic vəziyyətə düşmüşdür. Xalq yeganə ümidini Ulu öndər Heydər Əliyevə bağladı. Xalqın təkidli tələbi nəticəsində Naxçıvandan Bakıya gələn Heydər Əliyev düşünülmüş siyasi manevr edərək vətəndaş müharibəsinin qarşısını aldı. Ölkəmizdə ictimai-siyasi sabitlik yarandı. 1993-cü il 15 iyun tariximizə Milli Qurtuluş Günü kimi daxil oldu. Ölkə Prezidenti Ali Baş Komandan İlham Əliyev öz çıxışlarında bildirmişdir ki, gənc nəsil də bütün bu məsələlərdən xəbərdar olmalı, dövlətimizin, xalqımızın keçdiyi tarixi yol haqqında geniş bilgiyə sahib olmalıdır. Güclü xalq iqtidar birliyi iqtisadiyyatımızın dayanıqlılığı, ordumuzun gücü sayəsində 27 sentyabr 2020-ci il tarixdən başlayan 44 gün davam edən Dəmir Yumruq əməliyyatı ölkəmizin tam qələbəsi ilə başa çatdı. Dövlətimizin ərazi bütövlüyü təmin olundu. Bütün bunlar isə onu deməyə əsas verir ki, dahi şəxsiyyət Heydər Əliyev tərəfindən əsası qoyulan daxili və xarici siyasət bu gün də ölkə Prezidenti İlham Əliyev Cənabları tərəfindən uğurla həyata keçirilir.  AXC – Müsavat cütlüyünün bəzi ünsürləri ölkəmizin inkişafına mane olmaq, Şanlı Zəfər tariximizə kölgə salmaq istəyirlər. Ancaq onlar birdəfəlik olaraq dərk etməlidirlər ki, xalq öz Prezidentinin İlham Əliyev Cənablarının ətrafında sıx birləşib. Biz inanırıq ki, bu birlik daimi, əbədi və sarsılmaz olacaqdır.


Paylaşın:

DÜŞMƏNİ DƏMİR YUMRUĞUMUZLA MƏHV ETDİK

        44 gün davam edən və torpaqlarımızın azadlığı ilə nəticələnən “Dəmir yumruq”
əməliyyatında - Vətən müharibəsində Daxili İşlər Nazirliyinin Daxili Qoşunlarının hərbi qulluqçuları da əzmlə vuruşmuş, böyük qəhrəmanlıq nümunələri göstərmişlər.

Vətən müharibəsində rəşadətlə döyüşərək yaralanmış hərbi qulluqçularımızın həyat və şərəfli döyüş yolundan bəhs edən “Qazilərimiz” rubrikasının budəfəki qəhrəmanı baş çavuş Cəfərov Elnur Fəqani oğludur.

 Baş çavuş Elnur Cəfərov 1990-cı il martın 10-da Kürdəmir rayonunun Qarasaqqal kəndində anadan olub. Orta təhsilini Kürdəmir rayonu Qarasaqqal kənd tam orta məktəbində alıb. Müddətli həqiqi hərbi xidmətini 2008-2009-cu illərdə Daxili Qoşunların Sabunçu rayonunun Bakıxanov qəsəbəsində yerləşən “N” saylı hərbi hissəsində keçib. 2013-cü ilin iyun ayından qoşunların Gəncə şəhərindəki “N” saylı hərbi hissəsində müddətdən artıq həqiqi hərbi xidmət hərbi qulluqçusu kimi yenidən Vətənə olan borcunu yerinə yetirməyə başlayıb.  

Hərbi hissənin ayrı-ayrı bölmələrinin tərkibində müxtəlif vəzifələrdə xidmətini davam etdirən baş çavuş E.Cəfərov 2020-ci ilin iyun ayından yaralandığı günədək xüsusi təyinatlı dəstədə istehkamçı yarımqrupunun komandiri-baş istehkamçı kimi vəzifə borcunu şərəflə yerinə yetirib.

