21 fevral 2022-ci il tarixdə Xocalı şəhər 3 saylı tam orta məktəbdə "Xocalı soyqırımı"-nın 30-cu ildönümünə həsr olunmuş inşa və rəsm müsabiqəsi keçirilmişdir.
Məktəbin şagirdləri Xocalı faciəsini öz təxəyyüllərində bilavasitə həmin faciənin şahidi olmuş insanlardan eşitdikləri, kitablardan oxuduqları, televiziya vasitəsilə göstərilən canlı kadrlardan gördükləri məlumatlar əsasında canlandırmağa çalışdılar . Müsabiqədə məktəb şagirdlərinin böyük əksəriyyəti fəal iştirak etdilər. Onlar verilən vaxt ərzində işlərini başa çatdırdılar. Daha sonra şagirdlərin inşa yazıları və çəkdikləri rəsmlər məktəbdə yaradılmış münsiflər heyəti tərəfindən dəyərləndirildi . Seçilmiş rəsmlər məktəbin foyesində Xocalı faciəsinin 30-cu ildönümünə həsr olunmuş sərgidə nümayiş etdirildi.
