Xüsusi təyinatlı əzmkarlığı ilə fərqlənən cəsur döyüşçü...

       44 gün davam edən Vətən müharibəsi 30 ilə yaxın erməni işğalı altında qalan torpaqlarımızın azad olunması ilə nəticələndi. Bu müharibədə Daxili İşlər Nazirliyinin Daxili Qoşunlarının hərbi qulluqçuları döyüş tapşırıqlarını uğurla yerinə yetirərək  şücaət nümunələri göstəriblər. Onlardan döyüşlərə qumbaraatan kimi qatılan çavuş Beydiyev Ənvər Çingiz oğlu şərəfli döyüş yolu keçən mərd oğullarımızdan biridir.

Çavuş Ənvər Beydiyev 1992-ci il iyunun 13-də Şəki rayonunun Oxud kəndində anadan olub. 1998-2010-cu illərdə doğma kəndindəki Nurpaşa Hümmətov adına tam orta məktəbdə təhsil alıb.

2010-cu ilin iyul ayından 2012-ci ilin yanvar ayınadək Ənvər Dövlət Sərhəd Xidmətinin sıralarında müddətli həqiqi hərbi xidmət keçib. Hərbi xidmətdən qayıtdıqdan sonra 3 il Şəki Rayonlararası Mühafizə Şöbəsində mülki mühafizəçi vəzifəsində işləyib. O, 2016-cı ilin mart ayında Daxili Qoşunlarda müddətdən artıq həqiqi hərbi xidmət etmək üçün sənədlərini verərək, Lənkəran rayonunda yerləşən “N” saylı hərbi hissədə xüsusi vasitələrin tətbiqi dəstəsində atıcı vəzifəsinə təyin olunub. Həmin ilin dekabr ayında isə xüsusi təyinatlı dəstəyə keçirilib. Xüsusi təyinatlı dəstənin atəş təminatı və xüsusi həmlə qrupunda heyət nəfəri vəzifəsində xidmət edən hərbi qulluqçumuz 2020-ci ilin may ayında xüsusi həmlə qrupunda atıcı-qumbaraatan vəzifəsinə təyin edilib. Vətən müharibəsi başlayana qədər bu vəzifədə xidmət edən Ənvər xüsusi təyinatlıların sırasında torpaqlarımızın azad edilməsi uğrunda mübarizəyə qoşulub. Xüsusi təyinatlı kimi də təlim və məşğələlərdə qazandığı təcrübə döyüş sınağında onun köməyinə yetib.

Qazimiz Vətən müharibəsində ön sıralarda döyüşən dəstələrdə olub. Füzuli, Cəbrayıl və Şuşa istiqamətlərində aparılan hərbi əməliyyatlarda fəal iştirak edib.

2020-ci ilin oktyabr ayının 17-də çavuş Ə.Beydiyev Füzuli rayonunun ərazisində döyüş əməliyyatına cəlb olunub. “Beton post” adlanan ərazidə şiddətli döyüşün getdiyini bildirdi: “Düşmənin artilleriya vasitələrinin atəşinə məruz qaldıq. Çoxlu sayda minaatan mərmisi atılırdı. Lakin düşməni məhv edərək möhkəmləndirilmiş postlarını tutmağa müvəffəq olduq. Bu döyüşdə dəstəmizin hərbi qulluqçusu kiçik gizir Anar Məmmədov qəhrəmancasına şəhid oldu”.

Ənvərin daxil olduğu qrup buradan Cəbrayıl rayonunun ərazisinə göndərilib. İşğaldan azad olunan Cəbrayıl rayonunda axtarış əməliyyatlarında iştirak ediblər.

Digər bölmələrlə yanaşı, bu qrupun da qarşısına qoyulan növbəti döyüş tapşırığı Şuşanın azad olunması olub. Hərbi qulluqçumuz Şuşa döyüşlərində də öz mətinliyi ilə fərqlənib. Ən qaynar nöqtələrdə bacarıqlı, qətiyyətli hərbçi kimi döyüşüb, düşmənə sarsıdıcı zərbələr vurmaqla onu texnika və canlı qüvvə sarıdan itkiyə uğradıb.

Döyüşçülərimiz Şuşaya meşə və dağ keçidlərini aşaraq həmlə ediblər. Ənvərin daxil olduğu qrup bir neçə gün yol qət edərək Şuşanın ətrafına yaxınlaşıb. Şəhərin yaxınlığında əlverişli mövqelərin tutulması, düşmənin köməyə gələ biləcək canlı qüvvəsinin qarşısının alınması tapşırıqları verilib.

Onların qrupu mayor Cavid Tağıyevin rəhbərliyi altında (hazırda “N” saylı hərbi hissədə “Gürzə” şərti adı daşıyan xüsusi təyinatlı dəstənin komandiri) Şuşa ətrafındakı meşəlik ərazidə irəliləyərək Xankəndidən Şuşaya gələn yolu nəzarətə götürmək üçün “Zapravka” deyilən əraziyə istiqamət alıblar. Ənvər burada noyabr ayının 6-da yaxın məsafədə gərgin döyüşlərin getdiyini bildirdi: “Həmin əraziyə çatanda düşmən zirehli texnika ilə bizim qüvvələri atəşə tutmağa başladı. Qrupun tərkibində iriçaplı silahlar az olduğundan, düşmənin zirehli texnikalarına qarşı mübarizə aparmaq çətin idi. Mənim RPQ-7 qumbaraatanı ilə düşmənin zirehli texnikasına atəş açmağım nəticəsində 2 tank zərbə alaraq geri çəkildi. İşğalçıların xeyli sayda canlı qüvvəsi isə məhv edildi. Yaralanan hərbi qulluqçularımız oldu. Düşmən tankından bizim mövqeyə atılan mərminin qəlpələri mayor Cavid Tağıyevi qolundan və ayağından yaraladı. Ona dəstənin feldşeri gizir Aydın Rzayev ilkin tibbi yardım göstərdi. Biz onların şəxsi heyət daşıyan avtomobillərini atəşə tutaraq məhv edirdik. Düşmən iriçaplı silahlarımızın sursatının tükəndiyini başa düşdüyündən, öz hərbi qulluqçularını zirehli texnika ilə aparmağa başladı”.

Qazimiz yaralanmasını belə xatırladı: “Düşmən yaxın məsafədə döyüşdə məğlub olduğundan, uzaq məsafədən mövqelərimizi tank və minaatanlardan atəşə tuturdu. Noyabr ayının 6-da axşam vaxtı Şuşa-Xankəndi yolunda düşmən tankından bizim mövqeyə atılan mərminin partlaması nəticəsində ayaqlarımdan qəlpə yarası aldım. Mənimlə pusquda olan xüsusi təyinatlı qüvvələrin 2 nəfər zabiti də yaralandı. Yaralı vəziyyətdə meşə istiqamətində təxminən 100 metrə kimi süründüm. Meşədə digər yaralılarımızın saxlandığı yerə gəldim. Yaralanmağıma baxmayaraq, bu halda həmin gün və səhəri gün axşama qədər döyüşçü yoldaşlarımla birlikdə döyüşü davam etdirdim. Burada dəstəmizin hərbi qulluqçularından kömək üçün gələn baş çavuş Kənan Kərimov, çavuşlar Mehrac Qarayev və Zamiq Ağayevin də olduğu təxminən 15 nəfərlik qrup yaralılarımızın düşmənə əsir düşməsinin qarşısını almaq üçün mövqelənərək atəş nöqtələri qurmuşdu. Onlar, həmçinin, Xankəndi istiqamətindən Şuşaya gələn işğalçıların qüvvələrini pusquya salaraq məhv edirdilər. Düşmən burada yaralıların və pusqu qrupunun olduğunu müəyyən etdiyindən, tank və 100 nəfərə yaxın canlı qüvvə ilə bizim tərəfə həmləyə keçdi. Sayca üstün olan düşmənə qarşı qorxmadan yaxın məsafədə mübarizə aparırdıq. Düşmən tankının yaxınlaşdığını görən baş çavuş Kənan Kərimov məsafənin təxminən 20 metrliyində tankın qarşısına çıxaraq qumbaraatanla atəş açdı. Bu atışdan zərbə alan tank Xankəndi istiqamətində geri çəkildi. Bundan qorxuya düşüb qaçmağa cəhd edən düşmənin 100 nəfərə yaxın canlı qüvvəsi məhv edildi”.