Xidmət etdiyi dövrdə Azərbaycan Respublikası Ərazilərinin Minalardan Təmizlənməsi üzrə Milli Agentliyinin (hazırda Azərbaycan Respublikasının Minatəmizləmə Agentliyi) Göygöl rayonu ərazisində təşkil etdiyi istehkamçı ixtisası üzrə kursu müvəffəqiyyətlə bitirib və ona müvafiq sertifikat verilib. İstehkamçı yarımqrupunun komandiri kimi qarşıya qoyulmuş tapşırıqları hər zaman layiqincə yerinə yetirdiyinə görə, eləcə də yüksək döyüş hazırlığı, hərbi intizamı və nümunəvi xidmətilə fərqlə     nən hərbi qulluqçu kimi hərbi hissənin komandanlığı tərəfindən dəfələrlə mükafatlandırılıb. 

Vətən torpaqlarını düşmən tapdağından azad görmək və bu amal uğrunda başlayacaq döyüşlərdə iştirak etmək Elnurun ən böyük arzusu olub. Məhz buna görə də Vətən müharibəsinin ilk günündən döyüşlərə qatılan baş çavuş E.Cəfərov Kəlbəcər, Füzuli və Cəbrayıl istiqamətində aparılan hərbi əməliyyatlarda fəal iştirak edib: “İlk döyüşümüz 2020-ci il sentyabrın 27-də Kəlbəcər istiqamətində olub. Dörd gündən sonra Füzuli və Cəbrayıl ərazisində gedən döyüş əməliyyatlarına qatıldıq. Burada bir sıra kəndlərin və yüksəkliklərin azad edilməsində yaxından iştirak etdik. Bundan əlavə, ermənilərin Cəbrayıl şəhəri ətrafındakı bir neçə möhkəmləndirilmiş postunu darmadağın edib, ələ keçirdik”.   

        Olduqları mövqelərin düşmən tərəfindən artilleriya və müxtəlif çaplı silahlardan atəşə tutulması nəticəsində altı güllə və səkkiz qəlpə yarası aldığını qeyd edən qazimiz sonda ən böyük arzusuna çatdığı üçün qürur duyduğunu deyir: “Oktyabrın 6-da, saat təxminən 05:00-da Cəbrayıl istiqamətində baş verən şiddətli döyüşdə ağır yaralandım. Sanitarlar ilkin tibbi yardım göstərərək, qanaxmamı dayandıra bildilər. Şiddətli atışma getdiyindən, təxliyyə olunmam mümkün deyildi. Güllə və mərmilər sanki dolu kimi yağırdı. Bu baxımdan yaralı vəziyyətdə belə düşmənə qarşı vuruşmalı oldum. Beş saatdan sonra yoldaşlarımın köməkliyi ilə döyüş meydanından təxliyyə oluna bildim. Əvvəlcə bizi Silahlı Qüvvələrin Bakıdakı Mərkəzi Kliniki Qospitalına, orada tibbi yardım göstərildikdən sonra isə Daxili Qoşunların Hərbi Qospitalına gətirdilər. Burada hər iki ayaq və bel nahiyəmdən əməliyyat olundum. Allaha çox şükür, yaxşıyam. Həkimlərimizin sayəsində sağlamlığım qismən bərpa olunub. Lakin tam sağalmağım üçün ambulator müalicəmi indi də davam etdirirəm.

Nə deyim, Allah bütün şəhidlərimizə rəhmət eləsin, yaralı silahdaşlarımıza da şəfa versin. Əsas odur ki, biz otuz ilə yaxın düşmən tapdağında qalan torpaqlarımızı qısa bir vaxtda azad etməyə müvəffəq olduq. Ali Baş Komandanımızın dediyi kimi, “düşməni dəmir yumruğumuzla məhv etdik””.

Azərbaycan Respublikası Prezidenti-nin 18 dekabr 2020-ci il tarixli, 29 dekabr 2020-ci il tarixli müvafiq sərəncamları ilə baş çavuş Cəfərov Elnur Fəqani oğlu “Cəsur döyüşçü” və “Şuşanın azad olunmasına görə” medalları ilə təltif edilib.

