Azərbaycanın müstəqil dövlət olaraq qazandığı uğurları düzgün qiymətləndirmək üçün dövlət müstəqilliyimizi əldə etdikdən sonra keçdiyimiz tarixi yola nəzər salmalı, həmin dövrlə indiki vəziyyəti müqaisə etmək düzgün olardı. Azərbaycan müstəqilliyinin ilk illərində beynəlxalq aləmdən təcrid olunmuş, daxili çəkişmələrin girdabına düşmüş, torpaqlarının 20%-i erməni işğalçılarına məruz qalmış, elektrik enerjisini əhaliyə fasilələrlə verən, əhalini istilik enerjisi ilə təmin edə bilməyən və meşələrdən odun gətirərək evləri qızdırılan bir məmləkət idisə, indi dünyanın enerji təhlükəsizliyində mühüm rol alan, dünyaya elektrik enerjisi ixrac edən, reionun lider dövləti və bütün güc mərkəzlərinin hesablaşdığı, ən əsası qüdrətli Ordusunun və qətiyyətli rəhbərinin gücü ilə ərazi bütövlüyünü təmin etmiş məğrur bir ölkədir. Cənab Prezident İlham Əliyev necə ki, iqtisadiyyatı şaxələndirmə yolu ilə ilbəil yüksəldərək uğurlar əldə olunmasına nail oldu, xarici siyasətdə də qarşılıqlı maraqları uzlaşdırtmaqla beynəlxalq əlaqələri genişləndirdi və yeni tərəfdaşları Azərbaycanla əməkdaşlığa cəlb edə bildi. İstər Avropa, istər Asiya, istərsə də digər qitələrdə yerləşən aparıcı dövlətlər və nüfuzlu beynəlxalq təşkilatlarla Azərbaycanın ikitərəfli və çoxtərəfli siyasi, humanitar və iqtisadi əlaqələri quruldu. Qurulmuş əlaqələr Azərbaycanın hərtərəfli inkişafına öz müsbət təsirini göstərdi və göstərməkdədir.
Bolqarıstan Respublikası Azərbaycanın dövlət
müstəqilliyini ilk tanıyan dövlətlər sırasındadır. Cənab Prezident İlham
Əliyevin 2015-ci ildə Avropa İttifaqının və NATO-nun üzvü olan Bolqarıstana səfəri
və səfər zamanı “Azərbaycan Respublikası və Bolqarıstan Respublikası arasında
strateji tərəfdaşlıq haqqında” Birgə Bəyannamənin imzalanması ilə iki dost və
strateji tərəfdaş dövlət arasında münasibətlər yeni mərhələyə qədəm qoydu.
Avropa İttifaqının Komissarı xanım Ursula
Vander Leayinin bu ilin yayında Azərbaycana
səfəri zamanı “Avropa İttifaqı ilə Azərbaycan arasında imzalanmış enerji sahəsində
strateji tərəfdaşlıq haqqında” Memorandum
Azərbaycanla Avropa İttifaqına daxil olan dövlətlər arasında münasibətlərin daha da genişlənməsinə
müsbət təsir göstərməkdədir.
Cənab Prezident İlham Əliyevin 30 sentyabr
tarixində Bolqarıstana rəsmi səfəri iki dost və strateji tərəfdaş ölkələr
arasında münasibətlərin davamlı olaraq inkişaf etdiyinin göstəricisidir. Cənab
Prezident İlham Əliyev özünün verdiyi Bəyanatla Bolqarıstan səfərini yüksək
qiymətləndirərək 2015-ci ildə qəbul edilmiş “Bolqarıstanla Azərbaycan arasında strateji tərəfdaşlıq haqqında” Birgə Bəyannaməni xüsusi qeyd etdi və bəyannamədə
təsbit edilmiş bütün məsələlərin öz əksini tapdığını vurğuladı. O, bildirdi ki,
Bolqarıstanla Azərbaycan strateji tərəfdaş ölkələr olaraq bir-biri ilə sıx əlaqədədir.
Cənab Prezident əlavə etdi ki, Bolqarıstan Azərbaycanı Cənubi Qafqazda və Qara dəniz regionunda prioritet, strateji
və etibarlı tərəfdaş hesab edir. Qarşılıqlı olaraq Azərbaycan da Bolqarıstanla
dostluq və əməkdaşlıq əlaqələrinin gücləndirilməsində maraqlıdır.
2021-ci
ildə Bolqarıstanla Azərbaycan arasında ticarət dövriyyəsi 73 milyontəşkil etmiş,
2022-ci ilin yanvar-iyul aylarında isə 80
milyon ABŞ dollarını keçmişdir. Ötən illə
cari ilin rəqəmlərini müqaisə etdikdə görürük ki, ticarət dövriyyəsini artım
surəti olduqca yüksəkdir.
Rusiya
ilə Ukrayna arasında baş vermiş müharibə
dünyada, eləcə də Avropada enerji və ərzaq təhlükəsizliyinə əngəllər yaradıb. Həm
siyasi və həm də iqtisadi sahədə müstəqil siyasət aparan Azərbaycan
Respublikası cənab Prezident İlham Əliyevin rəhbərliyi altında Avropanın enerji
təhlükəsizliyinin təmin olunmasında xüsusi rol oynayır. Avropa İttifaqı ilə Azərbaycan arasında bu ilin
yayında imzalanmış enerji sahəsində əməkdaşlıq haqqında Memoranduma əsasən növbəti
bir neçə ildə Azərbaycandan Avropaya ixrac edilən qazın həcmi 2 dəfə
artırılacaq. Bu da öz növbəsində Azərbaycana əlavə mənfəət gətirməklə yanaş,
siyasi əlaqələrin dərinləşməsinə öz təsirini göstərəcək. Əgər zamanında neft və qaz, nəqliyyat,
loqistika sektorlarında mövcud şərait yaradılmasaydı bunları görmək mümükün
deyildir. Artıq TANAP və TAP boru xətləri
ilə Azərbaycan qazı Avropaya nəql edilir. Cənab Prezident İlham Əliyevin Bolqarıstana səfəri zamanı Yunanıstan-Bolqarıstan
Qaz İnterkonnektorunun əhəmiyyətini qeyd edərək bu İnterkonnektor vasitəsi ilə
Azərbaycan qazının Yunanıstana və digər Avropa dövlətlərinə nəql ediləcəyini
xüsusi hadisə olaraq dəyərləndirdi.
Cənab
Prezident İlham Əliyevin apardığı uğurlu siyasət sayəsində Azərbaycanın beynəlxalq
əlaqələri davamlı olaraq inkişaf edir və genişlənir. Bu da Azərbaycanın beynəlxalq
nüfuzunu artırmaqla yanaşı əlavə iqtisadi və siyasi dividentlər qazandırır.
Vahid Əliyev,
YAP
Xocalı rayon təşkilatının sədri