Ənvər düşmənin bir neçə zirehli texnikasını sərrast atışları ilə sıradan çıxaran, canlı qüvvəsini ciddi itkiyə məruz qoyan, döyüşçülərimizin irəliləməsində hünər göstərən, onunla birlikdə xidmət etmiş baş çavuş Kənan Kərimovun, çavuşlar Mehrac Qarayev və Zamiq Ağayevin xidmətlərinin unudulmayacağını bildirdi.

Hərbi qulluqçumuz noyabrın 8-də döyüş bölgəsindən təxliyyə olunaraq Hadruta gətirilib. Füzuli, Gəncə və Ağcabədidə müalicə alan qazimiz daha sonra müalicəsini Daxili Qoşunların Hərbi Qospitalında davam etdirib. Ənvər burada tibb işçilərinin ona xüsusi diqqət və qayğı göstərdiklərini vurğuladı.

Ənvərin yarımqrup komandiri, 3-cü dərəcəli “Rəşadət” ordeni, “Şuşanın azad olunmasına görə” və “Füzulinin azad olunmasına görə” medalları ilə təltif edilmiş baş çavuş Kənan Kərimov onunla birlikdə Şuşa ətrafında bir sıra döyüş tapşırıqlarını yerinə yetirdiklərini söylədi: “Ənvər olduqca vətənpərvər bir hərbi qulluqçu olduğunu döyüş meydanında göstərdi. O, qumbaraatan olduğundan şəxsi heyətdən bir az öndə gedib. Düşmənin bir neçə zirehli texnikasını sıradan çıxarıb. Düşmən texnikasının sıradan çıxarılması nəticəsində döyüşçülərimizin az itki ilə irəliləməsinə imkan yaradıb. Ənvər hətta düşmənin öz silahı - snayperi ilə çoxlu sayda atəş nöqtəsini susdurub”.

Azərbaycan Respublikası Prezidentinin 18 dekabr 2020-ci il tarixli, 25 dekabr 2020-ci il tarixli və 29 dekabr 2020-ci il tarixli müvafiq sərəncamları ilə çavuş Ə.Beydiyev “Cəsur döyüşçü”, “Füzulinin azad olunmasına görə” və “Şuşanın azad olunmasına görə” medalları ilə təltif edilib.

Hazırda xidmətini davam etdirən çavuş Ə.Beydiyev xidmət etdiyi dəstənin qarşısına qoyulan tapşırıqların yerinə yetirilməsində öz ayıq-sayıqlığı və çevikliyi ilə komandanlıq tərəfindən müsbət xarakterizə olunur. 2021-ci ilin may ayında Azərbaycan sərhəddini pozaraq silahlı insidentdən sonra hadisə yerindən qaçan və Yardımlı rayonunun ərazisində gizlənən İran vətəndaşlarının zərərsizləşdirilməsi üzrə əməliyyatda da fəal iştirak edib.

Belə hərbi qulluqçularımızın fədakar xidməti şəxsi heyət üçün layiqli nümunədir.

 

kapitan Sadıq Rəfiyev,  

DİN-in Daxili Qoşunlarının

Muzey rəhbəri

 

Davamını oxuyun

İlk və son döyüşü Füzuli istiqamətində oldu...

44 gün davam edən Vətən müharibəsində qəhrəmanlıq nümunələri ilə zəngin olan hər bir hərbi əməliyyatın, o cümlədən, Füzuli uğrunda gedən döyüşlərin dərindən öyrənilməsi və cəmiyyətdə geniş təbliğ olunması vətənpərvərlik ruhunun yüksəldilməsi baxımından mühüm əhəmiyyət kəsb edir. Təsadüfi deyil ki, Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı cənab İlham Əliyev 2020-ci il oktyabrın 17-də xalqa etdiyi müraciətində bu döyüşlərin tarixi əhəmiyyətini vurğulayaraq, cəsur oğullarımızın göstərdiyi qəhrəmanlıq nümunələrini yüksək qiymətləndirib: “Füzuli uğrunda döyüşlər ağır döyüşlərdi. Vaxt keçəcək, bu döyüşlər haqqında kitablar yazılacaq, əsərlər yazılacaq. Doğrudan da, çox böyük peşəkarlıq, məharət, şücaət, fədakarlıq tələb edən döyüşlərdi. Çünki bu 30 il ərzində düşmən təmas xəttində o qədər möhkəm istehkam qurmuşdur ki, bəziləri hesab edirdi ki, Füzuli şəhərini işğaldan azad etmək mümkün deyil. Ancaq müzəffər Azərbaycan Ordusu bu şərəfli missiyanın öhdəsindən gələ bildi və qısa müddət ərzində Füzuli rayonunun əksər kəndləri və Füzuli şəhəri düşmənin tapdağından azad edildi”.

Vətən müharibəsi zamanı Füzuli uğrunda son damla qanınadək döyüşərək şəhidlik zirvəsinə ucalmış cəsur silahdaşlarımızdan biri də kiçik gizir Məmmədov Anar Zəhəddin oğludur.

Kiçik gizir Anar Məmmədov 1992-ci il oktyabrın 25-də Saatlı rayonunun Azadkənd kəndində anadan olub. Zəhəddin Məmmədovun və Qabiliyyət Məmmədovanın böyüdüb tərbiyə etdiyi üç övladın (Səkinə, Anar və Azər) ortancılı idi...

Təhsil aldığı Vüqar Əzimov adına Saatlı rayonu Qıraqlı kənd tam orta məktəbin    9-cu sinfini bitirən Anar Sabirabad rayonundakı Sosial-İqtisad Kollecinə qəbul olunub. 2012-ci ildə kolleci “Dövlət yol polisində inzibati hüquq fəaliyyəti-yol polisi müfəttişliyi” ixtisası üzrə bitirib. Hələ uşaq yaşlarından idmana böyük marağı olduğundan, təhsil aldığı illərdə məşğul olduğu qaydasız döyüş və boks idman növləri üzrə dəfələrlə yüksək nəticələr göstərib, respublika çempionu adını qazanıb. Məhz bu baxımdan Anarın ən böyük arzularından biri də gələcəkdə bu idman növləri üzrə iştirak edəcəyi beynəlxalq yarışlarda parlaq qələbələr qazanaraq, üçrəngli bayrağımızı yüksək zirvələrdə dalğalandırmaq olub.   