Daxili Qoşunların “N” saylı hərbi hissəsində “Pələng” şərti adını daşıyan xüsusi təyinatlı dəstənin komandiri, “Zəfər” ordeni və “Şücaətə görə” medalı ilə təltif edilmiş mayor Zaur Rəhimov (Vətən müharibəsi zamanı iki dəfə - Murovdağ və Şuşa istiqamətlərində gedən döyüşlərdə yaralanıb) dəstədə yarımqrup komandiri kimi xidmət etmiş baş çavuş Elnur Cəfərovun bu gün də silahdaşları tərəfindən vətənpərvər döyüşçü kimi xatırlandığını deyir: “Torpaqlarımızın azadlığı uğrunda başlayan 44 günlük Vətən müharibəsində dəstəmizin “pələnglər”i də fəal iştirak etmiş, cəbhənin müxtəlif istiqamətlərində aparılan döyüş əməliyyatlarında düşməni məğlub edərək, böyük şücaət göstərmişlər. Bu döyüşlərdə dəstəmizin şəxsi heyətindən 11 nəfər şəhid olub, 39 nəfər silahdaşımız isə yaralanıb. Düşmənə gözdağı olan cəsur qazi hərbi qulluqçularımızdan biri də baş çavuş Elnur Cəfərovdur. 

Vətənpərvər, yüksək intizamlı və məsuliyyətli yarımqrup komandiri kimi baş çavuş E.Cəfərovun fəaliyyəti hər zaman müsbət qiymətləndirilib. İstər atəş və fiziki hazırlıq, istərsə də ixtisas hazırlığı üzrə keçirilən praktiki məşğələlərdə onun komandiri olduğu yarımqrup qazandığı müsbət nəticələrinə görə dəfələrlə fərqlənib. Kollektiv arasında böyük hörmət və nüfuza malik fəal hərbi qulluqçu kimi tanınıb. Qorxmaz və cəsur döyüşçü kimi Vətən müharibəsində iştirak edərək, qəhrəmanlıq nümunələri göstərməklə, ona olan etimadı bir daha doğrultmuş oldu. Yalnız onu deyə bilərəm ki, Elnurun timsalında bütün qazi silahdaşlarımızla qürur duyur və tezliklə sağlamlıqlarına qovuşmalarını arzulayırıq”. 

Məlumat üçün bildirək ki, “APA” TV saytının “YouTube” internet portalı vasitəsilə yayımlanan xəbər proqramında, jurnalist Sevinc Vaqifqızının təqdimatında “Xüsusi təyinatlı qazi: Yaralı halda beş saat döyüşdük” adlı süjetdə baş çavuş E.Cəfərovun gənc nəslə nümunə olan döyüş yolu barədə məlumatlar izləyicilərə təqdim edilib.

Sonda onu da qeyd edək ki, Elnurun Zəhra və Sərfinaz adında iki qız övladı var. Adını Vətənin qəhrəmanlıq tarixinə öz qanı ilə həkk edən qazi silahdaşımızın böyüdüb tərbiyə etdiyi övladları da bizimtək hər zaman ataları kimi Vətənin igid oğulları ilə qürur duyacaqlar. Qazimizə bundan sonrakı həyatında uğurlar diləyirik. 

 

mayor Anar Əhmədov,

DİN-in Daxili Qoşunlarının

 “Əsgər” qəzetinin redaktoru

Paylaşın:

Vətən Müharibəsində fədakarlığı və igidliyi xatirələrdə əbədi yaşayacaq...

        Müharibə hər bir xalq üçün ən ağır sınaqdır. Tarix boyu müharibələrdən keçən xalqın döyüş ruhu onun yenilməz güc mənbəyinə çevrilir. Azərbaycan xalqının da taleyinə müharibə acıları yazılıb.

Qarabağ müharibəsi bir neçə nəslin həyatında silinməz iz qoyub. Ataların döyüş yolunun oğulları tərəfindən davam etdirilməsi, uşaq ikən məcburi köçkün düşənlərin böyüyüb döyüşçü missiyasını yerinə yetirməsi, “qisas qiyamətə qalmaz” – deyən igidlərin qalib zirvəsinə ucalması kimi nümunələr bu müharibənin gerçəkliyidir.

