Gəncədə Səriyyə Müslümqızının "Geriyə baxma" kitabının təqdimat mərasimi keçirilib

         İyun aynın 8-də Gəncə şəhər Mərkəzləşdirilmiş Kitabxana Sisteminin oxu zalında Səriyyə Müslümqızının “Geriyə baxma” adlı kitabının təqdimatı keçirildi.

Tədbirdə Gəncə Regional Mədəniyyət İdarəsinin rəisi Vasif Cənnətin, Dini qurumlarla iş üzrə Dövlət komitəsi, Gəncə şöbəsinin sədri Həsən Məmmədov, İlahiyyat İnstitutunun kafedra müdiri, dosent Anar müəllim Sənətşünaslıq üzrə fəlsəfə doktoru, Məleykə Alı oğlu, şairə Zenfira Əlişqızı, “Erməni təcavüzünün tanıdılması” İB-nin sədri, yazıçı publisist Səriyyə Müslümqızı, Gəncə şəhər İcra Hakimiyyətinin ictimai-siyasi və humanitar məsələlər şöbəsinin baş məsləhətçisi Yadigar Bədəlov, yazıçı - publisist, jurnalist, "Gəncənin səsi" qəzetinin redaktoru Rəfiqə Sadıqova, Millət vəkili, tarix üzrə fəlsəfə doktoru, dosent Pərvin Kərimzadə, yazıçı-publisist, ictimai xadim Nüşabə Əsəd Məmmədli, Gəncə Gənclər Təşkilatının sədri Həmid Nəsirov, Gəncə bölməsinin sədri Xəzangül Hüseynova, AYB Gəncə bölməsinin məsləhətçisi Aləmzər Əlizadə, YAP Gəncə təşkilatının məsləhətçisi Hüseyn Budaqov, müstəqil jurnalist Zakir Muradov, Gəncə DİM rəhbəri Nəsimi Məmmədov, “Xocalının səsi” qəzetinin redaktoru Qalib Bəyməmmədoğlu, "Novosti Gandja" qəzetinin müxbirləri Fatma Cəfərova, Mahir İsayev. Psixoloq, "Sona psixologiya mərkəzi"nin rəhbəri Sona xanım, Gəncə Tibb Kollecinin müəllim və tələbələri, fəal oxucular iştirak etdilər.

Tədbir Dövlət Himnimizin səsləndirilməsi ilə başladı, şəhidlərimizin ruhu bir dəqiqəlik sükutla yad edildi. Tədbiri giriş sözü ilə açan Kitabxananın müdiri Fəridə xanım iştirakçıları əvvəlcə soyqırımdan bəhs edən "Xocalı zülmət bir gecə" filmini izləməyə dəvət etdi. Sonra isə tədbir iştirakçılarına söz verildi.      

Müəllif Səriyyə Müslümqızı çıxışında bildirdi ki, düz 30 il bundan öncə Xocalı soyqırımı zamanı qətlə yetirilən 70 ahıldan bəhs edən bu sənədli əsər bu ilin fevralında qardaş Türkiyənin ali təhsil ocaqlarında və Avropa ölkələrində təqdimatı yüksək səviyyədə keçirilmişdi. Regionda isə ilk dəfə Gəncə şəhərində bu kitabın təqdimat mərasimini keçirmək qərarına gəldik.

Çıxış edən natiqlər Xocalı soyqırımı haqqında ürək ağrısı və göz yaşları içində danışdılar. Bildirildi ki, xalqımızın qanlı səhifəsi olan Xocalı soyqırımını heç bir zaman unutmaq olmaz. Düşmənin mənfur xislətini ifşa etmək, indiki və gələcək nəsillərə başımıza gətirilən müsibətləri çatdırmaq lazımdır. Bu baxımdan informasiya resurslarında Qarabağ həqiqətləri, Xocalı soyqırımı haqqında məlumatlar artırılmalıdır. “Geriyə baxma” kitabı da erməni faşizmininin ifşa edilməsi üçün vacib kitablardan biridir.

44 günlük haqq savaşımızdan danışan tədbir iştirakçıları vurğuladılar ki, Vətən müharibəsində Xocalı cəlladları da məhv edildi. Şəhidlərimizin ruhu rahatlıq tapdı. Artıq başı uca, qalib xalq kimi qürurlu həyat yaşayırıq. Bundan sonra xalqımız ancaq zəfərlər çalacaq. Bütöv Azərbaycan uğrunda amalımıza addımlayırıq.

 “Gəncənin səsi "qəzetinin redaktoru Rəfiqə Sadıqova "Xocalının səsi" qəzetinin mərhum redaktoru Sərdar Mehdiyevi xatırladaraq xocalılar kimi onların doğma qəzetlərinin də didərgin həyatı yaşadığını diqqətə çatdırdı. Gəncəyə pənah aparan “Xocalının səsi”nə “Gəncənin səsi” qəzetinin redaksiyasında yer ayrıldığını, kollektiv tərəfindən Xocalının faciəsini yazan qəzetə hər cür dəstəyin göstərildiyini dedi. Rəfiqə Sadıqova Gəncə mətbəəsinin sədri mərhum İlham İmamquliyevin “Xocalının səsi” qəzetinə göstərdiyi diqqət və qayğıdan da danışdı. Bildirdi ki, Xocalıya ədalət istəyən qəzeti yaşatmaq üçün dəstək göstərilməli və daha çox tirajla, rəngli formada nəşrə hazırlamaq lazımdır.

 Dərd insanı zamanla dözümlü edir. Dərdi həm də bölüşdükcə, danışdıqca, yazdıqca insan təskinlik tapır. Xocalı soyqırımında anası, yaxın qohumları şəhid olan Səriyyə xanım özündə güc toplayaraq Xocalı müsibətlərinin dünyaya çatdırılmasında yazdığı kitablarla, ərsəyə gətirdiyi sənədli filmlərlə böyük xidmətlər göstərir. 


             









Yorum Gönder

Daha yeni Daha eski