Müddətli həqiqi hərbi xidmətini 2012-ci ilin iyul ayından 2014-cü ilin yanvar ayınadək Müdafiə Nazirliyinin “N” saylı hərbi hissəsində keçib. Lakin hərbi xidmətə olan böyük marağı səbəbindən yenidən ordu sıralarına qayıtmaq qərarını verib. Beləliklə, qısa fasilədən sonra, yəni 2014-cü ilin aprel ayından Daxili Qoşunların Lənkəran rayonunda yerləşən “N” saylı hərbi hissəsinin xüsusi vasitələrin tətbiqi dəstəsində müddətdən artıq həqiqi hərbi xidmət hərbi qulluqçusu kimi yenidən Vətənə olan şərəfli borcunu vicdanla yerinə yetirməyə başlayıb. 2014-cü ilin dekabr ayından xüsusi təyinatlı dəstənin xüsusi həmlə qrupunda qumbaraatan köməkçisi, atıcı-qumbaraatan köməkçisi vəzifələrində xidmətini davam etdirən Anar 2019-cu ilin dekabr ayından etibarən xüsusi həmlə qrupunda yarımqrup komandiri vəzifəsini şərəflə yerinə yetirib. Yarımqrup komandiri kimi bilik və bacarığı sayəsində hər zaman böyük rəislərin etimadını doğruldub, eləcə də tabeliyində olan şəxsi heyətin hörmətini qazanmaqla, onlara nümunə olmağı bacarıb. Əsl xüsusi təyinatlıya xas olan yüksək döyüş hazırlığı və əzmkarlığı ilə qazandığı “Zoğalı beret”i də hər zaman böyük qürur hissi ilə daşıyıb.    

“N” saylı hərbi hissədə “Gürzə” şərti adını daşıyan xüsusi təyinatlı dəstənin komandiri mayor Cavid Tağıyev (Vətən müharibəsi zamanı Şuşa istiqamətində gedən döyüşlərdə yaralanıb) vaxtilə birgə xidmət etdiyi kiçik gizir A.Məmmədovu vətənpərvər, hərbçi peşəsini sevən əsl döyüşçü, eyni zamanda, yoldaşlığa önəm verən sağlam əqidəli bir insan kimi hər zaman xatırlayacağını bildirdi: “Anar hər zaman tələbkar və bacarıqlı yarımqrup komandirlərindən biri olub. Əlbəyaxa döyüş fəndlərini çox yaxşı bilirdi. Vətənə məhəbbət, düşmənə nifrət ruhunda döyüş əməliyyatlarında iştirak etmək onun ən böyük arzusu və  xüsusi təyinatlı amalı idi.

Son dərəcə mərd, ədalətli və mərhəmətli olması isə deyərdim ki, Anarın təfəkkür və davranışlarının əsas özəyini təşkil edirdi. Məhz bu xüsusiyyətlərinə görə də kollektivin, o cümlədən, onu yaxından tanıyan hər kəsin dərin hörmət və rəğbətini qazanmışdı”. 

17 oktyabr 2020-ci il... Füzuli istiqamətində “Karyer” deyilən ərazidə gedən döyüş Anarın ilk və son döyüşü oldu. Onunla birgə bu döyüşdə iştirak etmiş “Gürzə” xüsusi təyinatlı dəstəsində yarımqrup komandiri, 3-cü dərəcəli “Rəşadət” ordeni, “Şuşanın azad olunmasına görə” və “Füzulinin azad olunmasına görə” medalları ilə təltif edilmiş baş çavuş Kənan Kərimov cəsur silahdaşının döyüş meydanında göstərdiyi qəhrəmanlıq nümunələri ilə hər zaman qürur duyacağını bildirdi: “Anarla birgə Vətən müharibəsi zamanı qatıldığımız ilk və son döyüş 2020-ci il oktyabrın 17-də Füzuli istiqamətində, “Karyer” deyilən ərazidə olub. Dəstəmizin qarşısına ermənilərin burada yerləşən və “Beton post” deyilən möhkəmləndirilmiş mövqelərini almaq tapşırığı qoyulmuşdu. Müxtəlif cinahlardan düşmən üzərinə hücum etmək üçün dəstəmiz əməliyyat planına uyğun olaraq ayrı-ayrı qruplara bölünmüşdü. Bizim qrup kapitan Taleh Rüstəmlinin rəhbərliyi altında sağ cinahdan düşmən mövqeyi istiqamətində hərəkətə başladı. İrəlilədiyimiz yollar olduqca təhlükəli idi. Belə ki, ərazi açıqlıq olduğundan və ermənilərin müşahidə postları yüksəklikdə yerləşdiyindən, mənfur düşmən hərəkət etdiyimiz yolları uzaq məsafədən minaatan atəşinə məruz qoyurdu. Lakin bütün bunlara baxmayaraq, tərkibində kiçik gizir A.Məmmədovun da olduğu qrupumuzun cəsur xüsusi təyinatlıları – gizirlər Aydın Rzayev, Məmməd Məsimov, baş çavuş Vüsal Xasməmmədov, çavuşlar Zamiq Ağayev, İlkin Abuyev, Elvin Abbasov, Heydər Heydərov və əsgər Fərid Seyfullayev (Şuşa istiqamətində gedən döyüşdə şəhid olub) gözlərini belə qırpmadan irəliləyərək, düşməni məhv edib postu aldılar. Qorxuya düşən və vuruşmağa cəsarəti çatmayan ermənilər xeyli sayda silah-sursatını, eləcə də artilleriya qurğularını postda atıb qaçmışdılar.

Bu uğurlu əməliyyatdan sonra aldığımız növbəti tapşırığa uyğun digər qrupumuzla birləşib yenidən hücumu davam etdirmək üçün hərəkətə başladıq. Artıq axşam düşmüşdü. Qruplar arasında xeyli məsafə vardı. Hərəkətdə olduğumuz vaxt qəfildən erməni silahlılarının pusqusuna düşdük. Şiddətli atışma başladı. Bir müddət vuruşduqdan sonra düşmən gülləsinə tuş gələn cəsur silahdaşımız kiçik gizir Anar Məmmədov qəhrəmancasına şəhid oldu. Digər silahdaşımız çavuş E.Abbasov isə ayağından güllə yarası aldı. Mən Elvini sürüyərək yaxınlıqdakı çökəklik əraziyə gətirdim, elə oradaca ona gizir A.Rzayev tərəfindən ilkin tibbi yardım göstərildi. Bu ərazidə mövqelənib, yenidən düşmənin əlinə keçməməsi üçün azad etdiyimiz postun müdafiəsində dayandıq”.

Şuşayadək döyüş yolu keçən baş çavuş K.Kərimov sonrakı döyüşlərdə şəhid olmuş və yaralanmış silahdaşlarının intiqamının ermənilərdən artıqlaması ilə alınmasının onların ən böyük təsəllisi olduğunu dedi.    

Kiçik gizir A.Məmmədov 2020-ci il oktyabrın 18-də Saatlı rayonunun Qıraqlı kənd qəbiristanlığında dəfn olunub. Evli idi. Solmaz adlı bir qız övladı yadigar qalıb. 

Azərbaycan Respublikası Prezidentinin 15 dekabr 2020-ci il tarixli və 25 dekabr 2020-ci il tarixli müvafiq sərəncamları ilə kiçik gizir Məmmədov Anar Zəhəddin oğlu (ölümündən sonra) “Vətən uğrunda” və “Füzulinin azad olunmasına görə” medalları ilə təltif edilib.

