Zəfər Gününün ildönümü ilə əlaqədar olaraq rayonumuzda keçirilən silsilə Tədbirlər Planına uyğun olaraq xocalıların kompakt şəkildə müvəqqəti məskunlaşdıqları Goranboy rayonunun Aşağı Ağcakənd qəsəbəsində avtoyürüş təşkil edildi. Avtoyürüş rayon icra hakimiyyəti qarşısından başayaraq qəsəbənin girəcəyində şəhidlərimizin xatirəsinə inşa edilmiş abidə-bulağın qarşısında dayandı.
Abidə-bulağın
qarşısında toplanan tədbir iştirakçıları əvvəlcə şəhidlərimizin ruhunu bir dəqiqəlik
sükutla yad etdilər.
Xocalı
rayon İcra Hakimiyyəti başçısının müavini Lamiyə Qarayeva çıxış edərək Şanlı Zəfər
salnaməmizi yazan şəhidlərimizə Allahdan rəhmət dilədi, qazilərimizə, döyüşçülərimizə
cansağlığı arzuladı. Xalqımızın Ordumuza, Cənab Prezidentimizə dəstəyi nəticəsində
bu qələbəni əldə etdiyimizi dedi. Ali Baş Komandan İlham Əliyevin diplomatikvə hərbi sahədə göstərdiyi şücaətə, mətinliyə görə 30 ilə yaxın
düşmən tapdağında qalan torpaqlarımızı işğaldan azad etdiyimizi vurğuladı. Bildirdi ki, nəyi, nə zaman etdiyini bilən ölkə başçımız sübut etdi ki, Ümummilli
lider, dahi şəxsiyyət Heydər Əliyevin layiqli davamçısıdır. Prezident İlham
Əliyev qələbəmizin təmin olunması üçün zəmin hazırlayırdı. Beynəlxalq təşkilatlar
erməni işğalına göz yumaraq münaqişənin dondurulmasına çalışırdı. Hər zaman
müharibə yolu ilə torpaqlarımızın işğaldan azad olunmasına qadir olan dövlətimiz
münaqişənin hüquq müstəvisi çərçivəsində həll olunmasını istəyirdi. Bu
haqsızlığa dözməyən xalqımız həmrəy olaraq 44 günlük Vətən Müharibəsində torpaqlarımızı
işğaldan azad etdi.
Daha sonra tədbirdə çıxış edən Vətən Müharibəsi
iştirakçıları və şəhid ailələri ilə işin təşkili şöbəsinin müdiri Şəhriyar
Quliyev, Xocalı RTŞ-nin müdiri Şakir Əliyev, Xocalı rayon 5 nöməli tam orta məktəbin
direktoru Mətanət Camalova və şəhid ailələri Ali Baş Komandanımızın həyata
keçirdiyi qətiyyətli siyasətdən, Ordumuzun gücündən və xalqımızın həmrəyliyindən
söz açdılar. Çıxışlarda qeyd edildi ki, biz düşmən üzərində qələbə çalmaqla
Şanlı Zəfər tariximizin qürurunu yaşayırıq. Qəhrəman oğullarımız
torpaqlarımızın azadlığı uğrunda qorxmdana irəli atıldılar. Azərbaycanın gücü, qüdrəti
bütün dünyanı heyrətə gətirdi.
Çıxışlardan sonra əks istiqamətdə davam edən avtoyürüş qəsəbənin mərkəzində yekunlaşdı.