Hərbi zəfərimizlə başa çatan 44 günlük Vətən müharibəsində Daxili İşlər Nazirliyi Daxili Qoşunlarının şəhid olan 66 nəfər hərbi qulluqçusundan biri də baş leytenant Mustafayev Təhmasib Sərməst oğludur.

O, 30 avqust 1989-cu ildə Cəbrayıl rayonunun Hasanlı kəndində anadan olub. Sərməst Mustafayev və Kifayət Haxverdiyevanın qurduğu ailənin ikinci övladı olan Təhmasibə doğma yurdunun qoynunda böyümək qismət olmayıb.

1993-cü ilin avqust ayının 23-də Cəbrayıl rayonu Ermənistan silahlı qüvvələri tərəfindən işğal olunduqdan sonra Mustafayevlər ailəsi də öz kəndindən didərgin düşüb. Həmin vaxt Təhmasibin 4 yaşı var idi, baş verənləri tam dərk etmirdi, ancaq el-obanın o günlərdə yaşadığı təlatüm, böyüklərin göz yaşı və fəryadı onun uşaq yaddaşına həkk olunub.

2007-ci ildə Təhmasib Kürdəmir rayonunun Topalhəsənli kəndindəki Vahid Əhmədov adına tam orta məktəbi bitirib. Məktəbdə müsbət fərdi keyfiyyətləri ilə müəllimlərinin və yoldaşlarının hörmətini qazanıb. Azərbaycan dili, ədəbiyyat və tarix fənlərinə daha çox maraq göstərib. Yeniyetməlik illərindən Təhmasibdə vətənpərvərlik əqidəsi formalaşıb. Birinci Qarabağ müharibəsi barədə məlumatları xüsusi diqqətlə öyrənib, şəhidlik mövzusuna həssaslıqla yanaşıb, hərbi forma və onu daşıyanlara həmişə rəğbətini ifadə edib.

2008-ci ilin aprel ayında Təhmasib müddətli həqiqi hərbi xidmətə çağırılıb. Daxili Qoşunların sıralarına qəbul olunub, Naxçıvan Muxtar Respublikası ərazisində yerləşən “N” saylı hərbi hissədə xidmət keçib. 2009-cu ilin oktyabr ayında hərbi xidmət borcunu vicdanla yerinə yetirərək ehtiyata buraxılıb.


Həyatını rəğbət bəslədiyi hərbçi peşəsinə bağlamaq barədə qəti qərar verən Təhmasib 2010-cu ilin aprel ayının 14-dən etibarən müddətdən artıq həqiqi hərbi xidmətə keçirilərək, Daxili Qoşunların sıralarına qayıdıb. Lənkəran rayonundakı “N” saylı hərbi hissədə xüsusi təyinatlı dəstənin tərkibində AQS-17 qumbaraatanı heyətinin komandiri vəzifəsinə təyin edilib. Xüsusi təyinatlı kimi qarşıya qoyulan tapşırıqların icrasında əzmkarlıq və çalışqanlıq göstərib.

19.12.2011 - 06.04.2012-ci il tarixlərdə Təhmasib Türkiyə Cümhuriyyətinə ezam edilərək, Jandarm Baş Komandanlığının tabeliyindəki Jandarm Komando Məktəbləri və Təlim Mərkəzində jandarm gizir komando təməl kursunu keçib. Burada yiyələndiyi hərbi biliklər və qazandığı praktiki təcrübə onun peşəkar hazırlığının inkişaf etdirilməsi baxımından vacib rol oynayıb. Hərbi qulluqçumuz qardaş ölkədə, həmçinin, sualtı dalğıc proqramı üzrə təlimi bacarıqla başa çatdırıb.

2012-2014-cü illərdə Təhmasib Daxili Qoşunların Orta İxtisas Hərbi Məktəbində (hazırda Daxili Qoşunların Ali Hərbi Məktəbi) təhsil alıb.