Anarın ailə üzvlərinin xatirələri əsasında Azərbaycan Dövlət Televiziyası, eləcə də “ARB” və “Azad Azərbaycan” televiziya kanalları tərəfindən şəhid hərbi qulluqçumuzun gənc nəsilə nümunə olan həyat və döyüş yolu barədə məlumatlar izləyicilərə təqdim edilib.

Onu da qeyd edim ki, Azərbaycan Respublikasının daxili işlər naziri general-polkovnik Vilayət Eyvazovun diqqət və qayğısı nəticəsində şəhid hərbi qulluqçumuzun qardaşı Azər daxili işlər orqanlarında xidmətə qəbul edilib. Azər Məmmədov hazırda Saatlı Rayon Polis Şöbəsində post-patrul xidməti bölüyünün polis nəfəri vəzifəsindədir.

“Bir Anar itirdim, min Anar qazandım” - deyən hörmətli şəhid atası  Zəhəddin Məmmədovun qeyd etdiyi kimi, bu gün də Anartək əldə silah Vətənimizin keşiyində ayıq-sayıq dayanıb xidmət aparan və onun uğrunda canından keçməyə hər zaman hazır olan minlərlə igid silahdaşımız var. Vətən uğrunda canını qurban verən qəhrəman oğullarımızın əziz xatirəsi isə qədirbilən xalqımızın qəlbində əbədi olaraq yaşayacaqdır.

 Allah rəhmət eləsin!

mayor Anar Əhmədov,

DİN-in Daxili Qoşunlarının

 “Əsgər” qəzetinin redaktoru

Davamını oxuyun

39 illik tarixi olan Vaqif Poeziya Günləri yenidən Şuşada

 

        Əsası 1753-cü ildə Qarabağ xanı Pənahəli xan tərəfindən qoyulmuş Şuşa şəhəri gözəlliyinə görə Azərbaycanın mədəniyyət incisi hesab edilir. Təəssüflər olsun ki, bu əsrarəngiz​ ​ mədəniyyət incisi XX əsrin​ sonunda erməni vəhşiləri tərəfindən işğal edildi, əsrlərlə burada yaradılmış mədəni irs erməni vandalları tərəfindən darmadağın edildi. Maraqlısı o idi ki, bütün bu vəhşiliklər dünya ictimaiyyətinin gözləri qarşısında baş verirdi. Hər hansı bir kilsədən bir daş düşəndə vay-şüvən qoparan beynəlxalq qurumlar Şuşada baş verən mədəniyyət soyqıtımını sükutla qarşılayırdı. Tarix heç vaxt cansız heykəllərin güllələnməsinin şahidi olmamışdı, ancaq dünyanın bir çox inkişaf etmiş ölkələri tərəfindən dəstəklənən, havadarlıq edilən ermənistan, bu vəhşiliyə də imza atdı. Üzeyir Hacıbəyovun, Xurşidbanu Natəvanın və Bülbülün güllələnmiş heykəlləri sonradan erməni vəhşiləri tərəfindən Gürcüstana satılmış, nəhayət Azərbaycanın dövlət rəhbərlərinin qətiyyəti nəticəsində yenidən alınaraq Azərbaycana gətirilmişdir. Dagıdılan mədəniyyət abidələri içərisində 1982-ci ildə tamamlanmış, tanınmış Azərbaycan şairi və ictimai xadimi Molla Pənah Vaqifin məqbərəsi də var idi.​ ​ ​ ​ ​ ​ ​ Vaqifin məqbərəsinin Şuşada ucaldılması məhz Azərbaycanın Ümummilli Lideri Heydər Əliyevin tapşırığı ilə həyata keçirilmişdir. Məlumdur ki, 1982-ci ildə həmin abidənin açılışında Ümummilli Lider Heydər Əliyev şəxsən iştirak etmişdir.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ 

        1992-ci ildə erməni vəhşiləri tərəfindən işğal edilmiş Şuşa şəhəri, 29 illik həsrətdən sonra , nəhayət ki, Ali Baş Komandan, Azərbaycan Respublikasının Prezidenti İlham Əliyevin rəhbərliyi altında Qəhrəman Azərbaycan ordusu tərəfindən mənfur düşməndən təmizlənərək azad edildi.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​  

        Vətən müharibəsi başa çatdıqdan dərhal sonra Azərbaycan Respublikasının Prezidenti cənab İlham Əliyevin göstərişi ilə işğaldan azad edilmiş ərazilərdə, o cümlədən Şuşada quruculuq işlərini başlanıldı. Artıq görülən işlər göz qabağındadır. Azərbaycan Prezidenti İlham Əliyevin və Birinci Vitse Prezident Mehriban xanım Əliyevanın iyun ayının 28-də Molla Pənah Vaqifin Şuşadakı məqbərəsinin bərpadan sonrakı açılışındakı iştirakı bir daha ölkə başçısının nə qədər doğru yolda olduğunun parlaq nümunəsidir.​ ​ ​ ​ ​ ​ ​ ​ ​ ​ ​ ​ ​ ​ 

        Ölkə Başçısı cənab İlham Əliyevin çıxışındakı bir məqam xüsusilə diqqəti cəlb edirdi. O, qeyd etdi ki, 1982-ci ildə mənim durduğum bu yerdə atam dururdu. O zaman atamın 59 yaşı var idi. İndi isə mənim 59 yaşım var və mən burdayam. Əlbəttə, bu məqam simvolik xarakter daşısa da Heydər Əliyev siyasi kursunun nə qədər doğru olduğunu, bu yolun qətiyyətlə davam etdirildiyini bir daha gözlərimiz önündə sərgiləyir.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ Hələ separatçı rejimin başçısı, sonradan quldur Ermənistanın quldurbaşı prezidenti Robert Köçəryanla Naxçıvan Muxtar Respublikası​ ilə sərhəddə görüşmək məcburiyyətində qalan Ümummilli Lider Heydər Əliyev ondan soruşur ki, Şuşada hər şeyi dağıtmısınız, heç olmasa Vaqifin məübərəsi yerində dururmu? Köçəryan cavabında bildirir ki, biz oraya gələnə qədər oradakı aliminüum lövhələri, dəmir konstruksiyaları söküb aparmışdılar. Qalan hissəni qoruyub saxlaya bilmişik. Heydər Əliyev onu dinlədikdən sonra öz-özünə deyir ki, gözünün içinə qədər yalan deyirsən. Onların hamısını bilavasitə özün dağıtmısan.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ 

        44 günlük Vətən müharibəsində Ali Baş Komandan cənab İlham Əliyevin Dəmir Yumruğu mənfur düşmənin başını əzdi, onu təslim olmağa məcbur etdi. Azərbaycan Respublikasının Prezidenti cənab İlham Əliyevin Dəmir İradəsinin sayəsində isə bu gün işğaldan azad edilmiş ərazilərdə geniş quruculuq işləri aparılır. Bütün bunlar onu göstərir ki, Azərbaycan güclü dövlətdir, onun bu dövləti irəliyə aparacaq güclü dövlət başçısı var. Artıq qətiyyətlə demək olar ki, Qarabağ Azərbaycandır !​ ​ ​ ​ ​ ​ ​ ​ ​ 

Aydın Əliyev,

Xocalı rayonundan məcburi köçkün

Davamını oxuyun

Müharibə əlillərinin sosial şəraitinin yaxşılaşdırılması istiqamətində tədbirlərdən biri də onların avtomobillə təmin olunmasıdır

         İndiyədək 7200 müharibə əlili avtomobilə təmin olunub. Cari ildə isə 160 avtomobilin verilməsi nəzərdə tutulub.

