Yeni Azərbaycan Partiyası Xocalı rayon təşkilatının videoformat şəklində hesabat yığıncağı keçirilib ~ "Xocalının səsi" qəzetinin saytı

Fevral ayının 9-da Yeni Azərbaycan Partiyası Xocalı rayon təşkilatının 2020-ci ilin yekunlarına həsr olunmuş videoformat şəklində hesabat yığıncağı keçirildi. Videoformat yığıncağında YAP Xocalı rayon təşkilatının Şura üzvləri və 15 ərazi ilk partiya təşkilatlarının sədrləri iştirak etdilər.

Əvvəlcə YAP Xocalı rayon təşkilatının sədri Vahid Əliyevin “2020-ci ilin yekunları və qarşıda duran vəzifələrə dair” hesabat məruzəsi dinlənildi.

Məruzə ətrafında YAP Xocalı rayon təşkilatının İdarə Heyətinin üzvü, Xocalı rayon İcra Hakimiyyətinin başçısı Şahmar Usubov və digər şəxslər çıxış edərək məsələyə münasibətlərini bildirdilər.

Yığıncağın sonunda qərar layihəsi qəbul edildi.

Qeyd edək ki, YAP Xocalı rayon təşkilatı 1995-ci ilin mart ayında yaradılmışdır. Hal-hazırda YAP Xocalı rayon təşkilatının 845 üzvü var. Onlardan 227-si gənclər, 384-ü qadınlardır.