Tarix dahi şəxsiyyətləri tək-tək yetişdirir.
Heydər Əliyev o şəxsiyyətlərdəndir ki, bu cür şəxsiyyətlər tək-tək olur. O,
təkcə Azərbaycanın deyil, bütün Türk dünyasının sərkərdəsi, şəxsiyyətli siyasi
xadimi idi. Onun səlist danışığı, natiqliyi hamını heyran edirdi. Azərbaycan
tarixində öz siyasi yeri olan Heydər Əliyev xalqımız, millətimiz üçün misilsiz quruculuq
işləri görmüşdür. Demək olar ki, Heydər Əliyevin ölkəyə rəhbərliyi dövründə Azərbaycanı
bütün dünyaya tanıtdı.
XX
əsrdə Azərbaycan iki dəfə dövlət müstəqilliyini elan etmişdir. 1918-1920-ci
illərdə mövcdu olmuş Azərbaycan Xalq Cumhuriyyətinin ömrü cəmi 23 ay sürmüşdür.
1991-ci ildə yenidən müstəqilliyini əldə edən Azərbaycanda onun qorunub
saxlanılması heç də asan olmamışdır.
80-ci illərin ikinci yarısında Sovet
İmperiyasının iqtisadi, siyasi və mənəvi həyatında böhranqabağı vəziyyət
yaranmışdır. Milli respublikalarda milli özünüdərk, hüquqların tapdalanmasına,
sərvətlərin talan olmasına əlamətləri güclənməkdə idi.
1993-cü
ildə oktyabrın 3-də Azərbaycan xalqı Heydər Əliyevi alternativ əsasda səs
çoxluğu ilə Azərbaycan Respublikasının Prezidenti seçdi. Bu seçkilər bütün
Azərbaycan xalqının Heydər Əliyevə böyük ümidlər bəslədiyini, inandığını bir
daha nümayiş etdirdi. Yenədə torpaqların düşmənə verilməsi ilə ölkədə siyasi
böhran yaranacağına, hakimiyyət çevrilişi olacağına ümid edənlərin və
hakimiyyəti ələ keçirmək istəyənlərin cinayətkar satqınlığı nəticəsində 1993-cü
ilin yayında və payızında Azərbaycanın ərazi bütövlüyünə yeni zərbələr vuruldu.
Azərbaycan Prezidenti Heydər Əliyevin uğurlu diplomatiyası, milli ordunun
güclənməsi nəticəsində düşmən və onun havadarları artıq münaqişənin zorakı
vasitələrlə həll etmək cəhdlərinin perspektivsizliyini dərk edirdilər. 1994-cü
il mayın 12-də cəbhələrdə atəşkəsə nail olundu.
Azərbaycan dövlətçiliyinin bərpa və inkişaf
etdirilməsinə, içtimai-siyasi sabitliyinin, ərazi bütövlüyünün təmin olunması
kimi mürəkkəb işə dövlət intizamının, qanunçuluğun, hüquq-mühafizə
orqanlarının, ordunun daha da möhkəmləndirilməsindən başlandı.
Venera Rəsulova,
Xocalı
rayon ziyalısı