         Kompleks ərazisində 280 yerlik uşaq bağçası da inşa olunub. Uşaqların xoşbəxt böyüməsi, onlarıb həm fiziki, həm də mənəvi cəhətdən sağlam olması işinə Azərbaycan dövləti daimi xüsusi diqqət göstərir.

 Prezident İlham Əliyev və birinci xanım Mehriban Əliyeva şəhid ailələri və müharibə əlillərinin sosial təminatı, postmüharibə dövründə sosial dəstək, məşğulluq, mənzil, fərdi ev və avtomobil, həmçinin müasir reabilitasiya vasitələri ilə təminatı istiqamətində görülən işlər barədə məlumat verdilər.

 1997-2021-ci illərdə şəhid ailələrinin üzvülərinə 10 min 500 mənzil və fərdi ev təqdim olunub. Prezidentin bu il imzaladığı Sərancamla 2021 -2025 ci illərdə şəhid ailələrinə 11 min mənzil və fərdi ev veriləcək.

 7 ayda 52 min nəfər işlə təmin edilib, 7 min 200 nəfər isə ictimai 

işlərə cəlb edilib, 26 min 200 nəfər reabilitasiya xitməti göstərilib.

Emin Əhmədov,

Xocalı Şəhər 5 saylı tam orta məktəbin təşkilatçı müavini

Davamını oxuyun

Zəfər qazanan qüdrətli Azərbaycan ordusunun hərbiçilərinə, qazilərinə daim diqqət və qayğı göstərilir

 

        Azərbaycan Respublikasının Prezidenti İlham Əliyev  və birinci xanım Mehriban Əliyeva avqustun 26-da Abşeron rayonunda şəhid ailələrinə, müharibə əlillərinə və Vətən müharibəsi qəhrəmanlarına mənzillərin vı avtomobillərin təqdim olunması mərasimində iştirak ediblər.

    Vətən Müharibəsi Qəhrəmanlarına 300 mənzil, həmçinin müharibə əlillərinə 50 avtomobil təqdim olunub.

         Ali Baş Komandan İlham Əliyev Vətən müharibəsində

 şəhidlik zirvəsinə ucalanların ailə üzvülərinə, Zəfər qazanan qüdrətli Azərbaycan ordusunun hərbiçilərinə, qazilərinə daim diqqət və qayğı göstərir. Vətəndaşlarımızın sosial müdafiəsinin möhkəmləndirilməsini, o cümlədən mənzil, fərdi ev və avtomobillərlə təmin edilməsi istiqamətində həyata keçirilən komleks tədbirlər buna bariz nümunədir.

Arif Miriyev,

Xocalı rayonundan məcburi köçkün

Davamını oxuyun

Qarabağ müharibəsində əlil olmuş şəxslərə, şəhid ailələrinə dövlət daim qayğı və diqqət göstərir

         İkinci Qarabağ müharibəsi bizim şanlı tariximizdir. Bu şanlı qələbə Azərbaycan xalqının tarixində əbədi qalacaq. Bəlkə də tarixdə buna oxşar parlaq və tam qələbə heç vaxt olmamışdır. Hərbiçilərimizin peşəkarlığı, qəhrəmanlığı, texniki təchizat, həm də vətənpərvərlik hissi – bütün bu amillər, xalq - iqtidar birliyi, ölkəmizdə mövcud olan sabitlik və xoş ovqat qələbəyə gətirən amillər olmuşdur. Müharəbə dövründə bir dənə də fərari olmamışdır. Ermənistan ordusunda 10 mindən çox fərari olmuşdur. Onların yarısı ölkədən qaçmışdır. Ermənistan ordusunun zabitləri əsgərləri zəncirləyirdilər ki, qaçmasınlar. Kütləvi qaçış hökm sürürdü. Bax budur bizim nailiyyətimiz. Amma bizim bir nəfər də olsun döyüş meydanından qaçmadı. İkinci Qarabağ müharibəsində bizim planlarımız tam yerinə yetirlidi, arzularımız reallığa çevrildi. Qarşımıza qoyduğumuz hədəf minimum itkilərlə çatdıq.                               Biz üç minə yaxın şəhid vermişik. Biz düşmənləri torpağımızdan qovduq, ərazi bütövlüyümüzü bərpa etdik. Ona görə də üç minə yaxın şəhidimizin həyatdan getməsi əlbəttə böyük faciədir. Ancaq Ermənistan bu günə qədər öz itkiləri haqqında məlumat vermir. Bizdə olan məlumata əsasən onların itkiləri ən azı       7-8 mindir. Bu bir daha onu göstərir ki, biz bu istiqamətdə ən düzgün siyasət aparırıq və bu siyasət Azərbaycan xalqının maraqlarına tam cavab verir. İkinci Qarabağ müharibəsində əlil olmuş şəxslərə, şəhid ailələrinə dövlət daim qayğı və diqqət göstərir. Bildiyimiz kimi son illər ərzində ölkəmizdə genişmiqyaslı özünəməşğulluq proqramı icra edilir. Bu proqrama cəlb olunan 16 min nəfər arasında artıq 5 mindən çox şəhid ailələrinin üzvləri və müharibə əlilləri vardır. Yəni bu da daim diqqət mərkəzində olan məsələdir. Müharibədə əlini, qolunu, ayağını itirmiş hərbiçilərimiz üçün ən müasir protezlər sifariş verilmişdir və bu protezlər artıq quraşdırılır. Qarabağ müharibəsinin 100-dək qazisi artıq ən yüksək keyfiyyətli, dünyanın aparıcı firmalarının istehsalı olan protezlərlə təmin olunub və bu protezlər onları normal həyata qaytarır. Bu protezlərlə insan normal yaşaya bilər, gəzə bilər, qaça bilər, futbol oynaya bilər. Bütün bu genişmiqyaslı işlər, təşəbbüslərlə bərabər 8400 nəfərə müharibədə iştirak edən insanlara sosial ödənişlər verilib. Bu gün şəhid ailələri və müharibə əlilləri üçün yeni salınmış yaşayış kompleksi təqdim edilir. Mənzillərin şəraiti çox müsbətdir, çox yaxşıdır, işıqlı və genişdir. 620 nəfərlik məktəb, uşaq baxçası fəaliyyətə hazırdır. Yəni burda rahat yaşamaq üçün bütün imkanlar vardır. Burda şəhid ailələri Qarabağ qaziləri yaşayacaqlar. 

        Bu kateqoriyadan olan insanlara dövlət tərəfindən daim böyük diqqət və qayğı göstərir. Bunu təsdiqləyən rəqəmlər sözdə yox, əməldə özlüyündə bunun göstəricisidir. Son illər ərzində bu sahədə çox böyük işlər görülmüşdür. On min şəhid ailəsi və müharibə əlili dövlət tərəfindən mənzillərlə və fərdi evlərlə təmin olunub. Hazırda dünyada pandemiyanın davam etməsinə, bir çox ölkədə iqtsadi-maliyyə çətinliklərinin olmasına baxmayaraq, Azərbaycan Prezidenti İlham Əliyəvin rəhbərliyi ilə həyata keçirilən uğurlu dövlət siyasəti sayəsində heç bir sosial layihə təxirə salınmayıb, əksinə ölkəmizdə sosialyönümlü layihələrin sayı və coğrafiyası genişləndirilib. Bütün bunlar onu göstərir ki, Azərbaycan ölkə olaraq Prezidenti ilə vətəndaşlarının həmrəyliyi birliyi ilə dünya arenasında öz sözünü deyib və özünü doğruldub.

