Qoşulmama Hərəkatında sədrliyimiz COVID-19 ilə üst-üstə düşdü və Azərbaycan beynəlxalq arenada bu xəstəliklə mübarizədə öz rolunu fəal oynayan ölkələrdən biri idi.

İyunun 30-da Heydər Əliyev  Mərkəzində  Qoşulmama Hərəkatı Parlament Şəbəkəsinin “Dünyada sülhün və dayanıqlı inkişafın təşviqində milli parlamentlərin rolunun gücləndirilməsi” mövzusuna həsr olunan Bakı konfransı işə başlayıb. Azərbaycan Respublikasının Prezidenti İlham Əliyev konfransda iştirak edib. Qoşulmama Hərəkatının yaradılması 1955 -ci ildə Bandunq konfransında irəli sürülüb. 1961 - ci ildə Yuqoslaviyada  keçirilən  konfransda Bitərəf Dövlətlər Hərəkatının yaradıldığı elan   olunub. Ölkəmiz  bildiyimiz kimi  Qoşulmama Hərəkatı ailəsinə 2011 -ci ildə qoşulub. 2019 - cu ildə Bakıda Qoşulmama Hərəkatının Zirvə  toplantısı  təşkil edildi və müvəffəqiyyətlə  keçirildi. Qoşulmama   Hərəkatının hazırda 120 üzvü   vardır. 2019 - cu ildən 2022 - ci ilə qədər 120 ölkənin yekdil qərarı ilə Azərbaycan Respublikasının Prezidenti  İlham Əliyev Qoşulmama Hərəkatına sədr  seçildi. Ölkəmizə qoyulan hörmət, Prezidentimizin  fəaliyyətinin qiymətləndirilməsinə  görə İlham Əliyevin Qoşulmama Hərəkatına sədrliyi  2023 - cü ilin sonuna qədər uzadılıb. Ölkəmiz fəaliyyətə başlayan ilk gündən  həmrəylik, qarşılıqlı dəstək, əməkdaşlıq, ərazi bütövlüyü,  suverenlik, müstəqillik,  bir-birinin işinə müdaxilə etməmək kimi prinsiplərin təşviqinə töhvəsini verməyə çalışmışıq. İlham Əliyevin  sədrlik etdiyi vaxtlarda  bütün ölkələr, eyni zamanda Azərbaycan ölkəsi də  COVİD-19  xəstəliyi ilə  mübarizə  aparırdı. Ölkəmiz 2020 - ci ilin may ayında Qoşulmama Hərəkatının  onlayn Zirvə toplantısını keçirdi. Pandemiya ilə  mübarizəni yaxşılaşdırmaq üçün ilkin addımlar atılırdı. Səylərimiz təkcə həmrəyliyin, dəstəyin təmin edilməsinə yönəlməmişdi, eyni zamanda tibbi və humanitar yardımlar da  edilməyə  başlanıldı. Ölkəmiz  Qoşulmama Hərəkatının sədri olaraq  həmişə  bir ədalətsizliyə, beynəlxalq hüququn pozulmasına, ayrıseçkiliyə qarşı mübarizə aparmağa davam edəcək. Qoşulmama Hərəkatına  üzv dövlətlərinin böyük dəstəyinin şahidi olmuşuq. Qoşulmama Hərəkatında təmsil olunan dostlarımız anti-Azərbaycan mahiyyətli bəyanatını blokladılar. Azərbaycana qarşı ittihamı blokladılar və bununla da ermənipərəst qlobal qüvvələrin Azərbaycana qarşı hücumuna mane oldular. Qoşulmama Hərəkatı Birləşmiş Millətlər Təşkilatından sonra ikinci ən böyük təşkilatdır. Azərbaycan Qoşulmama Hərəkatı Parlament Şəbəkəsinin bütün üzv dövlətlərin maraqlarına uyğun qurulması üçün mövcud mexanizm və resurslardan istifadə edib. Sonda "Bakı Bəyannaməsi" və "Qoşulmama Hərəkatının Parlament Şəbəkəsinin İş Qaydalarına dair Nizamnamə " qəbul edildi. Təşkilatın sədri loqosu  və bayrağı təsdiq olundu. 

Qoşulmama Hərəkatı  Parlament Şəbəkəsinin Bakı konfransından  sonra  iştirakçılar Azərbaycanın işğaldan azad edilmiş  ərazilərinə səfər etdilər. Əvvəlcə Füzuli rayonuna gələn nümayəndə heyəti  Füzuli Beynəlxalq Hava limanı ilə tanış olub, Füzuli şəhərində  ermənilərin törətdiyi dağıntılara baxdılar. Nümayəndə  heyəti Füzulidən sonra Şuşaya yola düşüb. 

Qoşulmama Hərəkatının digər vacib təşəbbüsü gənclər şəbəkəsidir. Növbəti ay  Bakıda başqa bir tədbir, "Qoşulmama Hərəkatının Gənclər Sammiti" keçiriləcəkdir. Biz gənclər  də  Qoşulmama Hərəkatının inkişafı və irəli getməyi üçün öz töhvəmizi əsirgəməyəcəyik.

Aytən Həsrətova,

Xocalı rayon Qaragav kənd tam orta məktəbinin müəllimi