Azərbaycan dövləti bu
gün qonşu dövlətlərlə yanaşı, bütün qitələrdə yerləşən dövlətlərlə dostluq və ticarət əlaqələri qurubdur. Bu ikitərəfli əlaqələr
dövlətimizin tanınmasına və inkişafına töhfə verir. Cənab Prezidentimizin rəhbərliyi
ilə Azərbaycanın xarici ticarət əlaqələri uğurla inkişaf edir.
Azərbaycanla iqtisadi əlaqələri
inkişaf etdirmək istəyən Avropa ölkəsindən biri də Serbiyadır. Azərbaycala
Serbiya arasında iqtisadi münasibətlər siyasi əlaqələrə söykənir. Diplomatik əlaqələrimiz
25 illik tarixə malikdir. Ancaq iqtisadi əlaqələrimiz son zamanlar daha da
intensivləşibdir. Statistika göstərir ki, 2022-ci ilin yanvar-oktyabr aylarında
Serbiya Azərbaycanın 68-cı xarici ticarət tərəfdaşı olub. Ölkələrimiz arasında
ticarət dövriyyəsinin həcmi 9,84 milyon dollar, o cümlədən idxalın həcmi 8,10
milyon dollar, ixracın həcmi 1,74 milyon dollar təşkil edib. 2021-ci ilin müvafiq
dövrü ilə müqayisədə 2022-ci ilin yanvar-oktyabr aylarında Serbiya ilə ticarət
dövriyyəsi 27,51 faiz artıb.
Xəbər verildiyi kimi,
dekabrın 21-də Azərbaycan Respublikasının Prezidenti İlham Əliyev və Serbiya
Respublikasının Prezidenti Aleksandar Vuçiç mətbuata bəyanatlarla çıxış ediblər.
Bəyanatda Azərbaycan və Serbiya arasında dostluq münasibətlərindən, həmçinin hər
iki ölkə arasında ticarət əlaqələrindən söhbət açılıb.
Azərbaycan
Respublikasının Prezidenti İlham Əliyev bəyənatla çıxışında bildirmişdir ki,
belə gözəl strateji tərəfdaşlıq münasibətlərindən və eyni zamanda, şəxsi
dostluq münasibətlərimizdən istifadə edərək, əlbəttə, biz ümid edirik ki, bütün
sahələrdə bunun nəticəsi olacaq, ilk növbədə, ticarət sahəsində. Əminəm ki, əldə
edilmiş razılaşmaların icrası nəticəsində ticarət dövriyyəsi artacaq, hələ ki,
o, istənilən səviyyədə deyil. Nəqliyyat-logistika sahəsində böyük potensial
var. Xüsusilə nəzərə alsaq ki, Azərbaycan və Serbiya ərazilərindən beynəlxalq nəqliyyat
dəhlizləri keçir, burada da uzlaşma və bağlantının yaradılması üçün bizim
müvafiq qurumlar fəal işləməlidir. Aidiyyəti qurumlar arasında təmaslar artıq
yaranıbdır.
Qeyd edək ki, Serbiya
Azərbaycanı Qarabağ məsələsində həmişə dəstəkləmişdir. Serblər bu dəstəyi Vətən
müharibəsində nümayiş etdirdilər. Serbiyanın Azərbaycanın dəstəkləmisinin səbəblərindən
biri onların da seperatizimdən əziyyət çəkməsi və bizim kimi ikili
standartlarla qarşılaşmasıdır. Azərbaycan da öz növbəsində Serbiyanın
suverenliyini və ərazi bütövlüyünü dəstəkləyir. Azərbaycan da öz növbəsində
Serbiyanın suverenliyini və ərazi bütövlüyünü dəstəkləyir. Bu səbəbdən
Kosovanın müstəqilliyini tanımır və beynəlxalq müstəvidə Serbiyanın tərəfdaşıdır.
İndi Azərbaycan-Serbiya
əlaqələrində yeni mərhələnin başlandığını görürük. Bu əlaqələr təbii ki, hər
iki dövlətin iqtisadiyyatının güclənməsinə böyük zəmin yaradır. Ölkələrimiz
arasında energetika və qaz ixracı ilə bağlı artıq razılaşmalar imzalanıb. Azərbaycanın
elektrik enerjisinin Avropaya çatdırılması üçün Qara dənizin dibi ilə kabel çəkilməsi
üzrə razılaşma imzalanıb. Avropanın enerji təhlükəsizliyində rolunu artıran Azərbaycan
öz qüdrəti, iqtisadi-siyasi gücü ilə bizim qürurumuzu daha artırır.
Akif Rüstəmov,
Xocalı rayon Əli Kərim adına
Başkənd kənd tam orta məktəbin müəllimi