Arzu HACIYEVA,

Xocalı rayon ziyalısı

Davamını oxuyun

Azərbaycan xalqının xeyirxah, humanist, mərhəmətli, siyasətçi, qadın lideri - Mehriban xanım Əliyeva

          Müstəqil Azərbaycan  Dövlətinin hər bir sahədə inkişafında öz təşəbbüs və ideyaları ilə cəmiyyətdə daim xalqımız tərəfindən dəstəklənən, Prezident Cənab İlham Əliyevlə çiyin-çiyinə çalışan, Mehriban  xanım Əliyeva həm də insanlara  qarşı göstərdiyi humanist və  xeyirxah əməlləri ilə də böyük hörmət və nüfuz sahibi kimi  fərqlənmiş, siyasətdədə öz layiqli yerini tutmuşdur.

        Mehriban xanım Əliyeva  müsahibələrinin birində qeyd  edir “Uğur xatirinə uğur, hakimiyyət xatirinə hakimiyyət  və  ambisiya mənim üçün heç vaxt  aparıcı motiv olmayıb. Əsas  məsələ odur ki, ehtiyacı olan insanlara kömək edəsən".

          Azərbaycan  cəmiyyətində  müasir  siyasət   dünyasının  görkəmli   qadın  liderləri  sırasında  Azərbaycanın  Birinci   vitse-prezidenti  Mehriban  xanım  Əliyeva  Ölkəmizdə  çox  böyük  uğurla  qarşılanan  ideya  və  təşəbbüsslərin  müəllifidir.

Azərbaycanın  görkəmli   ziyalı  ailəsində  böyüyüb  təhsil  alan  Mehriban  xanım  Əliyeva  həm  də Ümummilli lider Heydər    Əliyev məktəbində bilik  və təcrübəsini  dahada  zənginləşdirərək,  Prezident  Cənab  İlham  Əliyevin  həyat  yoldaşı  olmağı  ilə  yanaşı  Dövlətimizin  inkişafında  Prezident  Cənab  İlham  Əliyevlə  çiyin-çiyinə  çalışmış,   peşəkar  diplomat  qadındır.

Hər  tərəfli   biliyə   malik   Mehriban  xanım  Əliyevanın  təşəbbüsü   sayəsində   1995-ci  ildə  Azərbaycan  Mədəniyyət  Fondu  təsis  edilmişdir.

Mehriban  xanım  Əliyeva  Azərbaycan  mədəniyyəti   tarixinin  nümunələrini  planetin  ən  ucqar  güşələrinə  belə  çatdıra  bilmişdir. Onun  elm,  təhsil,  mədəniyyət  və  idman  sahələrinin  inkişafına  yönəlmiş  fəaliyyəti, ölkədəki  quruculuq  proseslərində  yaxından  iştirakı  ciddi  elmi  əsaslara  söykənir: Mehriban  xanım  ölkə   daxilində  və  xaricdə  keçirdiyi  görüşlərdə  dərin  biliyə, geniş  erudisiyaya  malik  olduğunu  hər  dəfə  yüksək  səviyyədə  nümayiş  etdirir.

        Mehriban  xanım  Prezidentimizin  gördüyü  işlərə  davamlı  dəstəyi  ilə  həyata  keçirilən  siyasətə  töhfələri  ilə  bu  inamı  daha  da  qüvvətləndirir;  xalq-dövlət  münasibətlərinə  pozitiv  ruh  gətirir.

           Mehriban  xanım  Əliyevanın  ölkəmizin  ictimai-siyasi  və  mədəni  həyatında  rolu  mühüm, xidmətləri  danılmazdır.

Mehriban  xanım  Əliyeva  Heydər  Əliyev  Fondunun  prezidenti,  YUNESKO  və  İSESKO-nun  xoşməramlı  səfiri , Azərbaycan  Mədəniyyətinin  Dostları  Fondunun  sədri, Azərbaycan  Gimnastika  Federasiyasının  prezidenti, “Azərbaycan –İrs” jurnalının  redaktoru   və  Azərbaycan  Respublikasının  Birinci  Vitse-prezidentdir.

Azərbaycan  Respublikasının  Prezidentinin  21  fevral  2017-ci  il  tarixli  sərəncamı  ilə  Mehriban  Əliyeva  Azərbaycan  Respublikasının  Birinci   vitse-prezidenti   təyin  edilib  və  təyin  edildiyi  vaxtdan  bu  günədək  Mehriban  Əliyevanın  bu  günkü  ictimai   fəaliyyəti   Prezident   İlham  Əliyevin  uğurla   həyata  keçirdiyi  ümummilli  siyasətin   ayrılmaz   hisəssidir.

Mehriban  xanım  Əliyevanın  adı  müasir  dünyanın  lider  qadınlar  sırasında  çəkilir.Çox  şaxəli  fəaliyyətinin  nəticəsində  Mehriban  xanım  Ölkəmizin  xaricdə  tanıdılmasında,  mədəniyyətimizin  təbliğində  yorulmaz  fəaliyyət  göstərərək, Dövlət  siyasətinin  xaricdə  həyata  keçirilməsində   böyük    töhfələri ilə Dövlətimizlə  dostluq  əlaqələrinin qurulmasında   yadda  qalan  olmuşdur.

          Mehriban  xanım  Əliyevanın rəhbərlik  etdiyi  Heydər  Əliyev  Fondu   da  öz  növbəsində   bütün  bu  sahələrdəki  lahiyələrin  həyata  keçirilməsinə, xüsusilə  də  dünya  standartlarına  cavab  verən  və  ən müasir informasiya-kommunikasiya  texnologiyaları  ilə  təhciz  olunmuş  məktəblərin, baxçaların, tikintisinə  azərbaycançılıq  məfkurəsinin bərqərar  olunmasına,  milli-mənəvi   dəyərlərin  qorunmasına,  böyüməkdə  olan  gənc  nəslin  sağlam,  hərtərəfli  biliyə  malik,  layiqli   vətəndaş,  gələcəyin  mütəxəsisi  kimi  yetişməsinə  yardım  edir.

        Azərbaycanın  qədim  və  çağdaş  mədəniyyətinin, incəsənətinin milli   musiqi  sənətinin  dünyada  təbliğ  olunmasında  Mehriban  xanımın  UNESCO-da  xoşməramlı  səfir  təyin  olduğu  vaxtdan  misilsiz  xidmətləri  ilə  seçilmiş, milli-mənəvi  dəyərlərmizin,  qədim  mədəniyyət  nümunələrmizin  UNESCO-nun  qorunmaqda  olan  İrs  siyahısına  daxil  edilməsində  fəal  iştirak  etmişdir.