2014-cü ilin iyul ayından başlayaraq artıq zabit rütbəsində hərbi karyerasında irəliləyib. Daxili Qoşunların Hacıqabul rayonunda yerləşən “N” saylı hərbi hissəsinin patrul taborunda taqım komandiri vəzifəsinə irəli çəkilib. 2015-ci ilin aprel ayında həmin hərbi hissədə komendant bölüyündə taqım komandiri vəzifəsinə keçirilib. 2016-cı ilin dekabrında isə ona hərbi hissənin xüsusi təyinatlı dəstəsində atəş təminatı qrupunun komandiri vəzifəsi etibar olunub.

Təyin olunduğu bütün bu məsul vəzifələrdə Təhmasib komandanlığın etimadını doğrultmağa çalışıb. Xidməti fəaliyyətindəki uğurlu nəticələrə görə dəfələrlə mükafatlandırılıb. 2019-cu ilin iyun ayının 29-da 10 təqvim ili qüsursuz xidmət etdiyinə görə 3-cü dərəcəli “Qüsursuz xidmətə görə” medalı ilə təltif edilib.

Hərbi hissədə keçirilən mərasimlərdə bayraqdar olmaq Təhmasibə tapşırılıb, sıranın önündə əlində döyüş bayrağı qürurla addımlayıb.

Zabitimiz özünü və tabeliyindəki şəxsi heyəti ötən illər ərzində Vətənin müdafiəsi və ərazi bütövlüyümüzün bərpa olunması uğrunda döyüş tapşırıqlarının yerinə yetirilməsinə hazırlayıb. O, silahdaşlarına ən böyük arzusunun məcburi köçkün adını öz üzərindən götürmək olduğunu söyləyib.

Baş leytenant T.Mustafayev 2020-ci il sentyabrın 27-də başlayan Vətən müharibəsində qoşunların “N” saylı hərbi hissəsinin xüsusi təyinatlısı kimi iştirak edib. Füzuli, Cəbrayıl, Xocavənd rayonlarının ərazisindən keçməklə Şuşayadək davam edən döyüş yolunda erməni işğalçılarına qarşı cəsurluqla vuruşub. İşğalına son qoyulan Cəbrayıl rayonunun doğma torpağına uzunillik həsrətdən sonra qədəm basmaq, havası ilə nəfəs almaq, bulaqlarından su içmək Təhmasibin şəhidlik ərəfəsində taleyinə yazılıb. Ailəsinə göndərilən mobil telefon çəkilişi videolarında onun Cəbrayılda olduğu anlarda ruh yüksəkliyini, nikbin ovqatla danışdığını müşahidə etmək olar.

Cəbrayıl rayonu ərazisində olduğu günlərin birində baş leytenant T.Mustafayev öz həyatını riskə ataraq, gecə vaxtı bu istiqamətdə hərəkət edən hərbi avtomobillərimizin minalanmış sahəyə daxil olmasının qarşısını alaraq, təhlükəsiz yerə istiqamətləndirib. 

Şuşa ətrafındakı döyüşlərdə baş leytenant T.Mustafayevin rəhbərlik etdiyi qrup xüsusilə fərqlənib. Belə ki, Şuşa-Laçın yolu üzərindəki yüksəklikdə yerləşən düşmən postları döyüşçülərimiz tərəfindən alınıb, işğalçıların bir neçə texnikası, onlarla canlı qüvvəsi məhv edilib. Bu uğurlu döyüş nəticəsində qeyd olunan yol nəzarətə götürülüb. Bununla yanaşı, Təhmasibin özü və tabeliyindəki hərbi qulluqçular tərəfindən Şuşa ətrafında erməni hərbçilərinin bir sıra atəş nöqtələri də susdurulub.

Mərd zabitimizlə birgə döyüşlərdə iştirak edən müddətdən artıq həqiqi hərbi xidmət hərbi qulluqçuları baş çavuş Sabir İmanov və çavuş Ramiq Novruzov birdirdilər ki, müharibədə komandirin şəxsi nümunəsi mühüm amildir. Təhmasib zabit və komandir olaraq öz qorxmazlığı, dəyanəti, mənəvi-psixoloji dəstəyi ilə tabeliyindəkilərə qələbə əzmi aşılayıb. Ən təhlükəli anlarda öz iradəsi ilə silahdaşlarını döyüşə ruhlandırıb.