        Azərbaycanın  birinci  xanımı  Heydər  Əliyev  Fondunun  prezidenti, YUNESKO  və  İSESKO-nun   xoşməramlı   səfiri,  Birinci  vitse-prezident   Mehriban  xanım  Əliyevanın  həyata  keçirdiyi   möhtəşəm  işləri,  reallaşdırdığı  qlobal  lahiyələri  ortaq  bir  xətt  birləşdirir  - humanizm,  insanspərvərlik, mərhəmət. Bu  ali  mənəvi  keyfiyyətlər   Mehriban  xanım  Əliyevanın  siyasi  portiretinin  ən  ümdə  və  ülvi  cizgiləridir.

Azərbaycanın  birinci  xanımı  çıxışlarında  vurğulayır  : “Müasir  dünyada  hər  bir  ölkənin  inkişafı,  onun  dünya  birliyinə  inteqirasiyası   üçün  təhsilin  rolu   əvəzsizdir. Məhz  buna  görə  Heydər   Əliyev  Fondu  yarandığı  ilk  gündən  təhsilə  yardımı  öz  fəaliyyətinin  pioritet  istiqaməti  elan  etmişdir “.

        Həm  dünyanı  cənginə  almış  Koronovirus  (Covid-19)  pandemiyası  dövründə  həmdə  ki,  44  günlük  Vətən  müharibəsi  dövründə  Birinci  vitse-prezident  Mehriban  xanım  Əliyevanın  çağrışları  və  xeyirxah  təşəbbüsü  sayəsində  minlərlə  ailələrə  Heydər  Əliyev  Fondu  tərəfindən  maddi  yardım  göstərilmiş, vətəndaşlarmıza  maddi-mənəvi  dəstək  göstərilmişdir.

II  Qarabağ   müharibəsində  Müzəffər  Ali  Baş  Komandan  Prezident  Cənab  İlham   Əliyevin  və  rəşadətli  Azərbaycan  Ordusunun  əldə  etdiyi   Zəfərdən  sonra  Prezident  Cənab  İlham  Əliyev  və  Birinci  vitse-prezident   Mehriban  xanım  Əliyeva  tez-tez  işğaldan  azad  olunmuş  torpaqlarmıza  səfəri  təşkil  olunur.İşğaldan  azad  olunmuş  torpaqlarmızın  yenidən   dirçəldilməsində  Mehriban  xanımın  təşəbbüsü  ilə  Heydər  Əliyev  Fondu  tərəfindən  Şuşa  şəhərində  qədim  tarixə  malik  olan mədəniyyət  nümunələrmiz,  məscidlər, tarixi mədəni-abidələrmiz yenidən   bərpa olunur.

         Azərbaycan  Respublikasının  Birinci  vitse-prezidenti , Heydər  Əliyev  Fondunun  rəhbəri, UNESCO  və  ISESCO-nun  xoşməramlı  səfiri  və nəhayət, Azərbaycanın  Birinci xanımının adı, heç şübhəsiz  ki, bundan  sonra  da müasir dünyanın görkəmli lider qadınları sırasında ön sıralarda olacaq, ictimai statusu və uğurları onun  uğur hekayəsinin zənginləşməsinə, siyasi nailiyyətlərinə  yeni-yeni  parlaq  səhifələr  açacaq.

        Azərbaycan xalqının qəlbində, yaddaşında öz xeyirxah fəaliyyəti, insansevərliyi  və humanistliyi ilə əbədi qalacaq xoşməramlı misiyyaları  ilə kiçikdən-böyüyə hər bir  vətəndaşın sevgisini qazanmış   Birinci  vitse-prezident  Mehriban  xanımı  qarşıdan  gələn  ad  günü  münasibətilə  təbrik  edirik,  xalqımızın lider qadınına  can  sağlığı  və  uğurlu  fəaliyyət  arzulayırıq!.

Ceyran Quliyeva,

Xocalı rayon Qaragav kənd tam  orta məktəbin müəllimi

Davamını oxuyun

Azərbaycan qadınının qəhrəmanlıq salnaməsini davam etdirən Mehriban xanım

 

        Tarixin bütün mərhələlərində qəhrəman Azərbaycan kişisinin yanında, ona arxa-dayaq duran, ona ruh verən, yeri gələndə onunla çiyin-çiyinə vuruşan, öz həyat yoldaşına hədsiz sədaqət nümunəsi göstərən Azərbaycan qadını olmuşdur. Eyni zamanda tarixdə şanlı izlər buraxmış Azərbaycan qadınları da yox deyildir. Belələrinə misal olaraq Azərbaycan hökmdarı Uzun Həsənin anası, dövrünün ilk diplomat qadını Sara xatunu, İran hökmdarı Keyxosrovun başını kəsib qan tuluğunda boğan Tomrisi və bu kimi onlarla qəhrəman Azərbaycan qadınlarını qeyd etmək olar.​ Azərbaycan qadınının qəhrəmanlıq salnaməsini bu gün ölkə başçımız İlham Əliyevin həyat yoldaşı, ölkənin Birinci xanımı, Azərbaycan Respublikasının Birinci Vitse Prezidenti, Heydər Əliyev Fondunun Prezidenti, Azərbaycan Mədəniyyətinin Dostları Fondunun Prezidenti, Azərbaycan Respublikası Gimnastika Federasiyanın Prezidenti, Yeni Azərbaycan Partiyası sədrinin Birinci müavini, UNESCO-nun və İSESCO-nun Xoş Məramlı Səfiri Mehriban xanım Əliyeva davam etdirməkdədir.​ ​ ​ ​ ​ ​ ​ ​ ​ ​ ​ ​ ​ ​ ​ 

        Göründüyü kimi Mehriban xanım Əliyevanın bütün fəaliyyəti Azərbaycanın dünya miqyasında tanınmasına, ölkənin daxili və xarici siyasətinin mükəmməl şəkildə həyata keçirilməsi yolunda Azərbaycan Respublikasının Prezidenti cənab İlham Əliyevə yardımçı olmağa köklənib. Mehriban xanım Əliyeva beynəlxalq müstəvidə də bir çox xeyriyyə işlər də həyata keçirir. Buna misal olaraq Pakistan İslam Respublikasında inşa edilmiş məktəbi, Fransada, Rusiyada və dünyanın bir çox ölkələrində həyata keçirilən layihələri göstərmək olar. Bütün bu görülən işlər birmənalı olaraq Azərbaycanın beynəlxalq səviyyədə mövqeyinin möhkəmlənməsinə xidmət edir.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​

         Ötən ilin sentyabr ayında başlayan ikinci Qarabağ müharibəsində də Mehriban xanım Əliyeva öz fəaliyyəti ilə mənfur düşmənə qarşı mübarizədə daim Ali Baş Komandan cənab İlham Əliyevin yanında olduğunu öz əməli fəaliyyəti ilə nümayiş etdirdi. Azərbaycanın parlaq qələbəsi ilə nəticələnən 44 günlük Vətən müharibəsindən sonrakı quruculuq işlərində də ölkənin 1-ci xanımı Mehriban Əliyevanın yorulmadan, usanmadan çalışması göz qabağındadır.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​       

         Hal-hazırda işğaldan azad edilən torpaqlarda geniş miqyaslı quruculuq işləri aparılır. Həmin ərazilərdə böyük infrastruktur layihələri həyata keçirilir. Müxtəlif ərazilərdə yollar çəkilir, elektrik stansiyaları tikilir, hava limanları, yaşayış məntəqələri inşa edilir və həmin işlərə birbaşa ölkə rəhbəri cənab İlham Əliyev özü nəzarət edir. Belə ki, cənab İlham Əliyev tez-tez azad olunmuş ərazilərə səfər edir, görülən işlərin vəziyyəti ilə yaxından maraqlanır. Bütün bu səfərlər zamanı Mehriban xanım onun yanında olur, onu müşayiət edir. Hətta bəzən Prezident İlham Əliyev yarızarafat, yarıgerçək qeyd edir ki, mənim bu səfərlərimi Mehriban xanım tarixin yaddaşına köçürür.​ ​Meriban xanım Əliyeva ölkə Başçısı cənab İlham Əliyevin ən yaxın, ən etibarlı, ən sadiq silahdaşıdır. Onlar öz həyatlarını Azərbaycanın inkişafına, Azərbaycan insanının daha yaxşı yaşamasına həsr etmişlər. Bu yolda cənab İlham Əliyevə, onun sadiq silahdaşı Mehriban xanım Əliyevaya uğurlar diləyir, ölkəmizin çiçəklənməsi naminə yorulmadan fəaliyyət göstərmələrini arzu edirəm.