Silahdaşlarının verdikləri məlumata görə, 2020-ci il noyabrın 4-də Şuşa-Laçın yolu üzərindəki yüksəkliyin müdafiəsində dayanan zaman baş leytenant T.Mustafayev yaralı döyüşçülərimizin olduqları postlara özünü yetirib, onlara ilk yardım göstərilməsini təşkil edib. Ancaq düşmənin mövqelərimizi minaatanlardan şiddətli atəşə tutması nəticəsində o, mərmi qəlpələrindən ağır yaralanaraq şəhid olub. Şəhidin cəsədi noyabrın 9-da döyüş zonasından çıxarılıb. 14.11.2020-ci il tarixdə ailəsinə verilən ölüm haqqında şəhadətnamədə zabitin şəhid olduğu gün 09.11.2020-ci il göstərilib.

Şəhid hərbi qulluqçumuz 11.11.2020-ci il tarixdə Biləsuvar rayonunda yerləşən, cəbrayıllı məcburi köçkünlərin məskunlaşdıqları qəsəbənin qəbiristanlığında dəfn olunub.

Azərbaycan Respublikasının Prezidenti cənab İlham Əliyevin 15.12.2020-ci il və 29.12.2020-ci il tarixli müvafiq sərəncamları ilə baş leytenant T.Mustafayev ölümündən sonra 3-cü dərəcəli “Rəşadət” ordeni, “Vətən uğrunda” və “Şuşanın azad olunmasına görə” medalları ilə təltif edilib. Həmçinin, Azərbaycan Respublikası müdafiə nazirinin 28.12.2020-ci il tarixli əmri ilə baş leytenant T.Mustafayev ölümündən sonra 3-cü dərəcəli “Hərbi xidmətdə fərqlənməyə görə” medalı ilə mükafatlandırılıb.

Təhmasib evli idi, Faidə adlı körpə qız övladı onun yadigarıdır. Doğmaları və bütün onu

tanıyanlar xalqımızın fədakar oğlu kimi Təhmasib haqqında qürurla danışırlar. “APA” TV-nin şəhid barədə hazırladığı süjetdə anası deyib ki, Təhmasib Vətəni, torpağı, bayrağı çox sevən oğul idi. Ananın “mən o cür övlad yetişdirib Vətənə xidmət üçün göndərmişəm” sözləri vətənpərvərlik məfhumunun mənəvi dəyərlərin zirvəsində dayandığının isbatıdır.

Qeyd edim ki, Təhmasibin xalası oğlu gizir Vüsal Rüstəmov da Vətən müharibəsində iştirak edərək şəhid olub.

Tezliklə Cəbrayıl və işğaldan azad edilən digər rayonlarımız bərpa olunacaq, soydaşlarımız öz yurdlarına qayıdacaqlar. Bu qayıdış üçün canlarını qurban vermiş şəhidlərimizin xatirəsi daim ehtiramla anılacaq. Vətən torpağında şərəfli iz qoymaq, elin yaddaşında unudulmamaq əbədi yaşamaq deməkdir.

Məqaləni şəhidlik və əbədiyyəti bütöv bir məfhum olaraq bədii çalarlarla dolğun ifadə etmiş döyüşçü-şair, veteran mərhum Elxan Xəzərin “Ölməzlik” şeirindən iki bəndlə yekunlaşdırıram:

Məzarı səngərdir, başdaşı qalxan,

Deməyin, məhv oldu, öldü şəhidlər.

Tanrının verdiyi halalca ömrü

Bizimlə yarıya böldü şəhidlər.


O, qola güc verdi, başqası dilə,

Odlu silahını götürdü ələ.

Düşmənin izini öz qanı ilə

Torpağın üstündən sildi şəhidlər.

 

Allah rəhmət eləsin!

 

Yalçın Abbasov,

DİN-in Daxili Qoşunlarının

 veteranı, tədqiqatçı-jurnalist

 P.S. Məqalənin hazırlanması üçün məlumatların toplanılmasında göstərdiyi köməyə görə şəhidin qardaşı, polis əməkdaşı Arzuman Mustafayevə təşəkkürümüzü bildiririk.

Paylaşın:

Abunə OLUN

Ən çox oxunan

Blog Arşivi