Ramil Qarayev,

Xocalı rayonundan məcburi köçkün

Davamını oxuyun

Qalib Lider Ali Baş Komandan İlham Əliyevin Kəlbəcərdən ermənilərə növbəti mesajı

 

        Azərbaycan Prezidenti İlham Əliyevin qalib Lider kimi Kəlbəcər və Laçın rayonlarına səfəri mühüm tarixi və strateji əhəmiyyətə malikdir. Azərbaycan Prezidenti torpaqlarımızı işğaldan azad edərək tarix yazan şanlı və qalib Ordunun Müzəffər Ali Baş Komandanı kimi çıxışında ölkəmizin prinsipial mövqeyini növbəti dəfə qətiyyətlə ifadə etdi, hazırkı hərbi-siyasi vəziyyəti dəqiq qiymətləndirdi, Ermənistana, onun havadarlarına ünvanlanmış açıq və konkret mesajlar verdi. Bir daha aydın oldu ki, siyasi və hərbi-strateji şərait tam Azərbaycanın nəzarətindədir.

        27 sentyabr 2020-ci il tarixindən başlayaraaq ölkə prezidenti Ali Baş Komandan İlham Əliyev cənablarının rəhbərliyi altında Müzəffər Ordumuzun gücü sayəsində 44 günlük davam edən “Dəmir Yumruq” əməliyyatı işğal altında olan torpaqlarımızın azad edilməsi ilə yanaşı “yenilməz erməni ordusu” mifini də darmadağın etmiş oldu.

        Ölkə prezidenti öz çıxışında Azərbaycanın əzəli torpaqları olan Zəngəzur, Göyçə, İrəvan torpaqlarında ermənilərin məskunlaşmasından danışaraq həmin ərazilərin Azərbaycan dilində adlandırılmasının vacibliyini də diqqətə çatdırdı.

Kəlbəcər rayonu Azərbaycanın strateji mövqedə yerləşən, təbii və zəngin sərvətlərə malik olan ərazisidir. 30 il müddətində ermənilər və onlara himayədarliq edən ölkələr Kəlbəcər İstisuyunu, qızıl yataqlarını və zəngin meşələrini talayaraq, bundan gəlir mənbəyi kimi istifadə etmişdirlər. 

     Prezident İlham Əliyev səfər zamanı, həmçinin Azərbaycan dövlətinin milli maraqlara əsaslanan bütün məsələlərdə prinsipial yanaşma ortaya qoyduğunu diqqətə çatdırdı. Bu kontekstdə işğal dövründə Azərbaycanın təbii sərvətlərini talayan xarici şirkətlərin cinayətlərinin gündəmə gətirilməsi xüsusi əhəmiyyətə malikdir. Dövlətimizin başçısı bu şirkətlərin iki yolu olduğunu – ya təzminat ödəyəməli olduqlarını, ya da beynəlxalq məhkəməyə veriləcəklərini vurğuladı. Bu, heç şübhəsiz, haqlı və ədalətli mövqedə olan Azərbaycanın qətiyyətinin bariz nümunəsi, milli gücünün ifadəsidir.

        Yol infrastrukturunun yenidən qurulması, Füzuli şəhəri və Laçın rayonlarında aeroportların inşa edilməsi, işğaldan azad edilmiş torpaqlarımızda abadlıq və quruculuq işlərinin sürətlə aparılması məcburi köçkünlərin yaxın vaxtlarda öz doğma yurd-yuvalarına qayıdacağına töhfə verəcəkdir.

Akif Rüstəmov,

Xocalı rayon ziyalısı

Davamını oxuyun

İşğaldan azad olunmuş torpaqlarımıza Ali Baş Komandanımızın hər səfəri, orada üçrəngli bayrağımızı ucaltmağı bizi olduqca qürurlandırır

     

   44 günlük Vətən müharibəsi Azərbaycanın qüdrətini bütün dünyaya sübut etdi. 44 günlük davam edən haqq savaşında cəmiyyətimizin nümayiş etdirdiyi möhtəşəm səfərbərlik xalqımızın dövlət başçısının ətrafında sıx birləşməsinin bariz nümunəsi idi. Azərbaycan Respublikasının Prezidenti, Ali Baş Komandan İlham Əliyevin uzun illərdən bəri apardığı məqsədyönlü işlər, xüsusilə ordu quruculuğu sahəsində həyata keçirdiyi tədbirlər öz bəhrəsini verdi. 

Bir zamanlar xəyalını qurduğumuz yurd yerləri artıq bizimdir. Artıq Şuşa, Laçın, Ağdam, Kəlbəcər və s. rayon sakinləri öz doğma ata - baba yurdlarına səfər edir, 30 illik Vətən həsrətinə son qoyurlar. 

Cənab Ali Baş Komandanın və Birinci Xanım Mehriban Əliyevanın Kəlbəcər və Laçın rayonlarına səfəri, mühüm tədbirlərdə iştirakı bizə növbəti dəfə böyük sevinc hissi yaşatdı. İşğaldan azad olunmuş torpaqlarımıza qalib Azərbaycan Ordusunun Ali Baş Komandanı kimi hər səfəri, orada üçrəngli bayrağımızı ucaltmağı bizi olduqca qürurlandırır. Biz doğma tarixi torpaqlarımıza Prezidentimizin uzaqgörən siyasəti, möhkəm iradəsi, qətiyyəti sayəsində qovuşduq. 

Cənab Prezidentimizin səmimiyyəti həmişə xalqımızın motivasiyası olub. Xüsusilə Kəlbəcərdə arıçılarla səmimi söhbətini hər kəs maraq və rəğbətlə qarşıladı. Səfər zamanı təməlqoyma, açılış mərasimləri, orada mənfur düşmənlərə ünvanladığı mesajlar qəlbimizdəki fəxarət hissini daha da artırdı. Cənab Prezidentin və Ölkəmizin vitse-prezidenti Mehriban xanım Əliyevanın belə səfərləri biz Azərbaycan vətəndaşlarına güc, qüvvət, stimul  verir. 

Azərbaycan xalqının çoxillik arzularını həyata keçirdiyi və ölkəmizin ərazi bütövlüyünü bərpa etdiyi üçün Prezidentimizə bir ömür boyu borcluyuq. 

 Sevda MƏMMƏDOVA,

Xocalı rayonundan məcburi köçkün 

Davamını oxuyun